كـسـرة قـلـوب

♡ البـارت التـالـت ♡

بـقـلم : يـاقـوت🕊•.

«جـاء زيـن مـن بعـيد وقـال»

زين : جدي بتعمل ايه هنا قلقتنا عليك

ورد : انت ؟

زين : انتي بتعملي ايه هنا !!

سعـد الله : ايه ده انتوا تعرفوا بعض ؟

زين ببرود : للاسف اه

ورد : يارب صبرني

سعد : تعالي اقعد يا زين جنبي هنا

زين بتأفف : اوووف ماشي يا جدي بس ياريت منطولش

ورد : النفخ حرام

زين : ملكيش دعوه

ورد : تصدق انا غلطانه...انا مالي اصلا

زين : ايواً انتي مالك اصلاً

ورد : عارف انا والـ

الجد سعد : بس بس في ايه..فكرتوني بالقط والفار

ورد : احممم اسفه بس هو اللي بيعصبني

سعـد : انتي هتقوليلي يا ورد ده حفيدي وانا عارفه مستفز

ورد : وووه حفيدك ازاي

زين : زي السكر في الشاي ايه اللي ازاي

ورد : المفروض اضحك يعني

زين : هو انا قولتلك اضحكي

ورد : اصل عمال تستظرف يعني ونفسي اقولك دمك تقيل

زين : انا لســ

سعد بمقاطعه : كلمه زياده و هقوم امشي

زين : خلاص خلاص

سعد : تعرفوا بعض ازاي بقي

ورد : اصل حصل...........

« فـي بيـت محـمد »
(فـتحـت الام جمـيله البـاب)

امير : بابا فين

جميله : قاعد في الصالون بس قولي انت بس ورد فين

امير : مرضيتش تيجي معايا

جميله : انت ازاي تسيبها يا امير لوحدها

امير : محبيتش اجبرها علي حاجه اساسا مش طيقاني

محمد خرج من الصالون : والعمل

امير : مش هكمل معاك في الشغل ده يا بابا انا من النهارده برا المواضيع دي

محمد : ده ازاي ده يا استاذ

امير : ورد معاها حق

محمد : يااادي ست ورد

امير بدموع : انت ازاي مش حاسس بالندم ومعتقد ان ورد مكبره الموضوع...علي فكره هيا اتصدمت فينا...طول عمرها بتقول انها فخوره بيك و بتثق فيك جدا بتقول ان نفسها جوزها المستقبلي يكون شبهك عشان مكنتش تعرف حقيقتك...انت ابوها يعني قدوتها...الخوف هيبدا يتزرع جواها مننا و ده هيكون بسببنا..بابا متخليش ورد تدخل طريقنا ده حرام عليك...صدقني ورد اكتر واحده فينا بتحبك والله عشان كده مش عيزاك تكمل في الطريق ده و عيزاك تقرب من ربنا...الشخص اللي بيحبك حقيقي يحب يشوفك في الجنه و يساعدك علي ده