تعرفون الملا شيكول :
اليتعب يستراح براحه السجاده 🤎
دائماً خلو ايمانكم برب العالمين قوي ولا تنطون مجال للبعد عنه
حبايب اعرف طولت عليكم هواي كلش وصارت محلوه بسبب التخير
وهذا البارت راح يكون ختامي وراح تفهمون ليش طولت يلا كتبته او شجعت اكتبه
*****************************
*******************
نور : خلصت فترة الامتحانات وفتحت الفون
وبدون تفكير ايدي راحت على حسابه
وكتبت بكل لهفه مشتاقتلك يبعدي
مرت دقايق وما رد وما متعوده يتاخر يلا يجاوب
ومر يوم وهوه ماكو والتفكير ياخذني ويردني
ويوم بعد يوم ميجاوب واني ادهورت
حالتي الصحيه لحد اخر مره جنت رايحه انطي
جاي لباب فجاه صار كلشي اضلم وما شفت
شي بعد وصوت ونه قويه بأذني بعد محسيت
على شي
مر وقت ماعرف شكد بديت احس بأصواتهم
بس ماكدر افتح عيوني جاهدت وفتحتهم
شفت امي تبجي وبابا فوك راسي
ماما. : الحمدلله على السلامة بنيتي
نور. : الله يسلمج ماما بس شبيه شصار
ماما. : حبيبتي مصار شي بس مضاعفات بسبب متاكلين شوي بعد نرجعج للبيت
نور. : غمضت عيوني بتعب مابيه حيل احجي
شي
شوي وطلعنه رجعنه للبيت
صعدوني لغرفتي وكلتلهم اريد ارتاح عافوني
شفت فوني على الميز فتحته وهم ما راد
اثر العلاجات براسي بعده
رحت مددت وغفيت وبدت تمر ايام ثكيله
واني يوميه اراسل اريده يجاوب ماكو
طبعاً عنده نت وجاي توصل الرسايل بس ماعرف
ليش ميرد لحد اخر سبوع استسلمت
وما صرت اراسل عفته براحته
اني ذبلت مو نفس قبل اضحك واسولف صرت دائماً بغرفتي ما اطلع منه صديقاتي حاولو
يطلعوني من هاي الحاله عجزو خلصت العطله وبدا الدوام واني الحمدلله ناجحه بديت احضر ملابس
وكتب ودفاتر
اول يوم داومت شفته بالباب واكف احس كلشي
وكف جسمي صار حار وبارد معدتي وجعتني
كلبي دك حيل شتياق وقلق وخوف كلهن سوه
باوعلي من فوك ليجوه بنظرت استحقار
استغربت اول مره اشوفه هيج هز ايده ومشه
دخلت الدوام واني عقلي مفتر ليش سوه
هيج راجعت نفسي، الف مره وراجعت كل كلامي ويا
ماكو اي غلط مني خلصت ورجعت للبيت
سبحت وبدلت وشفت الفون وهنا جانت اكبر صدمه
بحياتي
رسايل من نسر 🦅
نسرر: انتي انسان ما شفتي تربيه وحرامات حبيت
هيج انسانه رخيصة مثلج ومتندم على كل
يوم كضيته وياج والشباب الي تعرفيهم خلي يفيدوج
نور. : اقرا والصدمه مو طبيعي صرت ادزله ضحكات بابا بلا هاي المقالب عوف هل حجي مشتاقتلك
نسر. : لا تكولين بابا ما تستاهلين هاي الكلمه وجاي احجي صدك يايوم اشاقيت وياج اني وجهج بعد ماريد اشوفه ورساله لدزين الان راح احضرج من كل البرامج يا رخيصه ما اتشرف بيج ولا باليوم الي عرفتج بي يلا دي منا
نور. : الصدمه مسيطره عليه ما عرفت شنو ارد وحضرني
كلبي وعقلي ما مستوعبه الصدمه ما نزلت دمعه وحده مني بس احس شي مثل السجاجين بداخلي
عفت كلشي ورحت نمت بوقته الساعه ب 2:30
ما كعدت اله ثاني يوم الضهر اشلون نمت كل هذا الوقت مادري كعدت واني احس شي مسلوب مني
خليت ايدي مكان كلبي ما لكيته يدك بس بدون احساس كتله من البرود وعدم الشعور
صرت اروح لدوام وارجع وتمر الايام ولكل ملاحظ
ذبولي شرود عقلي عدم اهتمامي بصحتي
واني ما اهتم لهل امور مجرد روتين اكضي حتى ارجع انام وجنت دائماً اتهرب من صديقاتي واسئلتهن عنه الان لكل جان يعرف علاقتنه شكد قويه واحد يحب الثاني جان جاوبي ماعرف اختفى
الان خيبة الي اعيشه كلش كبيره عليه شخص حبيته وجنت مستعده لو يطلب روحي انطيه اله اشلون يكول عني هذا الكلام هوه يعرفني زين والعجيب انو دمعه وحده ما نزلت مني لحد ما وره
متحانات نصف السنه دخلي حساب على التيك توك
وجان هوه نسر. : حاول يتعذر على الي حجاه
وطلب مني اتصال واحد قبلت واتصل
مجرد ما سمعت صوت بجيت بجي سنه بيوم
حاول يتأسف بس جروح كلبي ما يطيبن بأسف
جرحني وهوه اول شخص أمن بي واحبه خنت اهلي وثقتهم علموده كسر بيه شي، ما يصلح
ولا اتوقع بيوم من الايام راح يصلح مره على هاي السالفه 3 سنوات والجرح والكلام الي سمعته منه ما راح من بالي لو دقيقه صرت فاقده الاحساس اتجاه كلشي كلبي من يوم الي نمت بعده محادثه وكعدت كلبي اختفى فقدت الثقه بكلشي صرت انسانه منعزله دائماً بحالة اكتئاب وصارت تروح دكاتره نفسيه وما لكت اي فاده
الي اريد اوصله الجن بخلال هاي القصه مو كلشي يلمع ذهب ولا اي شخص يحبنه معناها راح يحافظ علينه وعلى نفسيتنه ويقدر حبنه المرات يكونه حبنه صادق ويا الانسان الغلط وبنياتي لا تغرجن المقامات مو كل شخص مثل ما احنى تربينه هوه متربي ولا كل شخص يخاف الله والي اشوفه تبتعدون عن الحب الان يسبب اكبر خيبه للانسان واهم شي الدراسه هيه الي راح ترفعج بين الناس هيه الي راح تخلي لكل بحترمج برضاته او لا
خلصت القصه واعرف طولت وختصرت الجن هواي
بس الي اتمناها تفهمن القصد منها ولا تنغرن بالبداية المزيفه
