- عَـلـي -
واعِدتنيّ وگتليّ اعَود
وگلشيّ رد
خِوفَي
حِسرتيّ
الحُيرة ، الظِنون ، العَذابّ
گلها ردتّ .. الا أنتَ !
شَما اصّد لدربَك
الگه الصُورة تتِحول ضُباب ...
- مَـسـرة -
بس بعد شيلمنة !
بعَد كِلمن مَشة بدربة
واحد يضحك
و واحد وكف گلبة .
°°°°°°°°°°°°
كعدت من النوم على صوت ابوي ماهتميت تغطيت وردت اكمل نومتي بس فجأة !
استوعبت شديصير دموعي تجمعت بعيوني وانا اتذكر كلام علي
يطلع ابوي انسجن انا !
خفت من سمعت صوت ابوي وامي واريان وابو اريان وصوت علي ماكو!
ما اهتميت اني بدون حجاب نزلت اركض دخلت للصالة شفت ابوي كاعد ؏ الكرسي وامي واكفة فوك راسه ودموعها تنزل وابو اريان واريان يصيحون وابوي ولا مهتم
علي (ابو اريان) ؛ صدك تحجي خالد هذا ابنك شلون تخلي ينسجن بمكانك ولك ماخفت شيصير بي هناك وهوه لسه متدمر!
خالد؛ شيصيرله قابل السجن طلع زلم
اريان؛ ليش ما ضليت بي ليش خليت ابنك ينسجن!
خالد؛ اريدة يصير زلمه حتى يعرف يعيش
ابو اريان؛ قصدك يتدمر؟
خالد؛ ما يتدمر ابني واعرف مصلحته
اريان؛ بيا قانون طلعت انتَ وهو انسجن؟؟
ابتسم ابوية ابتسامة مستفزة وسوه حركة بأيدة بمعنى بالفلوس
ابو اريان؛ مع الأسف عليك ولك اني لو عندي واحد مثل علي اگابله واكعد ولك ابنك مراهق شمفهمه وتخلي ينسجن ابنك حبيبة روحه ماتت ويحتاج واحد يحتوي مو يسجنه مع شديد الأسف عليك
گام ابوية وبينت ملامح الغضب بوجهه
خالد؛ هسه والله خبصتوني بحبيبة روحه عساه يلحگها واخلص من ومن دوخته يطلع من السجن گبل ازوجه خلي ينساها واذا انذكر موضوع مسرة كدامي بالقرآن اروح اهدم قبرها
اريان؛ وانتَ شنو وتهدم قبرها بصفتك منو ششايف نفسك انتَ شنو تزوجه ليش هوه بكيفك زوج الي يخلي يمك بس يطلع طفللل لكك طفلل علي بالقرآن روحة صارت بمسرة وعافته تدري علي من يجي يمنه مثل المخبل ماكو بلسانه بس مسره!!!
والاول مره امي توكف ضد ابوية وتدافع عن علي انصدمتتتت بيهاااا كلششش جانت تضرب علي وتحرگة اذا بس ماسلم على ابوية وهسه تدافعله نصدمت بيها
أنت تقرأ
الأرواح المُعـذبـهَ
Terrorكحلچ والسَمار البيچ كسرن عيّن المراية گالو شَعرچ المنثور هيّل وطش بالولاية. زهـراء الِ محمـد ♥
