البارت:-2
__________
جمرة:بنترة هييي احترم نفسك واعرف زين ويا منو تحجي ماسمحلك ويلا اطلع برا بيتي
الضابط:سمعي لج احجي عدل والا احبسكم ومحد يكدر يطلعكم
جمرة:اعلى مابخيلك اركبه
نور:حبيبتي جمرة ع كيفج شوفي يخوف خاف يحبسنه صدك اترجاج عوفي
جمرة:سكتت عمود اخواني والا لا انت ولا 10 مثلك يخوفوني
ضحك الضابط وباوع صفح وطلع برا يباوع ع بيت
لكيت سراج جوا واكع بلكاع رحت اركض عليه سراج حبيبي باوعلي وضليت اصيح وهو ميكعد خلص كلبه واكف ميتنفس اصلا تهسترت صرت اصيح واغلط ع ضابط وعلى حسين وعلى حضي حضنته لصدري وصرت اشمه وبسرعه اجه الضابط يركض شاف سراج ميتحرك شاله من ايدي وصعده بلدوريه واحنه صعدنا ويا رحنه للمستشفى
اول مطبينه ضابط ضل يصيح ع دكاترة جوي يركضون
وكبل فحصو
الدكتور: منكدر نعرف شبي لازم دكتور اخصائي بس الاكدر اكوله هسه كلبه تعبان حيل
وعنده مشاكل بعد بس ماكدر اشخصها اني اخذي لدكتور اخصائي قلب ودماغ مو من صالحكم التأخير
اسودت الدنيا بعيني صرت ماشوف تجمعت الدموع
بعيني بس مو راضيه تنزل
كعدت بلكاع ونور جتي حضنتني وتبجي
كالو تكدرون طلعو هسه صحه
اخذته ورحت للبيت الضابط كال اكدر اني اتكفل بمصاريف علاجه اذا متكدرين
باوعتله صفح ودموعي بعدلها كلمه وتنزل
جمرة:شكرا
عفته ومشيت صاح علينه اوصلكم للبيت
ماجاوبته اخذتهم ورجعت امشي بشوارع
حسبه جيبني وحسبه توديني
فاتت من يمنه دوريه الضابط كال مخلص حسابنه
باجر لازم تجين للمركز هزيت راسي ومشيت
اصعب شعور هو العوز والفقر والفقد والوحده
من تكون عائله معتمده عليك من انت مسؤول
عن سعاده او حزن عائله من تشوف كل امور الدنيا
معاكستك من تحس نفسك عاجز ومتكدر تسوي شي
من تتصنع القوة بس داخلك مكسوور
عليمن اذب الصوج ع امي لو ابويه الجابوني للدنيا معلعله
لو ع حسين هه الي هو يكون ابوهم لاخواني وعمي
المحترم هههه لو ع اهل بابا الي عمرهم ماكانو عادلين
والله مو كد هذا الحمل اني صعب عليه
والله مشفت شي من طفولتي
اتعب من اشوف اخواني يسايروني ع عيشه
اتعب من اشوف نقصهم ويكولون منحتاج شي
اتعب من اشوف حبهم الي خصوصا سراج الي
ماعرف شنو علته
دائما يكولي من اكبرر اكوم اني اشتغل وانتي تبقين بلبيت
لو نور الي صايرة ام الي من ارجع الكاها مجهزتلي
اكل وفراشي ومن اتأخر تقلق
هه والله عجيب امر اناس محاربيني بعيشتي
اسبوع اضل اركض بس اريد شغل محد يقبل والله شنو
ههه لأن بنيه ليش لو عدنا احد يشتغل بدالي اطلع؟؟!
