♕روايةة في وسط صنعاء القديمه♕
بقلم الكاتبهlaial
اتمنى لكم قرأة ممتعه
ــــــــــــــــــــــــــــــــــــــ
ببيت ابو اسامه بالصباح
ــــــــــــــــــــــــــــــــــــــ
كانت ام اسامه بغرفتها وداعت بلقيس تكلمها
بلقيس وهي داخله: ها يمه
ام اسامه: جي اجلسي اشتي اكلمش بموضوع
جلست وهي متوتره: خير يمه
ام اسامه بأبتسامه: انتي يابلقيس البكر حقي و قطعه من قلبي قدش مشاءلله عليش كبيره وفاهمه وكل شي داريه به وانتي داريه ان الزواج سنة الحياة
بلقيس وجهها وقع احمر من الاحراج: اكيد يمه
ام اسامه: لا تصفري ولا تخضري عيجو اليوم و احنا عنبسر اذا به نصيب او ماشي
بلقيس بشهقه:اليوم
ام اسامه:ايوه اليوم
بلقيس:كيف اليوم مابش شي جاهز
ام اسامه:ولا عاد نفعل شي تجهزين انتن وابوكن قال عاد يدي الضيافه وكل شي
بلقيس:على راحتكم يمه
ام اسامه: يلا يلا قومي قولي لخواتش عشان نبدا نجهز ونرتب البيت
بلقيس: انتي قولي لهن عاد يجلسين يضحكين عليا
ام اسامه بضحك: طيب
قامت ام اسامه وكلمت البنات والبنات يافرحتهن حصلين حاجه يحرجين بلقيس بس امهن حذرتهن محد يضايق بلقيس قامين كل واحده تعمل عمل حنان تجهز لا بلقيس ملابسها والبنات ينضفين
ــــــــــــــــــــــــــــــــــــــ
عند لمى
جالسه فوق السرير وسارحه وتكلم نفسها:احح يافهد لو تبسر ماوقع بي من بعدك ليت والله ودعست على قلبي وجلست معك فلت اللي يحبني ويحترمني واللي ستر عليا وسرت بعد واحد حقير مايستاهلني انا الهبلا والله لو كنت تزوجته هو كان عاد يفضحني ويخلي سيرتي على كل لسان حسبي الله عليك ياحاتم حسبي الله عليك وحسبي الله على الي دمر مستقبلي ودمرني
ام لمى وهي داخله: قومي يلا نصلح الصبوح
لمى: يلا هوذانا بعدش
قامت لمى وهي تفكيرها كله بفهد وكيف عتوصله
بالمطبخ
ام لمى بصياح: ماهو هذا
لمى بفجعه: ايش
ام لمى بعصبيه وصياح: ايش ايش ابسري مافعلتي
لمى: مافعلت يمه
ام لمى وهي تشل العلبه من يد لمى: فعلتي ملح بدل السكر يابليده
أنت تقرأ
في وسط صنعاء القديمه
De Todoرواية من نسج الخيال وفيها لمسه من الواقع الجميل عن صنعاء القديمه وجمالها عن عادات وتقاليد صنعاء عن اشياء كثيرة🖤🖤.ض
