لنحيا قبل أن نموت♥️

لِنحيا قبل أن نم.وت♥️...
بنت قاعدة في اوضتها علي السرير في ظلام دامس ومفيش شعاع ضوء داخل
بنت1: ايه يا فرح مش كفاية حبسة كده، اديلك 3شهور في نفس الحالة هتفضلي  كده لحد امتي، انتي بتم.وتي نفسك بالبطئ مفيش فرق بينك وبين المي. ت غير إنك بتتنفسي، بصي لنفسك في المراية انتي فرح البنت الجميلة اللي محدش يقدر يكسرها فين فرح القوية.
فرح قاعدة سامعة الكلام ده كله ومش بترد ولا بتعمل أي حاجه غير إنها تبص في اللاشيء
بنت1:أتمنى كلامي يفرق معاكي المرة دي يا فرح وترجعي لحياتك تاني.
فرح بعد ما مشيت صاحبتها شدت الغطا ونامت ولا كأن حد أتكلم معاها
نامت كتير وصحيت تاني يوم، مسكت تليفونها قاعدة تقلب فيه فجأة ظهرلها فيديو بعنوان "ازاي تتغلب علي الاكتئاب في 8خطوات" الفيديو ده ل كنزي مدبولى قعدت تسمعه وبعدها كملت تقليب في الفون وكالعادة مش بترد علي حد وبعدها سابت التليفون ونامت تاني.
قعدت كذا يوم كده وفي يوم صحيت الصبح بدري كده وفضلت قاعدة علي السرير بس قررت تقوم تفتح البلكونه وتخلي ضوء الشمس يدخل، صدفة بصت في المراية، فضلت مدققة فيها وسمعت صوت كأن حد بيكلمها
الصوت:شكلك بقي باهت وغريب، عايزاكي ترجعي زي الأول
فرح: مش عارفه، أنا مش حابة اللي وصلتله ومش حابة نفسي كده بس مش عارفة اطلع من اللي أنا فيه ده ،كأني في بير غويط مش عارفه اطلع منه..
صوت من جواها بيقول: هتقدري انتي عمرك ما كنتي ضعيفة ممكن كنت عايزة راحة من كل حاجة حواليكي بس دلوقتي لازم ترجعي وتعملي كل حاجه بتحبيها وتكملي دراستك، متخليش حياتك تقف على حد..
فرح قعدت تفكر شوية وبعدها قررت تقوم من السرير وتبدأ تعمل الروتين اللي بتحبه، دخلت اخدت دش وطلعت لبست الاسدال عشان تصلي.
صلت ودعت كتير وبعدها قامت رتبت الأوضة وشغلت قرآن وحطت بخور وطلعت قعدت برة مع مامتها
فرح: صباح الخير يا ماما.
الأم بفرحة ظاهرة عليها: صباح النور يا حبيبتي، أخيرا طلعتي من الأوضة.
فرح: اه الحمدلله يا ماما، قوليلي بقي هتعملي ايه اساعدك فيه.
الأم: تعالي اقفي معايا في المطبخ ونقعد نتكلم زي الأول.
فرح: حاضر يا ماما.
الأم وفرح كانوا في المطبخ وعملوا الاكل اللي فرح بتحبه
الأم: بقولك يا فرح كلمي أريج صاحبتك تيجي تتغدي معانا وابوكى هيكلم أبوها، وبعدين ابقوا انزلوا اتشموا شوية وغيري جو.
فرح: طب ما تكلميها أنتي يا ماما، اصل بصراحة محرجة اكلمها دلوقتي عشان اديلي كتير مش برد عليها.
الأم:أريج متزعلش منك دي بتحبك أكتر من اى حد، ده انتي لو كان عندك اخت مكنتش هتحبك اد أريج، يلا روحي كلميها.
فرح: حاضر يا ماما.
في بيت أريج كانت قاعده مع أخوها الصغير بتذاكرله تليفونها رن
أريج :فريد حبيبي هروح ارد علي التليفون وهاجيلك.
فريد: ماشي روحي وأنا هقعد أحل لحد ما تيجي.
أريج :أخيرا يا بنتي شوفت اسمك علي تليفوني تاني،عاملة ايه يا أستاذة فرح.
فرح: الحمدلله يا أريج، انتي عامله ايه وفريد عامل ايه وعمو.
أريج :الحمدلله كلنا كويسين، وحشتيني.
