شفت شيذار
تقدمت حتى انطيها لولد چان گدامي
ماعرف شصار بية رجلية انلطخن وحدة باللخ وايدية ترجف عيوني ؏ شيذار
تقدم شيذار واخذها مني واردف بحنية : اسم الله
بنات وحدة تسندها
جتي وحدة منهن سندتني و دخلتني
من الفشلة احس طبيت بنص هدومي
ليش حتة هنا اشوفه ليش الميت النا يقربله
ليييييش يعوف امة محمد كلها ويصدف وياية
توجهت للحمام دخلت و نزلت دموعي
ما اريد اتعلق بي ماريددد
___
ليل : مو عيب عليك تگلها لبلسم عندي وياك شي
جايتني هدادة ما استحيت ؏ نفسك
عود سَباعية من تگول هيچ لو شنو
عگد حاجبه و برزت شرايين رگبته
اشر بأصبعه السبابة ؏ نفسه وگال : اني گايللها لبلسم عندچ شي وياي ؟
ليل : اي تگلي شعندچ وية شيذار بعدين مو عيب هيچ تگلي بفاتحة
___
شفت بنية لابسة قيمص ابيض و صدرية نيلي
و شال ابيض
و حذاء ابيض بيدها كتاب و ع چتفها جنطة نيلي
چانت ممركزة ؏ الشارع راسها بكتابها و تقرة
بلعت ريگ بتوتر : يبنيةة
انتي انتي يبنية ام الكتاب
اندارتلي
البنية : تفضل ؟
شيذار : انة من بغداد وما اندل هنا و جدي مريض بمستشفى *******
وما اندل وين صايرة ولا اگدر افتح الGPS
ما تعرفين وين صايرة ؟
___
باوعتلي ورفعت حاجبها : هلو بنات
رشا : هلاو
ملاك : بشرن شطلعتن
رشا : ب 4 اللهم لا حسد
ملاك : اني ناجحة وانتي ليل شطلعتي
ليل : ب 3
باوعتلي و ضحكت : يااااا كسرتي خاطري
ليل : انة اكسر عيون الشمس ما اكسر الخاطر
واصلاً يحلوة الدور الثاني بس للشخصيات
رشا : بومممم حلوة حلوة
ضحكت واني اباوع لملاك
عيونها صارن بگصتها جريت رشا ومشينا للبيت
___
ليث بصياح : اخوية حيموت لازم اوديه للمستشفى
قبل شوية وگع علينا عنده سكر
گال هيچ و سويت نفسي فقدت الوعي
سندني ليث قبل ما اوگع و تمددت بلگاع
ما اسمع بس صياح الشرطة
سمعت واحد يگول : حالة مرضية شلون توگفااااااا
حسيت بواحد يغسل وجهي بمي
فتحت عيوني ؏ كيف حتى ابينلهم صدگ مو صاحي
شفت واحد من الشرطة مگنبص يمي و ديغسل الي واني متمدد بحضن ليث
الشرطي : ابني شلون صرت ؟
شيذار : احس السكر معلگ يا يابة يا بووووية
گلت هيچ ولزمت راسي وغمضت عيوني
الشرطة تخبلوا
گوموني بسرعة ورادوا يودوني للمستشفى بوحدة من سياراتهم ما قبلت
عاد خذينا الدراجة وانطلقنا
ابتعدنا عنهم وظلينة نضحك
البغدادي و الجنوبية
للكاتبة ديلان
اقروها تجنن و اكتبولي تقييمكم
مفكرة كل ما افرغ انزل مشاهد من قصص الكاتبة ديلان ❤️
