اسكريبتات مجانين العشق. للكاتبة سنسن ضاحي

أسكريبت2" دي حاجة حلوة خالص"

ـ أنتي ياحليوة ي سيدة الليلة
ــ الله أي الروقان ده ياماما
ـ" جايلك عريس يابنت،
ـ شكله أيه حلو  شبه أحمد عز طول بعرض ولا شكل أمه ايه
ـ مالك ملهوفة   خليكي تقيله
ـ حاضر هخليني بس العريس فين بره صح
ـ بره أي ي موكوسة،  جاي بالليل
ـ يارب يجيب جاتوه معاه
ـ هو ده كل اللي هامك،  همك علي كرشك
ـ لأ طبعًا وهمي علي شكل أمه أي
ـ وانتي مالك ومال شكل أمه، أنتي هتتجوزيها
ــ لأ هتجوزه هو قصدي مز ومن الاخر وشغل هالة فاخر
ـ بنت بطلي أسلوب التكاتك اللي طفح عليكي ده
ـ هبطل ده أنا هستنا الجاتوه علي نار
ـ ايه يبنت المفجوعة
ـ قصدي المز علي نار
ـ بنت،  تخليكي هاديه ومؤدبه قصاد الناس وبلاش شغل الهمج ده
ـ حاضر ياماما

****
ــ يابنت المحظوظة يافاطمة
ـ أنبري فيها أنتي ي بوز الاخص
ـ العريس قمر أبن الايه
ـ مش قادره عاوزة أعاكس
ـ حاساه خجوله ياطمطم
ـ كامل الاوصاف نداني
ـ حلو أوي وجميل
ـ بنت أنا هتماسك أزاي قدام جمال أمه
ـ مش عارفة متسبهولي، وشوفي وأحد شبهك
ـ ده هو ده اللي شبهي طول عمري نفسي أتجوز وآحد قطه مغمضة
ــ صبرتي ونولتي يبنتي أوعي يخلع من أيدك
ـ وايه هيجيبه عند أيدي ده تحت درسي اصلا ده أنا متبته
فيه باسناني.

*****
ــــ أتفضل يبني أشرب العصير يادكتور كريم
ـ متشكر جدا أنت ذوق،أنت فوق
نظر لزوجته وهمس:
ـ وليه حرام ندبس الواد في بنت الكلب اللي جوه دي
ـ ـ أسكت أنت خلينا نسجد شكر لله لما تنكشح من وشنا،
وجهت أنظارها وحديثها له واردفت ببشاشة
ـ أومال فين والدتك يبني؟
ــ ماتت الله يرحمها
ــ الحمد لله
ـ ايه؟!
ــــ قصدي يافرج الله يبني
ــ بتقولي أي؟
ـ اوووه أقصد الله يرحمها، بنتي بطه زينت بنات الحته
ــ عاشت البطابيط ياحجة
ــ هاديه وراسية وقليلة الكلام وزي البلسم تمام...!
ـ أنا أتبشرت شكلها ذووق شكلها فوق...!
ـ لا هي مش فوق دي جوه الاوضه مكسوفه، أصلها بتخجل

اردف الاب متمما:.... أيوة بنتي وش كسوف يعني بتتكسف
تتكلم حتي

ـ ماشاء الله اللهم بارك شكلها فوق شكلها ذوق...!
ــ لا دي جوه ثواني أجيبها عشان بتتكسف تمشي
ـ ليه رجلها مكسورة؟
ـــ مش القصد بتتكسف تمشي لوحدها مش بتعرف
ـ معاقة ذهنياً ولا اي؟
ــ أنا رايحة أجيبها مش هتاخر