فرح:وانتي كمان وحشتيني، بقولك ماما عازماكم النهاردة علي الغدا.
أريج :ماشي هقول لبابا وشوية ونيجي ان شاء الله.
فرح:ماشى هستناكم.
أريج راحت تقول لباباها وجهزوا وراحوا لأهل فرح.
Stop..
طبعا أنتم لحد دلوقتي مش عارفين اي حد هقولكم
فرح :بنت عندها 23 سنة بشرتها سمرة شوية لون عينيها زيتوني خريجة كلية آداب علم نفس وبتشتغل life coach ودخلت في حالة نفسية وحشة هنعرف سببها قدام، العيلة مكونة من أب وأم وولدين اكبر من فرح هنعرفهم قدام.
الأب "مصطفي" رجل يبلغ من العمر 55 سنة وبيتشغل في شركة الكهرباء.
الأم "أحلام" امرأة تبلغ من العمر 48 سنة بتشتغل معلمة لغة عربية في مدرسة ابتدائية.
...
عائلة أريج.
أريج: بنت عندها 23 سنة بشرتها قمحية ولون عينيها بني خريجة كلية إدراة أعمال وصاحبة فرح المقربة.
الأب" ياسين" رجل يبلغ من العمر 55 سنة وبيشتغل مدرش لغة انجليزية.
فريد: أخو خديجة الصغير عنده 13 سنة في مدرسة إعدادية
"الأم متوف.ية"
نرجع تانى
الأم وفرح عملوا الغدا وجهزوا كل حاجة
الباب خبط ومصطفي فتح
مصطفي: أهلا أهلا يا ياسين
ياسين: أهلا بيك يا مصطفي وحشني، أخبارك ايه.
مصطفي: الحمدلله يا ياسين، اتفضلوا ادخلوا.
العيلة دخلت
أحلام :ازيك يا أريج عاملة ايه يا حبيبتي.
أريج: الحمدلله يا طنط حضرتك عاملة ايه.
أحلام: الحمدلله بخير، فرح فى اوضتها أدخليلها.
أريج: حاضر يا طنط،راحت خبطت على الباب ودخلت.
فرح: ازيك يا أريج عاملة ايه.
أريج: ازيك يا فرح، اخبارك ايه دلوقتي.
فرح: الحمدلله طول ما انتي معايا هبقي أحسن، وحشتيني اوي.
أريج حضنتها :أنتي وحشتيني أكتر يا رورو.
فرح:وحشني الدلع اللي بتقوليه وملهوش علاقة باسمي أصلا.
أريج: يلا أعيش وادلعك، يلا نطلع عشان أنا جعانة جدا أنتو عاملين أكل ايه صح.
فرح: كل الاكل اللي بتحبيه ماما عملته.
أريج: طنط دي عسل والله عارفة أنا بحب ايه وبتهتم بيا.
فرح: طب يا ستي شكرا.
أريج: سيد عيب متقولش كده إحنا أهل.
العيلتين اتغدوا وقعدوا مع بعض شوية وهما قاعدين.
فرح: معلش يا جماعة هستأذنكم هاخود أريج وفريد وننزل نتمشي شوية.
أحلام: لا يا حبيبتي انزلوا أنتو وفريد هيقعد معايا.
فرح :طيب يا ماما، يلا سلام.
أريج وفرح نزلوا وفضلوا يتمشوا وفرح عايزة تفتح كلام بس مش عارفه.
أريج: عايزة تقولي ايه
فرح: حفظاني.
أريج: قصدك فهماكي وعرفاكي كويس انتي مش مضطرة إنك تقعدي ترتبي الكلام عشان افهمك صح، قولي كل اللي أنتي عايزاه وأنا معاكى وهفهمك.
فرح: أنا عارفه ان الفترة اللي فاتت مكنتش بتكلم معاكي ولا برد حتي وشبه قطعت علاقتي بكل الناس بس أنا كنت تعبانة، مكنش عندي طاقة إني أدخل في نقاش مع حد ولا حتي أرد لو حد قالي صباح الخير، كنت حاسة ان كل حاجه تقيلة علي قلبي وإن ده مش مكاني، كنت بحاول أهرب من كل حاجة وبقول أكيد هرتاح بس أنا تعبت أكتر.
أريج : إيه اللي حصل وصلك لكده احكيلي أنا معاكى.
