((الحلقه الحاديه عشر))
سند بيبدأ يعمل تحريات عن المبنى وبدأ يجهز نفسه من ناحية كل حاجه سلاح وتدريب وتمرين وكام شخص في المبنى وبيعملو اي وقتهم بيمشي ازاي وجهز رجاله كتير وعساكر وفرقه كامله المره دي مش ناوي يخسر أبدآ.. وبيتجنب شغف وبيتجهالها بحجة الشغل والمهمه وحق صحبو
وبيجي يوم المهمه
(في الحدود)
سند:هنهجم بعد واحد اتنين تلاته
قالها وبداو كلهم ب الهجوم كانو أقوى من المره الي قبلها ضرب نار وقنابل سند كان سايبهم وبيدور على اللي قتل صحبو مش ناسي ملامحه أبدآ ملامحه محفوره في دماغو ده اللي يتم ابن صحبو من قبل ما يجي الدنيا
دخل كذا اوضه واللي بيجي على سكته بيقتله كان الأول بيضرب في دراع رجل كتف دلوقتي بيقتل ب دم بارد لحد ما وصل للأوضه اللي فيها البوص
#انت جيت انا كنت مستينك
سند:ومستعجل على نهاية عمرك ليه
قالها ونط عليه واحد من وراه سند ضربه وهو مكمل ضرب دخلو اتنين تانين يضربو سند بس في ثانيه كان خلص عليهم كلهم
سند:عشان مضيعش وقتي فين الميكرفولم؟
#اي الثقه دي بتسأل ولا كأني هقولك مكانو .. هعمل معاك ديل حلو اوي تعالى نشوف مين هيموت التاني بس من غير سلاح واللي هيموت يبقا هو الخسران والكسبان هياخد الميكرفولم اللي هو في الخزنه دي
سند:غالي وطلبك رخيص .. تعالى
البوص مكنش يعرف ان سند السلاح معاه وجوده زاي عدمه لأن هو ذات نفسه سلاح بداو يضربو بعض ب وحشيه وكالعاده سند اللي غلبو طبعآ بس وهو بيضربوا دخل واحد ضرب سند ب سكينه في ضهره كان البوص هرب من تحت إيد سند
سند شال السكينه كأنها دبوس وضرب بيها اللي ضربه وطلع يجري ورا البوص طلع وراه ل أعلى المبنى كان في الدور ال ٦٧
البوص كان معاه طفل ورافع عليه سكينه
البوص:ابعد هقتله
سند:ده ابنك هتقتل ابنك؟
البوص:مش ابني ده حيله ابن مراتي .. ابعد والا هرميه من هنا
سند:طيب اللي انت عايزو
طلع كام واحد من رجالة البوص خده من سند السلاح وربطو في كرسي وخده الطفل ونزلوا زاي ما طلب البوص
البوص:ههههه هقتلك هخلص عليك والفت النظر ابقا الوحيد اللي عرف يقتل شبح اليل شفت انك وقعت تحت إيدي شفت نهايتك اي
فضل يهدد سند ويقول كلام اهبل وطبعآ سند كان مستغل الفرصه
سند:تعرف انك غبي قولي ليه؟
البوص:ليه؟
سند:لما تبقا عايز تقتل حد تقتله على طول ليه بقا .. عشان متدوش فرصه يفكر هيتصرف ازاي
قالها ورفع رجليه ضرب البوص في بطنه وقام ب الكرسي قعد عليه ومع محاولات البوص انه يقوم من تحت سند وقع من أعلى المبني سند خد السلاح ضرب على شباك قزاز وخد حته من القزاز قطع بيها الحبل اللي مربوط بيه ونزل للبوص اللي كان اتفرتك ميت حته وفتش في هدومه وطلع الميكرفولم
سند:غبي قال تقتلني قال ده انت ذات نفسك قولت شبح اليل يعني ب ٧ ترواح يا غبي
قالها وافتكر صحبو اللي مات الغيظ كان مليه وفضل يضرب رصاص في البوص .. وشويه ورجالته خلصو وقبضو على نص رجالة البوص والنص اللي تاني كان مات .. والمهه تمت بنجاح وسند سلم الميكرفولم اللي فيه حاجات تخص البلد ل مديره وجاب حق صحبو وكدا ناره بردت والاصابه اللي في ضهره كانت بسيطه خد غزرتين وكان بنسباله جرح عادي ميجيش حاجه جنب الجروح القديمه
(في مكتب سند)
خالد:مبروك على نجاح المهمه يا قلب اخوك
سند:بعد اي بقا يا خالد بعد ما خسرنا واحد مننا
خالد:هو دلوقتي في مكان احسن ربنا يرحمه .. المهم شغف مش مبطله تسأل عليك
سند: طيب هروح اشوفها سلام ..
نزل سند وخد عربيته وكان باعت ل شغف انها تقبله تحت بيتها بعد تفكير كتير سند قرار انه هيسبها خاف يشوفها مكان مرات صحبو .. خاف ابنو يبقا يتيم خاف حد من الاأعداء اللي بتكتر يعرف انه بيحبها ويهدده بيه ساعتها دي هتكون نقطة ضعفه بعد شويه كان وصل ووقف يستناها تحت البيت شويه وشغف نزلت كانت فرحانه انها اخيرآ شافته
شغف:وحشتني اوي اوي طمني عليك عامل اي .. هنروح فين .. تعرف انا بقيت مبحبش شغلك عشان واخدك مني .. مش بحب اي حاجه تاخدك مني
فضلت شغف تتكلم وتتكلم وسند ساكت
شغف:ساكت ليه يا سند حصل حاجه؟
سند:شغف انا مش هينفع اكمل معاكي..
شغف:إزاي مش فاهمه
سند:كلامي واضح مش عايز اكمل..
شغف:انت بتهزر صح .. عامل فيا مقلب؟
سند:مش بهزر يا شغف اعتبري اللي بينا انتهى ..
شغف:ليه انا عملت اي .. حصل مني اي لو زعلتك حقك عليا والله
قالتها وهي بتعيط منهاره في العياط
شغف:متسبنيش يا سند .. انت كل حاجه ليا متتخلاش عني ارجوك انا ماليش غيرك معرفتش الحب غير معاك متسبنيش
سند:اهدي بطلي عياط وعيشي حياتك اعرفي حد من سنك انتي بنسبالي طفله .. اكيد يوم ما اتجوز مش هتجوز طفله عيشي حياتك انتي لسه صغيره
قالها وركب عربيته ومشي وهو قلبه هيطلع من مكانه شغف اتصلت ب دينا جتلها ودخلت في حالة إكتئاب وبقت تتعالج ب الطب النفسي سند كان عارف اللي بيحصلها بس شاف ان كدا احسن ليها وليه هو خطر عليها
وخلص البارت لحد هنا إلى إلقاء في بارت جديد
أنت تقرأ
حكاية شغف💕
Açãoثم يأتيك شخص واحد به كل ما أردته من أمنيات.. نصف صديق وبعض من الأهل ومدينة من الآمان ووقتها تسمع اغاني ام كلثوم بحنيه وهي بتقول: "يا حبيب امبارح وحبيب دلوقتي وحبيبي ل بكرا واخر وقتي💕"
