Chamber of Masti

10th continuation

To bhai pichle chapter mein jaise apna padha 10th ki starting zyada achi nahi thi but yeh kisne kaha shuruaat boring thi to saal boring gaya hoga..  Apni 10th chal rahihai ekdum atrangi.  gharwalon ke tane, friends ka sath. To kayi atrangi moments hue hai sab likhne lag gayi to padthe padthe raat hojayegi to school ki padhai kab karoge.

Moments mixed honge. Chronology aur timeline bana ke likhe itne bhi vehle ni hum.

Pehla moment jab aadhi class, class ke bahar khadi thi English period mein. Sabse alag baat jo bahar khade the who maze kar rahe the hum andar baithe dare pade the (hum teen mese ek writer bahar thi baki do andar). Main hu unn mahaan logon main se ek jo baahar khade the).Baad mein sab andar aake humein weather forecast bata rahe the.

Agla moment august mein hua tha ek sir ne kaha ki humare half yearly exam 18th august se hai and usdin I think 8th august hogi shayad aur syllabus abhi bhi pada tha. Although it was a joke but we believed him and started planning in recess ki pura saal timepass karte nikaal diya ab preparation karte hain.Aakhir woh teacher thehre humaare coordinator. aur unke paas aay ek date sheet. Ab uss time pe Parshida board pe sum solve kar rahi thi aur sir ne announce kiya. Class nahi maani toh sir ne parshida ko datesheet dikhaayi jispe saaf saaf syllabus aur dates likhi thi but ye ni likha tha ki kaunse exam ki date sheet hai. Ab parshida break mein sabko suna rahi hai ki kaunse din kaunse day ko kya exam hai cuz usko date sheet 2 sec mein dekh kar yaad ho gayi thi. Then another teacher told us ki 18 se pre half yearly the (chalo who kaunsa half yearly se kam darawne the). Ab kya kahen humara kya ban gaya.

To ekdin ek lecture mein hum mam ke sath maze kar rahe the. Ek writer volunteer banke bol rahi thi ab hum jaise paagal kya bolenge samjh jao. (It was me and main standup comedy kar rahi thi cuz why not) To tabhi next period ke teacher aagaye aur humari writer vaapas ane vali thi ki sir ne usse bula liya ki continue rakh bichari ki jo halat hui. She literally had to filter everything she said kyunki ab kya bole bichari(although she is not bichari)

To ek naya trend bhi chala coordinator office ke bahar class wise display board decoration ka. Jab humari class ki turn aayi to pehla topic to theek tha uske baad aaise topic nikalne shuru kiye humne jinka kisine sapne mein na socha ho. For example- Greek Mythology, Horror mysteries of the world, James Webb Space Telescope aur pata ni kya kya. Ek humne kasam kha rakhi hai ki bhale humein humari turn ka ek mahine pehle batado hum charts wagera 1-2 din pehle hi tyaar karenge.  Ek baar to humein aur humari class incharge ko bataya hi dupher ko gaya ki kal tum logon ki turn hai. Usdin realize hua ghar mein chart wagera rakhne chahiye. Yeh bhi pata chal gaya ki humari  speed theek hai zyada slow nahi.

Phir aya jab school mein morning assembly shuru hui aur humein pata chala 1 din pehle ki humari turn hai. Turn ke pichle din topic jake decide hua mushkil se 5th-6th period tak content final hua shayad woh bhi kuch bachon ka pada tha. Agle din assembly hui aur mic ki humse personal dushmani thi toh beech mein ho gaya kharab. Aur kisi assembly mein kharab nahi hua hoga humse alag dusmani thi. Phir bhi tareefein mili thi ki assembly achi thi ab aur chahiye kya tha humein. (Meri speech ke beech mein kharab huya tha. Ek toh meri speech bhi itni nonchalant si thi aur upar se mic kharab ho gya toh i was like F it. Comedy hi karte hain. I’m still shocked ki sabko ITNI pasand kaise aa gayi. Ab se toh hamesha speech mein jokes rakhenge)

Ek aur atrangi cheez humne ki thi teachers day ke cards. Cards phone pe edit karke print nikale the. Har card par teacher ke bare mein 1-1 line likhni thi aur woh lines likhte banate time jo masti ki  aur hase hai hum matlab sidha thodi likhenge hum tareef to har koi kardega hum hasayenge.

Phir ata hai moment Info Tech ke lab periods ka. Baki to theek hai par yeh non-IT bache kyun peeche pade hote hai ki “Sir Lab!!!” humein class se bahar bhejna hota hai inhone (HAHAHA. Tumhe ni pata ki jab tum lab jaate ho toh class mein kya kya hota hai)

Lab ki baat ho aur chemistry lab ki baat na ho aaisa hoga kya to like pehle experiment ke time garam test tube paani ke neeche kardi humne aur gayi test tube toot.. Aur bhi bohot kuch kiya hai ferrous sulphate ke experiment time uske pop sound ko tank jaise chalana, do experiments ke solution mix kardene. Shukar hai bas kabhi explosion nahi hua bhagwan ki kripa se. Abhi kal hi potassium permanganate se lab ka sink purple rang ke aaye hain. Ethanol, Acetic Acid aur Esters ki smell test karne time jo humaari haalat huyi woh humein hi pata hai.

Aur ek moment jab school ameer hogaya tha(not seriously). Hua kya ek din achanak checking hogayi inshort raid pad gayi yeh dhoondhne ke liye ki kaun kaun bache active pe aate hai aur literally itni keys ki baap re showroom khol lo ya olx kardo kamai achi hogi. Jin bachon ki keys thi woh buri wali tension mein aur hum again mazey le rahe the.

Aur ek khatarnaak moment Diwali cards. Cards banake unpe aisi wishes likhi thi jo literally kisine na socha ho. Normal wishes, aashirwad to diwali pe sab dete hai hum alag hai normal wishes se bore hogaye the. Ek card ke sath toh extra panga liya tha ab who panga batake pair pe kulhadi nahi marni humne. (Tu mat bata main bata deti hu. Basically humne uspe likha ‘May this Diwali burn all evil and our maths question papers’ aur phir ussko humaare maths teacher cum coordinator ko gift kar diya. Luckily sir took the joke and humein kucch ni kaha gaya)

Yeh the kuch moments baki moments jo humare sehpathi(classmate) ise padh rahe hai who comments mein add karo