وصلت للبيت واجه ابو مصطفى ضل يسأل شكو
كتله السالفه كلها وحجيتله ع ابنه حته ليكول
مسوين شي
ثاني يوم الشرطه لازمين مصطفى
ورحت للمركز ضلو يسألوني شيصير مني مصطفى
جان ابو مصطفى وياي هو جاوبهم
واني كتلهم اشتغل اصلا موبالبيت
جان الضابط يسألني ع اخوي شلون صار
كتله حمدلله
طلعنه من المركز وابو مصطفى حيل تعبان ومقهور
اخذته وياي للبيت ورجعت كبل
رحت للشغل
بديت اشتغل وطلبت منهم ينطوني راتبي
وكلت اخوي مريض قبلوو لأن يعرفوني
ثاني يوم
الصبح اخذت سراج للدكتور
الدكتور:بنتي وين اهلج لازم احجي وياهم
جمرة:حسيت شال روحي وركعها بلكاع حسيت بالوحده والغربه من صدك احتاجيتهم جان يطب
الضابط ويا واحد اعلى من بالرتبه نقيب ويكله تفضل سيدي
اجه كعد كدامي وكاله للدكتور تفضل احجي
شبي الولد
ضل يشرحله كدامي واني صكيت بمكاني ماكدر اتحرك
منو شنوو شيريد هذا
الدكتور:للاسف وصل للعمر الي يبدي بي اعضائه توكف
عنده ضمور قوي بالدماغ بلزايد كم شهر ميبقه لأن كلياته متضررة عنده يشرب جكاير هو لو لا
شنو دكتور ترا عمره10 سنين شوكت لحك يشرب جكاير
للأسف منكدر نعالجه واني راح ادز تقاريره لدكاترة احسن وبرا البلد عسى ولعل نلكه علاج اله
تمام شكرا دكتور
طلعت لكيت سراج برا كاعد وضام راسه بين رجلي
جان يشوفني كالي جمرةة
سراج:اني صدك راح اموت ودموع بعيونه وايده ترجف وشوي لسانه ثكيل
جمرة:لا منو كالك
سراج:اني سمعت الدكتور يكول
جمرة:لا مو عليك هاي ع هذا الضابط
يلا امشي
وطلعنه نمشي حسيت جبال نامت ع كلبي
لأول مرة حسيت نفسي مو كد المسؤوليه
لزمت ايده ورجعت للبيت كتله نام اني راح اطلع للشغل
ولتروح للدوام اليوم اخذتلك اجازة كال تمام
جمرة:رحت للمطعم وبديت اشتغل وخلص اليوم لليل
رجعت امشي بشارع وحدي ودنيا مطرر وصلت يم البيت جان اشوف دوريه شرطه يم الباب
رحت اركض طبيت لكيت شرطه واكفين هواي منا ومنا ونور بلكاع صيح وتبجي ملخه روحها
ومناك سراج قطعه قلبي ابنيي مدد بلكااع ومغطينه من فوك لجوة
كبل كعدت ع ركبي كدام نور
جمرة:هييي شكوو ليش تبجييييين احجيي ليش ساكته شبي سراااااج مابي شي اليوم وديته للدكتور
كال مابي شي لتخافين نووووووور جاوبيني لتبجين ميصيرله شي هو كالي من اكبر بعد ماخليج تشتغليييين صرت اصيح بدون دمووع واسكت بنور
انتهيتت صرت ماحجي شي بس صافنه
النقيب الي اجه الصبح تكفل بكلشي بدفنه واخذنه بدوريه ويا للنجف ندفنه رحنه وبتنه هناك
نمت يم الكبر مالته وصرت احاجي طول الليل مسكتت
ماسمع يمي اي صوت غير صوتي وذكرياتي ويا حبيبي
هذا اخوي هذا ابني والله اني ربيته تعبي اريده
تعبت بيك كم مرة اخسسر بعد كم مرة انكسرر بعد
مو كتلي ماعوفج بس اكبر اصير اني رجال البيت وانتي تبقين بلبيت واني اطلع اشتغل
لييش رحت وعفتني لك انتضرك يوم يوم تكبر
كل هذا احجي بصوت ناصي
وهمس ونايمه ع ترابه
اجتي نور تريد شيلني مقبلت ضليت هيج ماحسيت غير نمت
كعدت ثاني يوم الصبح لكيت نفسي نايمه بلحضرة
اجتي نور كالت ها حبيبي يلا عمود نروح
ضليت صافنه عليها
اريد اذكرر شكو ليش اني هنا
نور: نطب نزور وندعيي لاخونه
جمرة:انتي طبي اني انتضرج هنا
باوعت ع امام بقهرر وبحقد ع كلشي
مو انت ابو الايتاممم
أنت تقرأ
جمرة الملا علي
De Todoاصدقاء الطفولة( اولاد العم ) يفترقون بسبب اهلهم ليلتقو بعد سنين بدون ان يعرفو بعض يا ترى هل سيعرفون بعض وماذا سيفعلون اذا عرفو تابعو القصه حتى تعرفو الاحداث