فرح: هو أنا وح.شة ،يعني شكلي وحش مثلاً أو فيا حاجه مش مقبولة.
أريج: أنتي مفيش احلى منك أصلا مين قالك إنك مش حلوة ده يبقي مابيفهمش.
فرح: زمان لما كنت في المدرسة كانوا البنات بيتريقوا عليا عشان سمرة ومحدش كان بيحب يقعد معايا، ودلوقتي حتي وأنا دكتورة بردو بيتريقوا عليا ،اخر مرة كنت في العيادة في بنت كانت جاية تحجز عندي واحددلها يوم عشان نبدأ في جلسات العلاج، فالمهم البنت اللي ماسكة الحجوزات كانت استأذنت ومشيت بدري اليوم ده، فأنا كنت بحجزلها فراحت بتقولي إذا كانت اللى شغالة عند الدكتورة شكلها كده تبقي الدكتورة شكلها إزاي وقعدت تضحك هي وصاحبتها روحت قطعت ورقة الحجز وقلتلها اطلعي برة والدكتورة لغيت الحجز راحت قالت أكيد محدش هيبقي عايز يشوف شكلها، أنا بجد زهقت من الناس اللي بالعقلية دي، دول مر.ضي وبيأذوا اللي حوليهم بالكلام ده، وكل ما احاول اصاحب بنت الاقيها بعدت عني لحد ما كر.هت إني أقرب من أي حد.
أريج :يا حبيبتي أنتي مفيش أحلى منك والله، هما ناس بتقيس كل حاجه بمقياس الشكل وده أكبر غل.ط وبيتسببوا في أذ.ية الأشخاص اللي حوليهم بسبب تفكيرهم العق.يم.
فرح: أنا محظوظة إن عندي صاحبة جدعة زيك معايا في كل حاجة ربنا يديمك ليا وتفضلي معايا دايما.
أريج:ويديمك ليا يا حبيبتي بس اسمها أخت مش صاحبة ماشي.
فرح: إني آسف بجد خلاص أحلى أخت في الدنيا.
أريج: أنا عايزة اعمل فكرة مجنو.نة دلوقتي إيه رأيك تشاركيني.
فرح: يبقي أكيد قصدك نروح الملاهي صح.
أريج:طبعاً يلا بينا.
فرح وأريج راحوا الملاهي ولعبوا كتير وطلعوا كل الطاقة الس.لبية اللي جواهم وروحوا البيت وأريج قعدت اليوم كله مع فرح.
عدي كذا يوم بدون ما أي حاجة جديدة تحصل بس فرح لسه منزلتش العيادة.
أريج اتصلت علي فرح.
فرح: ازيك يا جوجو عاملة ايه.
أريج: ازيك يا فرح أنا الحمدلله كويسه أنا عديت علي العيادة لقيتها مقفولة انتي مشيتي بدري ولا إيه.
فرح: احم لا أنا منزلتش أصلا ولا فتحتها لحد دلوقتي.
أريج: طيب هتفضلي لحد أمتي، شغلك ده مين هيعمله بالمنظر ده هترجعي لحالتك اللي بتحاولي تخرجي منها أصلا، من بكرة تنزلي العيادة يا فرح وترجعي لشغلك ولحياتك.
فرح: حاضر يا أريج هعمل كده.
أريج: مع السلامة.
تاني يوم فرح نزلت العيادة وبدأت ترجع لحياتها الطبيعية  تاني
وعدى كذا يوم وأريج بتكلمها علطول وبتابع معاها كل حاجه.
يوم فرح اتصلت علي أريج الصبح وردت بس كان صوتها كأنها بتع.يط
فرح: مالك يا حبيبتي في ايه.
أريج: فريد تع.ب فجأة وإحنا دلوقتي في المستشفى وأنا خايفة عليه.
فرح: ابعتيلي عنوان المستشفى وأنا هجيلك دلوقتي، سلام.
فرح راحت المستشفي وشافت  أريج قاعدة بتعيط راحت عندها.
فرح: طمنيني فريد عامل ايه دلوقتي.
أريج :الدكتور بيقول لازم يدخل العمليات دلوقتي عشان الزايدة   ملتهبة جدا وممكن تنف.جر.
فرح: يا حبيبتي أهدي دي عملية بسيطة وهيخف متقلقيش.
أريج: يارب يا فرح يارب.
فرح راحت عند فريد..
فرح: فريد عامل ايه يا حبيبي.
