الهيب الاحمر

البارت3

إذا حضرَ الشتاءُ فخَبِّرُوهُ
‏بما فعلَ الخريفُ بذي اشتياقِ
‏تعَانَقَتْ الغيومُ بشَوْقِ عيني  
‏فأمطرت السماءُ من المآقي .
________________________
ليان:جنت نايمه وفزيت على صوت  امي تعيط كبل نزلتت    وشفت عبدالله من فوك ليجوه بي دم ان بعد محسيت شي
جمانه:شفت ليان نزلت وشافت عبدالله واغمى عليه كبل كبل رحت عليه قبل لا دوكع وعبدالله ركض وياي وامي نخرطت روحها ضلت اصرخ وادك ع راسها اجه ابويه على صوتنه وشاف عبدالله وليان واكعه حار شيسوي راح اليان
ابو ليان:جنت حاط السماعات وما اسمع شي وحسيت اكو عياط وطلع ضني نفسه كبل طلعت لكيت عبدالله مدمي وليان واكعه رحت اليان كمش راسها وضليت اضرب ع وجها وصحت ع جمانه تروح اجيب مي جابت مي رشيت عليه مرتين وكعدت وزفرت نفس مرتاح
بنتي ليان بيج شي صحيتي باوعي عليه هزت راسه بقبول يعني صحت
جمانه:صحت ليان واني ابتسمت
ليان:بلكوه فتحت عيوني شفت ابويه فوك راسي وعبدالله وجمانه وابويه يسئلني اذا بيه شي واني هزيت راسي بقبول ورحت ع عبدالله كمشت راسه وابجي واكله بيك شي صايرلك شي بس احجي وياي
عبدالله:كمشت براسي ليان وضلت تسئل كمشت ايدها وبست باطنها وكتله مابي شي يروح اخوج لا تخافين
ليان بشك: متاكد!
عبدالله:اي حبيبتي
ابو ليان:عبدالله شبيكككككك شنو هذا الدم
عبدالله:بويه تعال نكعد وافهمكم بس ماريد اتكبون بوجهي
ابو ليان وام ليان:بسسس احجييي
رحنه كعدنه وكمت امتمت ب الحجي من شفت جمانه وليان يردني بس احجي
عبدالله:باوعو راح احجي بس متعلقون الحد ما اخلص كلامي
ابو ليان:اي احجي وفضنه
عبدالله:باوعو صديقي حسن حاجي ع جمانه وليان يم علي وعلي اجه يحجي ويهايط لان الي فهمته حسن حاجي ع ليان كايل اصادق ولد واربعه وعشرين ساعه تطلع ويه ولد واني رحت كتلته وهسه هوه ب المستشفى مادري اذا يعيش او لا
ابو ليان:اشوننننننننن هيج يحجي وليان اشرف من الشرف وتسوه راسه وكل راس خسيس ليان تجي وتروح بدربها وما ترف راسها ومن المدرسه للبيت ومن البيت للمدرسه وكل طلعاته ويانه وتلفونها بيدنه كلنه ومابي رمز شون هيج يحجي بس انت غلط منك رحت كتلته هسه شمعرفك يعيش يمكن يموت
ليان:اسمع حجيهم وابجي وحاطه ايدي ع حلكي وابجي بقهر
جمانه:شفت ليان مصدومه رحت حضنتها واهدء بيها واكلها انو ماكو شي بس هيه مستمره تبجي وامي وجه صا اصفررررر ومتحجي كلمه خفت عليه وكلت اله يمه صاحيهه باوعت اليه ووره دقيقه هزت راسها بنعم ورجعت اليان الي بعدها مصدومه وعبدالله عافنه وصعد الغرفته وابويه راح للغرفه واني اخذت ليان ورحت للغرفه بعد محاولات ياله شفتها غمضت عينها يعني نامت نزلت الامي الي بعدها ع وضعيتها رحت جبت اله مي شربت شويه وغسلت وجهه بعدين عافتني وراحت صعدت الغرفتي بقيت افكر وما احس غير نمت

