سُدف

8. عاطِفَة

صباح الخير حلويني

هالبارت بمناسبة فوز المُنتخب السعودي وعقبال نهائي كأس العالم🤍🇸🇦.

وقبل تبدون البارت، في بدايته كنت أكتب بمشاعر حُزن وحُب بنفس الوقت ولحظتها كنت قاعده أسمع هالأغنية وحسيت ممكن تقدرون تعيشون نفس مشاعري لو تسمعون هالأغنيه مع بداية هالبارت

لذلك اللي يبي يسمعها هذي أسمها

Discoloration - Dawn Golden

م أطول عليكم؛ اسّتمتعوا 🤍

__

"ياتُرى هَل عيناك أجَمل أم صُوتك..
احَدُهما أضيع فيه والثاني يُضيعُّني"

.
.

تنهدت بتعب وإرهاق وهي تفك القفازات مع الغطاء البلاستيك وترميهم بالزبالة

طلعت تبشر أهل المريض بأن العملية نجحت وشافت فرحتهم وم أعطت ردة فعل واضحه وهي تنسحب تاركتهم يعيشون فرحتهم

طلعت لمكتبها لكن قبل تدخل وقفت بمكانها لثواني وهي تتنهد: آه يا ترف..

دخلت المكتب واستغربت لمن شافته فاضي

مشت بهدوء وحطت كمية بُن بألة القهوة وشغلت الألة وطلعت تشتري كروسان سادة

رجعت للغرفة وسحبت جاكيت دافي مع كوبين القهوة اللي كانوا جاهزين والكروسان

دخلت المصعد وضغطت ع أخر دور بصعوبة وأنتظرت دقايق قبل ينفتح وتطلع

مشت بخطوات هادية لين وصلت للباب وفتحته

طالعت بالمكان بهدوء قبل تلمح ضالتها وتبتسم بخفة وتمشي ناحيتها

استندت ع الجدار جنبها وحطت كوب جنبها والكوب الثاني نزلته عند ترف

حطت الجاكيت فوق ترف وظلت ساكته

دقايق قبل ترفع ترف راسها لمن حسّت نفسها مستعده تهاوش أيًا كان هالشخص الوقح اللي تلقف ع خصوصيتها

لكن م قدرت تنطق بحرف لمن شافت رواء وسكتت وهي مصدومة

رواء كانت سانده راسها ع الجدار ورافعه راسها وهي تتأمل السماء بهدوء: الكروسان لك، أكليه

ترف طالعت جنبها وفعلاً شافت كيس بني ورقي وجنبه قهوة، ومن ريحتها القوية؟ كانت متأكدة ان القهوة بلاك أو إسبريسو