البارت:-6
_____________
جمرة:
ايام بعد ايام.
والناس تبني احلام..
واني اخسر احلام
خسرت كلشي اهلي واحلامي
البنات البعمري تفكر يا كليه تروح تفكر من تتخرج
وين تتعين واني افكرر بعيشتنه
ههه مادري يمكن مسويه غلط
بحياتي السابقه
لو شايله ذنب حسين الكتلته
* * * * * * * * * * * * * * * *
يــــهالتنشد عـن اهلي وين ماوين
تعنّوا كـــربـــله والظـــعن مــاوين
اشـــتــظن گـلبي عليهم ابد ماوين
يون وينوح كـــل صــبح ومـــسيه
* * * * * * * * * * * * * * * *
واهلي العافوني اشيل هم الدنيا بوحدي
ماكو كتف استند عليه
مجبورة اكون السند
النفسي والهم
تحملت الجوع والفقر وتحملت مسؤوليه
طفل واني كل عمري اقل من15
ههه هسه اتأثر ؟
لا بعد ما اتأثر واذا اجتي فترة ارتاحيت بيها
معناها اكو فترة وراها راح تكسر ايديه ورجليه
اول شي انكسر هو احلامي
تركت الدراسه وعفت الاشياء الاحبها في سبيل عائلتي متشوف العوز
ايام اناام جوعانه بس حته اوكل اخواني
البنات عاشو طفولتهم بدلال ودلع
ههه اني حته الدلع ماعرفه
خسرت اهلي وعائلتي وعشت بـ فقر وعوز وفقد
بسبب انسان وهذا الانسان كتلته هههههههه
كتلته ويوميه اشوف كابوس
راجعلي وكاتلني وكاتل اختي
بس اكول لاا هو مات شيرجعه
مادري شضاملي القدر
يا مصيبه يا بلوة
________________________________________
عفتهم واريد ارجع للبيت صاح علي
ملا علي:لج تعاي مو كتلج اني اوصلج
يلا امشي بابا شنوو
متحترمين انتي
جمرة:لا اريد اتمشه رايحه وحدي
زيد:جمرة شكتلج ذاك اليوم شنو رأيج
مجاوبتي
جمرة:شكلت
زيد:همهم عمعهراؤهىب
موو صح
ويحجي بـ الغاز واني صافنه كلشي مفاهمه
جمرة:احجي بدون الغاز لو لتحجي مفارغتلك اني
زيد:يمه يمه تخوفين انتي بس شنوو كيوت واني اكول ليش صاحبنه وكع ثاري مهرة مينكدرلها
وانت حضك بس يم الصعب والمتحصله
بس اني ادري اخوي كدها
أنت تقرأ
جمرة الملا علي
Randomاصدقاء الطفولة( اولاد العم ) يفترقون بسبب اهلهم ليلتقو بعد سنين بدون ان يعرفو بعض يا ترى هل سيعرفون بعض وماذا سيفعلون اذا عرفو تابعو القصه حتى تعرفو الاحداث