جمانه : وكعدتت لكييت ليان تبجي وعيونهه حمره كعدتت بصفهه خليجنت نايم جتي جمانه كالت لتبجين وكومي نطيني فلوس اريد اجيب صمون وهاذ عبدالله  ماهوه طالع لدوام وحته ممتريك يمكن 
جمانه: يله رايحه يابه رحت عدلت شعري وطلعت
ليان : بقيت  احضر بل ريوك وجان ابويه يطب لمطبخ 
ابو ليان : ها بنيتي  اساعدج بشي
ليان : لا يابه ماعدي شي بس انتضر جمانه تجيبلنه صمون  جان تكعد امي  كلش تعبانه مبينه منايمه زين بليل
ام ليان : كعدتت رحت المطبخ لكيت ليان واكفه ع طباخ علمود الجاي وجان طب جمانه بيدهه الصمون
جمانه : طبيت البيت لكيتهم كاعدين كلهم ها يمه شون جيتلج صمون
ليان : يله تعاي كعدي كعدنه ناكل ومنحس غير ع  صوت صباح والباب تكسر
ضلينه صافنين ابويه يباوع علينه واحد واحد
ابو ليان : كعدنه ناكل ونسمع صوت صياح وكسرو الباب علينه اباوع ع بنات وجهوهن نخطفت  يا ستار ياستار يارب استرنه طلعت افتح الباب واشوف ناس كومه عرفت اهل حسن  صديق عبدالله
ت راسهه ع جتفي واهدء بيها لان حالتهه متنوصف خايفه ع عبدالله
ليان :  كعدت وابجي وابجي وطلعت كل حركه كلبي اخاف الولد يموت ويروح عبدالله السجن جان تكعد جمانه جتي يمي كعدتت جان خلت راسي ع جتقهه وتكلي لتبجين  اني موبيدي دموعي تنزل
جمانه:من حس غير صار صياح قوي وميزت انو صوت عبدالله يصيح كبل رحت للباب اسمع شجاي يصير وشفت هذا ابو المحل والي نردمت بي ليان وعبدالله يصيح يكلهم منطي فصليه تردون اسجنوني اسجنو ما انطي خواتي الي فهمته انو يردون فصليه ميردون فلوس امي كبل تخربطت وليان كامت تبجي وتشهك بقهر
عبدالله:جنت راجع من الدوام وشفت هوسه اباب بيتنه كبل ذبيت الكتب وركضت اشوف شكو عبالي البنات وحدهم دخلت للاستقبال شفت ابويه وابو حسين كاعدين يحجون واكو واحد راد يهجم عليه بس ماعرفته بس لزمو رحت كعدت يم ابويه والي عرفته حسين توفه وابو حسين ضل يحجي ويه ابويه ابويه يكله نطيك فلوس بس رافض
ابو حسين:احنه منريد فلوس ولا نريد نسجن عبدالله نريد فصليه من يمكم
عبدالله:شنوووووو شجاييي تحجي انتتتت فصليه ما انطي خواتييييييي ما انطيهن وشتريد تسوي سوي نطيك فلوس لو تسجني بسسسس مال فصليه من سابع المستحيلات اطي وحده من خواتييييييي وبعدهن صغار
ابو ليان:بويه عبدالله اهدء خلي نفهم عمي الله ب الخير وجيتكم علي عيني وراسي وابنه غلط وياكم وماعرف يصرف واصرف من وحده خلينه انحل السالفه بينه منريد ننطي فصليه تعرف البنات صغار وما مال زواج ومسئوليه فلوس اني حاضر اطيك فلوس بس عوف البنات
ابو حسين:الله ب الخير والعافيه عيني ابو عبدالله احنه فلوس منريد شنحصل من الفلوس يرجعون ابني؟؟؟اني قافل على الفصليه
ابو ليان:على راسي ابو عبدالله انشالله خير انتضرنه نردلك خبر بعد كم يوم والبقيه بحياتك
ابو حسين:يله مع السلامه اترخص يله بويه امشونه