..... حينما دلفت كانت خجولة أو بالاحري متصنعة الخجل
نظرت لوالديها.....: ممكن تسبونا يتعرف عليا شوية...يلااا مستنيين أي "
خرجوا بسرعة في الحال أما هي جلست أمامه ولحظة حتي تبدلت تماماً
بينما هو كان خجولاً لابعد مدي
ـ أسمك أي؟
ـ كريم!
ــ عمرك كام؟
ـ سبعه وعشرين
ــ كنت مرتبط قبل كده؟
ــ خالص
ـ ايه اللي عجبك فيا
ـ ولا حاجة هو انا أعرفك،أهو أي عروسه والسلام
ـ ياسلام، هنتخطب وتنزل قصة حبك ليا في بوست
ـ أنا لسه عارفك من تلت دقايق ونص
ــ أنا اعظم انتصاراتك يالا
ـ في الحقيقة انا مضطر أستاذن عندي عيادة دلوقتي، وهم قائماً

اردفت بغضب:  أقعد يالا مش لما نقرأ الفاتحة
ـ مش حافظها والله
ـ أنت شكلك عاوز تخلع..!
ـ لأ هروح أحفظ الفاتحة وأجي فوريره.
ـ طيب حافظ أي من القرآن؟
ـ مش حافظ حاجة أصلي أنا من عيلة بنت كـلـ ـب وش أجرام ضلالية...!
ــ مش مشكلة هعلمك.....!
ــ حاضر هروح اتوضي وأجي!
ـ الحمام جوه أهو،  ولااا، أنت شكلك لاففها ولا أنت غلبان ولا علي نياتك.....!
ـ كل الحكاية أن مفيش نصيب وماليش نفس....'
ـ هو طبق كشري...؟
ـ ياريت علي الاقل الكشري بيفتح النفس....'
ــ المهم بقولك أي بابا هيدخل وهتقرا الفاتحه أنت وهو وانا
وبلاش أستهبال.....!!!
ـ هو بالعافيه ده أنني أهلك طيقينك كـ ثواب وأجر،  أتكفل بيكي ليه هو أنا ناقصني هم...."
ــ أسمع ياولا يابو عيون عسلية أنا مش هسيبك تفلت من اديا.....!
ـــ ي ستي سبيني بدل ماسبلك الدنيا أنا واسبلك في ام اليوم ده....'
ــ أيوة ايوة أظهر وبان وعامل فيها غلبان كنت بكتشف أخلاقك!
ــ علي أساس أني هموت عليكي علي فكره أنا مدمن ومش بصلي وباكل مال اليتيم وبتاع بنات وعيل صايع "

ـ ولايفرق معايا، أهم حاجة قلبك وشكلك....!
ـ للاسف قلبي مع تلاته متجوزهم عرفي!
ــ ده شيئ كويس المهم أني هكون الزوجة الرسمية.
ـ أسمعي ي أنتي مانا مش هتدبس في بنت مسترجلة زيك.
شكلك حلو بس طبع الرجالة لي هتجوز صاحبي...!!
ــ أتجوزني شفقة والنبي والنبي..."
ـ روحي يابطة علي العشة هش...'
ـ مش هتسيبني يااعظم انتصاراتي..!
ـ يالله ياولي الصابرين

في تلك اللحظة دلف والديها
ـ شايفكم فرحانين...
ــ أيوا يابابا ده كريم طلع مبسوط بيا جدا ومستعجل نقرأ
الفاتحة دلوقتي...!
ـ طيب علي البركة!
ـــ هووو أي اللي مبسوط بيها ياعيلة مناخوليا ده أبليس ميطقش يقعد معاها دقيقتين......

هم بالخروج ولكن لاحقوه
ـ أمسك فيه يابو بطه...."
ـ أوعا تفلته من أيدك يابابا'
ــ هو انا مجنون ده أنا ماصدقت أن عريس دخل البيت..!
ـ أوعا ياعم الحاج سيبني
ـ ده أنا مش هسيبك الا عند الماذون.
اردف بتعصب للمازق الذي وقع به
،،،،..... دي حاجة حلوة خالص...!
𝓐𝓵  𝓼𝓪𝓷𝓪𝓪