سيدة التجاهل الاولي💜🦄

الحلقه الاوله💜🦄

🔹رواية: سيدة التجاهل الاولي🔹

🔹البارت الاول🔹

_في إحدى المدارس الحكومية الثانوي

ليل:يلا يا روان انتي ونيلي هنتأخر على الحصه الاوله واحتمال نتعاقب كمان

روان:نيلي هانم اللي يسأل كنتوا فين اتأخرتوا ليه كنا بنجيب اكل

ليل:نيلي حبيبتي عشان خاطري خلي بالك من كلامك عشان منروحش في داهيه

نيلي:يا جماعه خلاص حفظت

روان:اما نشوف

_دقايق وكانوا البنات التلاته وصلوا ل فصلهم كان المدرس موجود خبطو على الباب عشان يديهم اذن الدخول انتبه ليهم من صوت خبط الباب

المدرس: اهلآ وسهلآ ب الشله الفاسده

روان:حبيبي تسلم

_ليل نغزت روان في كتفها عشان تسكت

المدرس:كنتوا فين؟؟ انا مش قولت محدش يدخل الفصل بعدي

ليل:اسفين والله يا مستر مش هتتقرار تاني احنا كنا بنجيب اكل

المدرس:انا قولتلك بدال المره الف يا ليل ابعدي عن الزباله عشان تنجحي

روان في سرها:احنا زباله يا أقرع يا ابو كرش

ليل:حاضر يا مستر واسفين مش هتتقرار تاني

المدرس:اتفضلوا ادخلوا وكل واحده تقعد في مكان بعيد عن التانيه

_بالفعل البنات دخلوا وكل واحده قعدة في مكان مختلف المدرس بدا يشرح ليل مركزه كالعاده وبتكتب كل كلمه بيقولها في النوت بوك بتاعتها روان كانت قاعده بتلعب اكس اوه مع البنت اللي جنبها نيلي كانت بتاكل وتحط الكتاب قدام وشها عشان محدش ياخد باله

*••••••*

_في مكان تاني في قصر كبير عريض كل حاجه فيه غاليه من العفش والانتيكات للحيطان اللي معموله من دهب

نيره:يا سعاد يا نانا سعاد

سعاد:اوامرك يا ست هانم

نيره:ونبي اطلعي صحي رحيم اتأخر على الكليه

سعاد:حاضر يا ست هانم عيني

***
**ناخد تعريف بسيط كدا عن نيره مامت رحيم**
"ست في اواخر الأربعينات حنونه وطيبه معندهاش غير رحيم وتاليا اخته الأصغر منو هي اللي شايله مسؤلية البيت والولاد الحسيني والد رحيم شايل إيده نهائي ومش مكتفي غير بشغلو وبس"

****
راحت سعاد ل أوضة رحيم عشان تصحيه لقت ورقه متعلقه على باب الاوضه مكتوب عليها "محدش يصحيني غير لما اصحى لوحدي" نزلت تاني عشان تبلغ ربة عملها

سعاد:يا نيره هانم رحيم بيه سايب ورقه على الباب كاتب عليها محدش يصحيني غير لما اصحى لوحدي