- هم محمد وليلي راحوا فين
- ايه ده هي الشجرة دي جت منين
- علي الحق.......
- يعني احنا كده هنموت ؟!
- علي هو مين الكائن ده
- بابا هي ماما فين
- اخواتي الاتنين ماتوا ازاي هيبقي لوحدي كده
- يا مني بقولك انا مش مجنون
- انا بنت خالتك
علي قعد يدور علي طارق وملقاش حاجة علي قال هي الشجرة وبما أن جثة طارق ماكانتش موجوده فأكيد هو مامتش يعني بردوا محمد وليلي مامتوش هم اختفوا بس زي اللي حصل لطارق علي نده علي مني علشان يقولها اللي عرفه
علي : مني تعالي بسرعه يا مني بسرعه مني : في ايه يا علي انا فيا اللي مكفيني اخواتي الاتنين ماتوا ازاي هيبقي لوحدي كده علي : بوصي انا عرفت حاجه مهمه انتي مش ملاحظه ان طارق مش موجود مني : اكيد دخل الاوضة وقفل علي نفسه علي : لا طارق مش موجود في البيت واكيد مخرجش لا انا طلعت وهو فوق مني : يعني ايه مش فاهمه علي : بوصي يعني طارق اختفي لان لو كان مات كنا هنلاقي جثته زي جثة قمر كده وده يعني أن محمد وليلي مامتوش اختفوا زي ما كنت فاكر مني : بجد ؟! ازاي ؟! علي : ايوه مفيش حل غير كده مني : طب احنا هنلاقيهم ازاي ؟ علي : مش عارف بس احنا نقول للبوليس تاني مني : اه صح مفيش حل غير كده
علي ومني راحوا للبوليس علشان يقولوا اللي حصل بس طبعا البوليس مصدقش فقالوا اكيد هيصدقوا لما يشوفوا الشجرة عليها دم قمر فأكيد هيصدقوا علي ومني والبوليس راحوا البيت بس ........
الضابط : ايه ده فين الشجرة اللي انتوا قولتوا عليها علي : الشجرة كانت هنا راحت فين الضابط : انا قولت اني بضيع وقتي علي : لا اومال هيكونوا راحوا فين بقولك أربعة اختفوا و واحدة منهم ماتت قدام عنيا الضابط : مش ممكن انت فيك حاجة مثلا علي : حاجة ؟! حاجه زي ايه يعني ؟ الضابط : يعني زي ماتكون مجنون مثلا علي : ايه مجنون ؟! لا انا مش مجنون ما تقوليله يا منى مني : اهدى بس يا علي ؛ ايوه يا حضرة الضابط هو مش مجنون ازاي مجنون وكلنا شوفنا وحتي العيال شافوا اللي حصل انا وعلي وطارق وقمر والعيال كلنا شوفنا اللي حصل ايه كلنا مجانين ؟! الضابط : ممكن مني : طبعا لا الضابط : اومال الشجرة راحت فين علي : ما الشجرة مش اول مرة تختفي علي فكرة اختفت قبل كده لما كنا بندور عليها الصبح بس بالليل كانت موجودة بس كل ما تيجي تغير مكانها الضابط : وايه المطلوب مني دلوقتي ؟ علي : انك تيجي انت والضباط بتوعك بالليل علشان نشوف موضوع الشجرة دي مني : ايوه صح مفيش حل غير كده الضابط : هم ..... طيب هاجي بالليل
علي ومني كانوا متأكدين أن البوليس مش مصدقهم بس كان لازم أنهم يثبتوا اللي حصل للبوليس بس ماكنوش يعرفوا .......
جيه الليل والبوليس وصل علي ومني كانوا مستغربين لان ....
علي : ايه ده انت جيت لوحدك ليه انا قولتلك تجي بالضباط بتوعك مش لوحدك الضابط : اشوف الشجرة الاول لما الاقيها ابقي اقول للضباط بتوعي بعدين
وطبعا الضابط ماكنش مصدق أن في شجرة اصلا
علي والضابط راحوا يدورا علي الشجرة ومني كانت مع العيال بتحكلهم حدوتة علشان يناموا ولانهم مش صغيرين فكانوا عارفين أن في حاجة غلط ففضلوا كل شوية يسألوا كل شوية مني فين طارق ومحمد وليلي وقمر وكانت بتقولهم أنهم سافروا علشان يرتاحوا شوية بس هم اكيد مش مصدقين واسألت مني السؤال اللي ماكنتش متوقعاه
سلمي : ماما هم لو كانوا في إجازة فعلا اومال ايه اللي حصل لخالتو قمر وايه الدم ده اكيد هم مش في إجازة ماما احنا مش صغيرين ولازم نعرف ايه اللي بيحصل احمد : ايوه يا ماما اكيد هم مش في إجازة لان خالتو قمر ماتت و احنا عارفين ده كويس ممكن تشرحلنا ايه اللي بيحصل
مني اتصدمت من اللي قالوه وأضطرت انها تحكي العيال علي كل حاجه وطبعا احمد وسلمي ماكنوش متوقعين أن اللي كان بيحصل بسبب شجرة مش عارفين لا أصلها ولا فصلها
احمد : ماما انا خايف ده زي الافلام بالضبط هو انا ممكن اموت مني : لا يا حبيبي ماتقولش كده انت لو نسيت ومافكرتش مش هيحصلك حاجه واهم حاجه ماتقولوش اي حاجه لاي حد في المدرسة ولا اي حد برا البيت علشان ممكن يحصلهم حاجه ماشي ؟ احمد وسلمي : حاضر يا ماما
احمد وسلمي كانوا قلقنين جدا وخايفين بس كانوا بيحولوا أنهم ينسوا موضوع الشجرة دي بس ماكنوش عارفين ف...
علي : تعالي يا مني مني : ايوه يا علي ايه اللي حصل امبارح انا سمعت ضرب نار في ايه علي : حصل حاجات غريبة
وقعد يحكي لمني اللي حصل وهو :
علي والضابط فضلوا يدورا علي الشجرة ويدورا ويدورا والضابط مش مصدق لحد ما الضابط زهق وقاله
الضابط : انا زهقت هتفضل تقولي الشجرة والشجرة وكانت هنا وكانت معرفش ايه انا قولت من الاول أن مجنون
وفجأة الضابط طار لفوق وعلي شاف كائن غريب مش عارف هو عبارة عن ايه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اخد الضابط وعلي استخبي والكائن ده تبع الشجرة طبعا والكائن ده اكل الضابط ودماغ الضابط طارت و وصلت عند علي وعلي اكتشف أن لما جثة قمر اختفت وفضلت دماغها بس أن الكائن ده بياكل الجسم ويسيب الدماغ بس اكيد طارق ومحمد وليلي مامتوش لأن لو كانوا ماتوا كانوا هيلاقوا دماغهم علشان كده علي قرر أنه لازم يكمل أنه يدور علي طارق ومحمد وليلي وطبعا علي رجع البيت مرعوب ومني عرفت كل حاجه
خلص البارت ده يعتبر اطول بارت اكتبه وده اطول بارت فيهم كلهم زي ما قولتلكوا البارت اللي فات
