لَعنَتي تُطاردَني

بارت 1

وأحتفظ لك بركنً دافئ في ثنايا الروح.

حبك كنسمات هواء باردة تلتحف الروح.
.
.
.
__________
أم عُقااب : يمه عُقااب وينك تعال حدر يمي
عُقاب :جايج يمه
ام عُقااب : يمه ليش متعوف هاي الجماعه وتروح تدرس وتسوي الك مستقبل اني وابوك مدايميلك يمه منو يكول اني باجر يمك
عُقااب :يايمه عمرچ طويل يعني كل يوم هاي الاسطوانه منو متخرج ومتعين يولو مو كلها كاعده ومتخرجه
أم عُقااب : يمه شهادتك سلاحك صير مثل صكَر صديقك دشوفه ماشاء الله علي شاطر وكله تفوق
ابو عُقااب : ها يُبه شكو يولو الام والابن صايرين اجتماعات من وراي
أم عُقااب : ماكو شي عيوني نسولف على دراسه عُقااب
ابو عُقااب : خلي يولي مابي كل خير ابنچ ماله مُستَقبل
عُقااب : ليش مالي مُستَقبل الايام تثبت
ابو عُقااب : لك حيوان ترد ابوك
عُقااب :كالها ومااحس غير نار اشتعلت بخدي اثر الضربه باوعت علي وكل نضراتي حقد على هل انسان
أم عُقااب : هذا مو حَجي ابو عقااب عُقااب مو صغير لاتمد ايدك علي ليش تخلي يكرهك أكثر من هل كره
أبو عُقااب :حيوان مابي خير لا ونوب يرد بوجهي خلي اسمع بعد ترد بوجهي
عُقااب :عفته وطلعت واني كميه الحقد الشايلها علي حدرت لصكر
صكر: يولو هاي منو محدر يمي عُقااب خير هم ابوك
عُقااب :ليش هوا اكو غير هل مصكوع لعندي
صكر: ميخالف غلاي هذا ابوك يول شبيدك انته
عُقااب : لزمت عوده وكمت احفر بلكاع سويت قبر صغير تصدك يخوي اتمنى بهذا القبر ادفنا لان راح يجي يوم ويسودني كرهته وخلاني اتمناله الموت
صكر: كَوي نفسك واستهدي بالله
عُقااب :ونعم بالله
صكر: امشينا نروح لعلي
عُقااب : يول والله هذا واحد ضارب الدنيا عرض وطول قبل يوم جنت يمه كاعدين نسولف موضوع اني اسولف بجديه وهوا على كل كلمه يكعد يصنف تالي بزعني وعفته ومشيت ويصيح وراي
صكر: يولو تصدك انتُ اكثر ثنين اعزكم مو اصدقاء حاسبكم اخوتي الله شاهد
عُقااب : خويه اني ماعندي اخ وشاد ضهري بيك لان اخوي ومايوم حسبتك صديق
صكر:كافي كافي دراميات امشينا على علي
علي: والقرآن ترهمون ممثلين ولك عُقااب حقير بس صكر اخوك واني هنا شنو يبوو عليهه ادري بيكم تكرهوني بس مو لدرجه ماتعتبروني اخوكم
صكَر :اهاا بلشت ادراميته
علي :انجب عزيزي هذا فن يسمونه
عُقااب : مايوم شفتك ماتلطم بي يولو امشينا للشط احسن
ثنينهم بصوت :يلا بويه
محدرين يم الشط ومكنبصين وندحك على المنظر الي مقابيلنه ونسمه الهواء البارده تغلغل بكل اعماق جسمي واني افكر ابوي ليش هيج تعامله وياي ليش دائما يكولي مابيك خير هيجي كارهني من صغري بحيث كل يوم انكتل واني بهذا عمري كل يوم اكعد بلحمام واطلع القهر والم الضرب الي بجسمي والحروق من صغري وادخل للحمام ابجي لان من يشوفني ابجي يرجع يزيد عليه واني بهذا عمري المفروض يحتويني ليش ينفري ويكرهني بي رجعت للواقع من مخيلتي واسمع علي
علي : يولو يمصكعين سولفولكم سالفه ترى طكت روحي وانتُ من حدرتو صافنين ليكول ارامل مدكولولي شبلاكم
صكر : عاد بده بسوالفه اي استاذ علي تفضل شنو رايد من الاخير
عُقااب : عوفه هذا مسودن يكول صافنين وهوه من وصلنا حرف مسولف
علي : اعزائي انتو بدوني ولا شي خلوها بالكم
صكر : لا وكلش واثق خاب كوووم حيوان.
علي : وفوك ماتتصور عزيزي
عُقااب : بالله عليك تكحز جدامي
علي : وكفت وكلني ثقه مااحس غير عُقااب كام يريد يضربني بلعصى وطكيتها بطفره وصكر يصيح والله مسودنين
عُقااب :حيوان بيك خير اوكف اله اشوفك نجوم الضهر واشوفك شلون ولاشي بدونك
صكر : هههههه عُقااب خويه عوفه خيولي
عُقااب : علي قسم برب العزه اذا مابطلت هاي سوالفك اكسرها عليك
علي : عود خوش بويه يلا اعزائي نحدر لاهاليتنا مو خذاكم الواهس
عُقااب : بلطريق واني احس شي وراي يريد يلزم ايدي بس من اندار ماشوف احد وهاي الحاله تكررت للمره الرابعه واني اكول محرد احساس
علي : عُقااب والله خبلتني بويه متكولي شبلاك كل شوي ومدحك وراك ليكول جني ودحكله
