فصليه الشيخ ايان

part 27 الاخير

هلو فرولاتي اشلونكم عجبكم البارت السابق؟

بقلم الكاتبه : الموسويه 🥰💗

انستكرامي : 9_s9i

......................................................................

ايان : رجعت تعبان ... طبيت لكيت حبيبتي نايمه سبحت و طلعت حضنتها و نمنه ....

هبه : كعدت الساعه بل 7 ايان .... نايمه كعدته ...ايان حبيبي يله كوم هسه يجون العرسان

ايان : صباح الخير ام حسوني

هبه : صباح العسل ابو حسوني

ايان : شهل صباح الي يجنن

هبه : يعمري جهزتلك الحمام

ايان : ماشي يروحي

هبه : نزلت جوه صبحت عليهم .... و حضرت الريوك و كعدنه نتريك نزل ايان ..... كملو ريوك و راحو .... لديوان نضفنه البيت اني و جنات .... طلع ليمع لمع صارت بل 10:30 اجوي بيت عمهم و عماتهم .... صعدت لغرفتي لن راح يجون العرسان .... طبيت للحمام اسبح عل سريع .... طلعت نشفت شعري و خليت مكياج خفيف .... و بدلت لبست

فستان لون ازرك يخبل من الخصر بي حزام كلش حلو

نفس لون الشال هم و خليت عطر .... و نزلت جوه النضار كلها صارت عليه .... كلش حجلت

استبرق : كعدت ساعه بل 10 حسام بعده نايم .... كعدته

حسام : شهل صباح العسل

استبرق بخجل : يله خلي نكوم تسبح

حسام : خلي نتريك

استبرق : حسام والله بطني دتوجعني

حسام : ليش يروحي شبيج

استبرق : مادري

حسام : يله كومي نسبح و دك التلفون ترن ترن ترن

استبرق : منو

حسام : ايان

📞 ايان : الوووو صباحيه مباركه يا عريس

📞 حسام : صباح النور حبي الله يبارك بيك

📞 ايان : يله عيني جهزو نفسكم و تريكو بل 11 اجيكم

📞 حسام : ماشي حبيبي

📞 ايان : يله اروح اخابر .... صادق نشوف اخباره لن فاضل راح يجي ياخذهم .....

📞 حسام : ماشي حبيبي

استبرق : شيكول

حسام : كال بل 11 يجي ياخذنه ... يله نكوم نسبح و نتريك

استبرق : جهزتلك الحمام حبيبي

حسام : اني وياج نسبح

استبرق : حسام اريد ارتب الغرفه و الم الغراض

حسام : يله ماشي و طب يسبح

استبرق : طب حسام للحمام .... يسبح رتبت الغرفه .... و الميت الغراض كلهم .... حطيتهم بل جنطه و طلعت ملابس حسام ... دشداشه بيضه و غتره كريمي و سبحه .... واني حضرت ملابسي ... طلع حسام و طبيت وره سبحت ....