جمانه:طلعو بيت ابو حسين واني دموعي تنزل بلصمت لان كالو نريد فصليه دخلو ابويه وعبدالله وعبدالله عيونه حمررر وصاير نار وبس يغلط عليهم ويكول ما اطي فصليه
ابو ليان:اكل خرا واكعد كله من راسك لو مستجننن احسلك جان ما وصلنه الهاي الحال ويردون فصليه منه لو يكتلوك
ليان:اني اروح فصليه بس خلي يعوفون عبدالله وجمانه ماريد شي بس خلي يعوفون عبدالله وميكتلو واني اكبر منهم واني اتحمل اروح خلي يعوفون جمانه وعبدالله واذا رحت فصليه مالهم دخل بيهم ينسوهم
عبدالله:انتي شجاييييييي تحجين ليان شبيجججج شنو ترحين فصليه ما اطيج لو على كص ركبتي ماريدج تتحملين أخطائي اني اتحملهم
ابو ليان:انتت ب الذات تسكتتت وكلام ليان صح بس ماكدر افارقها بس صحح هيه اكبر من جمانه وتتحمل المسؤليه بويه ليان ترحين برضاتج؟؟؟
ليان بغصه:ا.اي يابه اني قابله اروح بس يعوفون عبدالله بس مو هسه اروح بعد اسبوعين
ابو ليان بحزن:تمام يابه على راحتج وانت هسه تروح الغرفتك وتنجب وكله من راسكككك
ام ليان:بتيييي ما اطيه الاحدددد فهمت ما اطي بتي
ابو ليان: مريم على كيفج يعني شنسوي اذا مننطي فصليه يكتلون ابنج وميردون فلوس
ام ليان:كلتتت بتي ما تروح من هذا البيت فهمتو
ليان:يمه خليني اروح لتخافين ميصيرلي شي تعرفين بتج لسانه متر متكست على حقه واني اضل على تواصل وياكم
ام ليان ببجي: يمه ليش هيججج اسوين بيه انتي جبيرتي وبنيتي شوننن ترحين هيجج وبعدج صغيره يمهه شون اكدر اعوفججج اخخخخخخخخخ يا وجععع كلبي
ليان ابجي واشهك: رحت يم امي احضنها وهيه ادك على صدرها بقوه واني احاول اوكفه والاول مره اشوف ابويه يبجي ورحت حضنته وكمت ابوس براسها وبيده واكلهم ميصيري شيي وجمانه ما شفتها وامي راحت الغرفتها وابويه لحكها وعبدالله راح للغرفه ورحت ادور على جمانه شفتها ب الزاويه مال الغرفه تبجي وحاضنه رجليه وتهز بنفسها وتبجي
جمانه:اول مسمعت اختي حتروح فصليه اني رحت وعفتهم وضليت ابجي بحركه لان ما اعرف بدون اختي وهيه الجبيره وهيه الي توكف وياي واحبه حيل وماكدر ع فراقها ابدد وحبيت تزوج واحد تحبه ونسويلها حفله وتلبس البدله البيضه وتضحك بس صار العكس صار يوم عرسها اسود علينه لان حتروح فصليه مو عروسه ومتونسه
ليان:رحت يمها كعدت ع اطراف رجليه كباله ورفعت وجهه بيدي وكمت امسح بدموعها واحاول ما ابجي كدامها كبل اجت حضنتني وصارت تشهكككك بقوه وتبجي حيل وينهز جسمها من تبجي نمرد كلبي عليه طمنتها انو محيصير شي اليه وكلشي امن وابقى على تواصل وياكم رحت اخذتها للجربايه وغطيتها ونامت ورحت الغرفتي كمت ابجي بقوه جنت احلم غير هيج جنت احلم اسوي كوشه والبس بدله واركص واضحك بس صار العكسس وصار يوم اسودد عليه بعد بجيي مادري على روحي ونمت واني بداخلي حزن وقهرر على اخويه وعليه وافكر شنو حيصير اليه ومنو الي راح ياخذني يعذبني او لا ونمت ب الاخير ومحسيت ع شي....

يتبعع...