صكر : بس بطل فلسفتك بداعت محمدنا
علي : ايباااه
صكر : شبلاك
علي : حلفتني بلغالي
صكر : دنجب
علي : اشكرك
صكر : عمري والله
عُقااب : ول يابه سودنتوني شبلاكم يلا امشو كلمن لاهله
ـ رديت وبداخلي كله كره للبيت كره ابويه الي دمرني بكَلماته الي مثل الصاعقه تنزل عليه من سب شتائم كسر مشاعر...
واكف كدام الباب والخيبه مثل كل مره قافل لباب حتى ماانام لباب يعني اليوم هم ابات بلشارع
اه يا أبي لِمَا هذا الكُره لي
منذ ان كُنتُ طفلاً وانا
اتَضور جوعاً لِحَنان الاب
ايقعل انِ ساعيش باقي
عمري وانا افتقد حنان اب!
ماذنبي وانا من كنتُ صغيراً
لم ارى عطف ابي ولا احسستُ
بشعور دفئ حضنهُ او حنانهُ
لم ارى يوما اباً يحب ان يشاهد
ابنهُ الوحيد تحتضنهُ الشوارع
واسأل نفسي السؤال المُتكرر
( الــى مــتى يا ابي! )
بقلمي : ريام قيس
عُقااب : امشي بلشارع وادحك اريدلي مكان ابات بي فجأه اسمع
صكر : خويي
عقاب : هلا غلاي
ـ الضاهر ابوك مثل كل يوم؟
ـ ششتوقع
ـ الله لاينطي امشي خويي يمي
ـ لا غلاي مو كل مره يمك
ـ اني مارجعت للبيت جنت ادحكلك لان اعرف سوالف ابوك
ـ بعد روحي خويي وضلعي
ـ مو سولفنا بلا دراميات
ـ هههههه امشينا غلاي
6 صباحاا
صكر : يول عقااب كوووم عاد شبلاك ورانه دوام امشينا نحدر لبيتكم بدل ونطلع للمدرسه يلااا ولك
عُقااب : يعني شلوووون منرتااح يابه انتَ خليت الواحد ينام لبارحه
ـ كوم يلا جدامي صارت من ورايه هسه
ـ ول خالي عوفني هسه احدر وراك
ام صكر: يمه عُقااب اغديلك فدوه زادتني البركه يلا الزاد مصبب ميصير دحتى ماتاخرون على دوامكم
عُقااب : خالتي غلاتي وامي الثانيه اني اغديلج فدوات جايج يمه
صكر : منين اجاك هذا الادب!؟
عُقااب : لان صارلي يومين ماامشي وياك غمزتله وطلعت
صكر : لا يا طايح الحظ
عقاب : ههههههه وكفت باب لغرفه امشي امشي لنروح ننحرم من الريوك
صكر : جايك خويي
عُقااب : افيييش يمه الريوك ليرد الروح
ام صكر : عوافي يمه هنه ومري
صكر :يوم تره اني هم ابنج شسالفه
ام صكر : معزتكم متساويه عندي يمه ماافضل احد على احد
عُقاب : اغديلج فدوات
صكر : انجب لتتلوك
ـ خاب انجب هو منو لمتلوك
ـ لعد منو لكال اغديلج فدوات ابويه طلع من القبر سولفها ورجع
ام صكر : يولو امشوو حدروو لدوامكم تراكم طككتو كليبي
ثنينهم بصوت واحد ومثل كل مره سلامه كلبج يُمه
صكر : خويي يلا امشينا راح نتاخر
عُقااب : رجعت للبيت حتى ابدل وبداخلي اتمنى مااشوفه فتحت باب لبيت ودخلت تكلتني امي ويمحلاها
ام عقااب : يمه وليدي سوده عليه وين رحت
عقااب: حضنتني وتبجي واني اهدي بيها : يمه على كيفج رحت يم صكر كضيت ليلتي اسولف وهيه تناشغ بحضني
ام عقاب :يمه سوده بوجهي الله لاينطي مابكلبه رحمه يمه شلون اموتن بلياك اني سوده بوجهي
عقااب : يمه اسم الله لاتسولفين هيج سوالف ماكدر بلياج انه اموتن وربي
ام عقاب : اسم الله يمه طوله العمر أن شاء الله
عُقااب : يلا يمه انه راح ابدل وحدر للدوام تاخرت
ام عُقااب : الله وياك يمه بلسلامه
ابو عقاب : ام عقااب ليش دخلتي للبيت؟
ام عقااب : اسم الله شبيك ابو عقاب ابنه هذا من لحمي ودمي لتنسه هل شي
ابو عقاب :حتى مايستاهل يكون ابني لان الي يجيب المصايب للبيت مايعتبر ابني
عقااب : اسمَع كُل كلامه واحسهم مثل سكين تغرس اعماق قلبي: يابه شتريد؟ تريدني اطلع واعوفلك البيت؟
ابو عقاب : اكون مَمنون
عقاب: عَجَل عايفلك لبيت وطالع
رحت لغرفتي وطلعت الجنطه وبديت الم غراضي وملابسي لان هل مره طلعتي ماوراها رجعه دقايق ومااسمع غير دكت الباب مال غرفتي لزمت الباب حتى افتح وماحس غير الثكل صار بايدي دكت واني كلني خوف على..............

شلونكم يولو؟ ♥️
تفاعلكم حبايب♥️
والتعليقات بين الفقرات♥️
ان شاء الله تكونون استمتعتو بلقصه؟
.
.
الله يجبر بخاطر المُنتظرين ببشارة خيّر. 💜

سبحان الله
الحمدلله
لا اله الا الله
الله واكبر
أستغفر الله

استودعكم بالله فراشات قلبي♥️🦋