اني كلش خايفه بس ماريد ابين لصديقاتي
الان هنه خايفات بدون شي سمعنه صوتهم
راجعين تصرفنه عادي فتح الباب أول مدخل حس
شي جوه رجله وخر رجله شاف التلفون بسرعه ضل
يحجي على الفاهي طلعو وسدو الباب بس نسمع
شنو يحجون كله والله لو منتبهات ومتصلات منه
ما يتردد الرئيس كبل يكتلك صاح بصووت عالي
ولي خلي بساره وتعال وشوف اخاف متصلين منه
كله لا ماكو شي راح الفاهي ودخل هذا الي
اسمه سيف هوه ضخم ما شايفين اشكالهم الان لابسين
سود ومتكده تريدون تعرفون اشلون نميز بين صادق
وسيف : سيف سمين وضخم اما صادق ضعيف وطويل وهسه عرفتو
دخل سيف وكعد كدامنه هوه واسلاحه وحجه سويتن شي
جاوبت اني كتله لا سكت
نور. : ما ترجعونه لهلنه شنو انتو ما عدكم خوات ما تخافون
الله صار 3 ايام على هاي الكعده ماي كوه تنطونه صديقاتي
بس ساكتات هوه ضل ساكت شويه وحجه
سيف : والله البزونه طلع عده السان وتحجي بس تدرين
كل كلامج ما يفيد ما نرجعجن اذا ما انفذ الي براسنه
نور : ضحكت كتله متكد انت
سيف : اي متكد
نور. : راح ادفعكم ثمن هاي 3 ايام الي ضلينه هنا والله
خوالي راح يوصلون النه واذكرك من كلامي احس بثقه
ضل ساكت ما حجه شي بعدها اجه صادق عافه
يمنه وراح شو فد ساعه
واجه هوه والرئيس العصابه
كال سيف منيه الي حجة اشر عليه سيف
كال ليش هل كد واثقه من كلامج ومنو ساند ضهرج
نور.: مجرد انطيته نضره وابتسامه ودرت وجهي ضلو
يحاولون اجاوب حته بسلاح هددوني وما جاوبت
مادري منين جبت هل قوه وهمه يحجون سمعت
صوت سيارات هواي وكفن بسرعه كتله اجوك الي راح يسحلوك 😌😌
الرئيس : اشلوون تواصلتي وياهم انتو وين جنتو
نور : اني معليه الي مشغلهم اغبياء
اجه واحد من ذولي الي برا كله حاصرو كل المكان
نسر. :.
بدينه بالبحث وعرفنه همه على حدود كربلاء مكان اسمه
الحزام الخضر بدينه نجمع القوات واهل البنات اجو
ويانه واني وياي علي ورائد صلاح من كربلاء
تحركت السيارات الي ما الهن عدد
الان الي عرفنا انو همه هواي هوااي توجهنه للمكان
لحسن الحض الشخص الي اتصلت منه نور جان
ما غالق التلفون واني بقلق على البنات اخاف يسولهن
شي وطلبت يخاصرون المكان من وصلنه وصح جانو
هواي بس بفضل الله احنه اكثر منهم نزلنه وصار اطلاق
نار بينه وبينهم سيطرنه عليهم وعلى المكان
من كل الجهات وعرفنه الي بقه جوه همه اثنين ورئيسهم
والبنات دخلنه وفتشنه المكان وبقت غرفه وحده
رحنه عليهم بس دخلنه جانو مسلحين والاسلحه على راس البنات والبنات خايفات بس نور ممبين عليه خوف
خواله واهل البنات كلش خافو
رئيس : نزلو اسلحتكم لو نرمي على البنات اني ورايه
ولد خال نور شفته سوت حركه بعيونه الهم جان يجي
عليه واحد اسمه محمد
محمد.: نزلو السلاح واضل احجي ويا نور راح تصرف
نسر. : اشلون انت بيك شي اني من واجبي انقذهن
محمد. : الوقت مو مناسب ادري واجبك بس سوي الي كتلك علي
نسر.: استسلمت نزلت الاسلاح وكلت لرئيس انطينه
البنات ومراح نسويلكم شي
والرئيس مركز عليه بس الاسلاح على نور وما نحس
اله نور تنطي ضربه بيده وصار السلاح بيد نور بعده
ما الحك انطته الثانيه برجله وجهت السلاح علي
بسرعه اخذنه اسلحتنه ورحنه عليهم اخذهم الجنود
سحل واهل البنات راحو يطمنون على بناتهم
واني واكف يم اهل نور
نسر. : الحمدلله على سلامة البنات ومن داخلي فرحان
بالي سويته نور شجاعه انتبهت لشكله حييل تعبان دا احجي
ويا الشيخ وما نحس اله نور غابت عن الوعي استذنت
من اهله وشلته وركضت بيه لسياره واجه ابوه وخاله الشيخ
ورحنه للمستشفى والبقيه لحكونه.بس وصلنه اتصلو
على امه اجت خطيه بس تبجي على بته فحصوه واجه
الدكتور وكال وضعه كلش تعبان وجسمه ضعيف نريد
تضل بالمستشفى كم يوم عن ما تتحسن
خلوله مغذي وعلاجات هسه دخلت امه وكرايبه
يمه بالي يمه بس زحمه اشوفه ضليت يم
الولد حيل محترمين تبادلنه الرقام ومن كلامي
حسيت بخوفهم وحبهم لنور
كالولي روح ارتاح كتلهم خلي يكولون تحسنت واروح
ضليت فد ساعتين كالو تحسنت الحمدلله
كالو هسه تروح ترتاح لو ناخذك لبيتنه
كتلهم اني رايح بس اي شي تحتاجون اتصلو
كالو متقصر والله رحت سلمت على الشيخ وكتله من رخصتك رايح ارتاح كال مرخوص وتعبناك ان شاءالله ميزان حسناتك وليدي
نسر : هذا واجبنه شيخ
هنا خلص البارت وادري طولت عليكم بس راح تفهمون سبب
الاتخير بالبارتات 🌹🌹🌹