فريد:الحمدلله بس جنبي وجعن.ي شوية.
فرح: متقلقش شوية صغيرين وهيخف وترجع كويس.
فريد: إن شاء الله يا فرح، هي فين أريج من شوية قالتلي إنها هتيجي وماجتش لحد دلوقتي.
فرح: اقولك بس يفضل سر بينا، هي راحت تجبلك الحاجات اللي أنت بتحبها عشان كده أخرت.
الدكتور دخل وفرح طلعت برة تقعد مع أريج.
فريد دخل العمليات بس قعد وقت طويل عشان الزايدة كان فيها إلت.هاب جامد والعملية كانت صعبة.
فريد طلع ونقلوه علي أوضة عادية وأريج كانت قاعدة جنبه وفرح مشيت راحت تعمل شوية حاجات.
بعد شوية فرح رجعت وكان معاها بوكس كبير ودبدوب وحطيتهم في ركن في الأوضة.
فريد صحي وفضل قاعد شوية من غير ما يتكلم :علي فكرة أنا زعلان منك يا أريج، فين الحاجات الحلوة اللي المفروض تجبيهالي.
فرح: لا دي جابتلك حاجات كتير جدا بص البوكس اللي هناك ده كله بتاعك أنت بس تخف وترجع البيت وتاخده.
فريد: أنا بحبك اوي يا أريج.
ياسين :طب وأنا مليش شوية حب من اللي بتوزعهم دول.
فريد: أنا بحبك اوي يا بابا وبحب ماما الله يرحمها.
ياسين: الله يرحمها يا حبيبي يلا لازم تاكل دلوقتي عشان تاخد الدوا.
عدي كذا يوم وفريد طلع من المستشفى وفرح بتنزل العيادة وأريج بتروح شغلها وكل حاجه ماشية زي الفل.
يوم فرح كانت ماسكة الموبايل بتسكرول علي فيسبوك جتلها مدسج من جامعة القاهرة إن في ندوة باسمها للتنمية البشرية وهي تختار العنوان المناسب للندوة.
فرح انبسطت جدا وكلمت أريج قالتلها وقالت لوالدها ووالدتها وأخواتها
أحلام: بسم الله ماشاء الله من نجاح لنجاح اكبر ان شاء الله يا حبيبتي.
مصطفي: أنا عارف إن بنتي ناجحة دايما وعمرها ما خيبت ثقتي فيها.
مراد أخو فرح الكبير وخريج كلية الهندسة : هتبقي مشهورة يا ست فرح وبعد كده محدش هيعرف يكلمك.
فرح: أنتوا احلى عيلة في الدنيا كلها بجد مش عارفه اقول ايه علي الكلام ده كله.
أحلام: إحنا عارفين اللي في قلبك من غير ما تتكلمي الأهم دلوقتي إنك تحضري كويس للندوة دي.
فرح: أنا عرفت ايه الموضوع اللي هناقشوا فيها.
عدى كذا يوم وجه يوم الندوة.
فرح وعائلتها جهزوا وراحوا مكان الندوة وأريج وعائلتها راحوا بردو.
فرح طلعت علي المسرح وكانت متوترة شوية
فرح بدأت تعرف نفسها وبدأت تتكلم عن موضوع الندوة
عنوان الندوة هقوله في الآخر، أنا زي أي شخص عادي ممكن يجيله فترة مايكونش عايز يعمل حاجه في حياته، كان يومي عبارة عن إني نايمة وبس مش بعمل أي حاجة كنت في حالة اكتئا.ب بسبب التنم.ر اللي كنت بلاقيه من ناس كتير في حياتي لحد ما استسلمت للأفكار دي وبدأت اكر.ه كل حاجه بحبها حتي وصلت إني مكنتش أحب ابص في المراية عشان اقتنعت إن شكلي و.حش، لحد ما في يوم اتقلبت كل حاجة وكأني سمعت صوت من جوايا بيقولي قومي وقاومي وكملي حياتك ماينفعش حد ياخد فرحتي بسبب كلام بيتقال من ناس عقليتها محدودة وتفكيرها عقي.م واللي ساعدوني في ده صاحبتي وعيلتي اللي بحبها ومن اليوم ده حطيت جملة قدامي وماشية بيها دايما في حياتي وهي "لنحيا قبل أن نمو.ت"...
#تمت.
لـِ شيماء أسامة "ملاك القلم".
#shaymaa_osama