[ This is just a fanfiction. So , don't take it seriously. ]
လက်ထဲမှာ ရှိနေတဲ့ တူက တခြားလူ၏ လက်ထဲသို့ ရောက်သွားသည်အထိ သူ့အာရုံတွေက ပျံ့လွင့်လို့ ကောင်းတုန်းဖြစ်မည်ထင်။ ပခုံးတစ်ဖက်က လှုပ်ခတ်ခံလိုက်ရခြင်းကြောင့် သူ့မျက်လုံးအစုံက ဘေးဘက်သို့ ပြန်ရောက်လာ၏။
" ဒီကို ခေါ်လိုက်ရမလား ? "
" ဘယ်သူ့ကိုလဲ ? "
သူ့ပခုံးကို လှုပ်ပြီးနောက် ပြောလာသည့် ဟာရူတို့စကားကို ဂျောင်ဝူး နားမလည်။ ဘာကို ခေါ်ရမှာလဲ။ ဘယ်သူ့ကိုလဲ။
" အစ်ကိုဂျယ်ဟျော့ကိုလေ "
" ဘာလို့ ခေါ်မှာလဲ ? "
ဟာရူတို့လက်ထဲက သူ့တူကို ပြန်ယူရင်း ဂျောင်ဝူးက နှုတ်ခမ်းမဲ့ကာ ဆိုသည်။ ဘယ်တုန်းကများ အဲ့လူနဲ့ ထမင်းတူတူ စားချင်တယ်လို့ ပြောမိလို့လဲ။ မခေါ်ဘဲ လာထိုင်နေလျှင်တောင် မောင်းထုတ်ရတာ အမော။
သို့သော်လည်း ဂျယ်ဟျော့ဆိုသည့် နာမည်ကြားတာနဲ့ အနည်းငယ် လှုပ်လှုပ်ရှားရှား ဖြစ်သွားတဲ့ မျက်လုံးတွေကို ဟာရူတိုက သတိထားမိတော့ ကာယကံရှင် မရိပ်မိအောင် ခပ်ဟဟ ရယ်သည်။ သို့သော်လည်း လျင်လှသည့် ဂျောင်ဝူးက သူ့သူငယ်ချင်းဖြစ်သူ ကြိတ်ရယ်နေတာကို မြင်ဖြစ်အောင် မြင်လိုက်တာမို့ နှာခေါင်းရှုံ့၏။
" မင်းပဲ တစ်ချိန်လုံး မျက်လုံးကြီး ကျွတ်ထွက်မတတ် စောင့်ကြည့်နေပြီးတော့။ မျက်မှောင်ကြီးလည်း ကြုတ်ပြီး။ လူမိုက်လိုလို ဘာလိုလိုနဲ့ "
တဆိတ် ! သူကလေ သူက မျက်လုံးကျွတ်ထွက်မတတ် ကြည့်နေတယ်တဲ့လား။ ဟာရူတိုက မဟုတ်တာတွေ ပြောလွန်းသည်ဟု လက်မခံချင်သူက စွတ်တွေးပစ်သည်။
" မဟုတ်တာတွေ မပြောစမ်းနဲ့ ဝါတာနာဘယ်လ် ဟာရူတို။ ငါက ဘာလို့ အဲ့လူကို ကြည့်ရမှာလဲ ? "
" အဲ့မေးခွန်းကို မင်းကိုယ်မင်း ပြန်မေးလေ ပတ်ခ်ဂျောင်ဝူး။ မင်းကိုယ်မင်းပဲ သိမှာပေါ့ "
ဒီအပြောကို ဂျောင်ဝူး အလိုမကျပါ။ ဘာအကြောင်းကြောင့် သူ့ကိုယ်သူ ပြန်မေးရမှာလဲ။ သူ့ကိုယ်သူကရော ဘာကို သိရမှာလဲ။ စိတ်ရှုပ်စရာကောင်းအောင်။
YOU ARE READING
sour & sweet, sweet but sour
Fanfiction• park jeongwoo + yoon jaehyuk = jeongjae ●Completed Written in Burmese. ●Pics from Pinterest.