من أين أتيت

جزء 8

.قراءة ممتعة 🥰🥰

في سيارة .............

سرحانه في روشن .... لون سماء متغير لرمادي .... وكأنا العالم تحول للون الاسود والابيض ....

زي قلب جهينة .... تغيرت هلبا حاجات فيها ... ولكن حاولت تخفيها قدام خوتها بيش متقلقهمش

انتبهت جهينة ... وتلفتت لي منير بصدمه :

_ هذه مش مدرستي !!..... احنا وين ؟؟

منير رد عليها بعد ما وقف قدام باب مدرسة :

_ هذه مدرستك جهينة .... انقلت ملف لمدرسة ثانية .

_ وعلاش ؟؟

_ الخاطفين بدو يعرفوا مدرستك .... و

قاطعاته جهينة بغضب :

_ لا منير بلاهي عليك متقولهاش .... انحب مدرستي .... بلاهي عليك واللهي تتعب نفسيتي .

_ جهينة !!

_.................... حاضر ...😔

وحتى الموضوع نفسه عند كريمة .... لكن اسوى .... زي ما يقولو (( ألي يشوف مصيبة غيره تهون عليه مصيبته ))

كريمة خشت بقوى للمربوعة :

_ وبعدين يا اشرف ؟؟..... مخليني في مرسة لساعة 3 وخليتني نروح على رجليا !!..... خيرك ما جيتش ؟؟

أشرف عدل تقعميسته .... وشبحلها بعيون بارده :

_ هكي .... مزاجي .... منبيش نروح بيك ...

_ ميجيش منا يا اشرف .... انت لازم توصلني !!

اوقف قدامها ونفخ على وجهها دخان الي كان يسفت فيه :

_ الي كان يروح بيك امشى اتزوج وحدا ثانيه .... ونساك ....

كحت كريمة من ريحه دخان :

_ شن قصدك ؟؟

_ افهمي من كلامي ... اني معاش منوصلك .... وهيا دركي وجهك ...

_ وقرايتي يا اشرف .... شن يصير فيها !!

رد عليها ببرود :

_ بطلي .

ازداد غضب كريمة وتفجرت فيه :

_ مصح وجهك يا كلب .... مسد نعاني فيك .... تبيني نبطل .... اسمع قسما عظما .... كان متوصلنيش انقول لشرطة علي لقيته تحت مندار !!!!

عيون اشرف تلونو للون الاحمر وعروقه طلعوا .... شدها من شعرها وهزها بلقويا :

_ شن تقولي .......... تمشي لشرطة ؟؟.... انا غالط شكلي معرفتش نربيك كويس .... لكن انا منتسماش أشرف ... كان مخليتكش تندمي على ليوم لنجبتي فيه .....

عيون كريمة نزلوا دموع .... ومعاش قدرت نطق بحرف ....

طاح فيها ضرب .... علا شحان شعر على كفوف على بونيات ..... على رفس ... كل طرق تعذيب استعملها ...