(Unicode)
ပုံမှန်အားဖြင့် Tong Yao နဲ့ Jiang Jinyue တို့ကဘဝမှာလုံးဝ မဆုံသင့်တဲ့သူတွေဖြစ်တယ်။ Jiang Jinyue ကပိုပြီးပြည့်စုံလေလေ၊ Tong Yao ကပိုပြီးနှိမ့်ချလေလေ။
ဒါပေမယ့် အဝတ်အစားအနည်းငယ်ကြောင့် သူတို့နှစ်ဦးကို အတူတူချိတ်ဆက်ထားခြင်းခံနေရတယ်။
တကယ်တော့ Tong Yao က Jiang Jinyue ကို အကြိမ်ပေါင်းများစွာ မေးချင်ခဲ့တာ။ သူက ဘာလို့ ဒီအဝတ်အစားတွေ ဆက်ဝတ်နေလဲဆိုတာ အတိအကျ မေးချင်နေခဲ့တာ။ ဒါပေမယ့် အစကနေ အဆုံးအထိ သတ္တိတွေ မစုစည်းနိုင်ခဲ့ဘူး။ Tong Yao ဟာ Jiang Jinyue က အထက်စီးဆန်တဲ့အကြည့်နဲ့ မထီမဲ့မြင်ပြုမည်ကို ကြောက်နေမိတယ်။
သူလမ်းလျှောက်လာစဉ် Jiang Jinyue ရဲ့ ပြီးပြည့်စုံသောပုံစံ မေးက အထက်ထောင့်သို့ အမြဲတက်နေသဖြင့် ချဉ်းကပ်ရန် အလွန်ခက်ခဲနေပုံရတယ်။ သို့ပေမယ့် သူ့ဆီ ချဉ်းကပ်လာတဲ့သူတွေ အားလုံးက စိတ်အားထက်သန်နေကြဆဲဖြစ်ပြီး အားကစားပွဲတစ်ခုမှာ သူထိမိလိုက်တဲ့ ဘတ်စကတ်ဘောလုံးကိုတောင် သူ့ရဲ့ fangirl လေးတွေက လုယူကြပြီး ကောက်ယူသွားကြသေးတယ်။
ဒါပေမယ့် အခြားတစ်ဖက်မှာတော့ ကျောင်းသားအများစုက Jiang Jinyue ကို မကြိုက်ကြဘူး။
ဒါက နားလည်ရ အရမ်းလွယ်ပါတယ်။ ဒါက မနာလိုစိတ်တွေပဲ။ သူတို့ရဲ့နံဘေးမှာ ဒီလိုပြိုးပြိုးပြက်ပြက်လေးတောက်ပနေတဲ့ တစ်ယောက်ရှိနေတော့ ယောက်ျားလေးချင်းမနာလိုမဖြစ်ဖို့ ခဲယဉ်းတယ်လေ။ မျိုးတူတွေကြားထဲမှာတော့ ရွံရှာတယ်လို့ခေါ်ဖို့ ယုတ္တိမတန်ဘူးလေ။ ဒါပေမယ့် လူတိုင်းနှင့် မသက်ဆိုင်ပါဘူး။
ဥပမာအားဖြင့် Tong Yao က အခြားကောင်လေးများနှင့် မတူဘူး။ Jiang Jinyue ကို သူ သဘောကျတယ်။
Jiang Jinyue ကို အဲ့ဒီမိန်းကလေးတွေ သဘောကျတဲ့အတိုင်း သူသဘောကျတယ်။
ကံမကောင်းစွာနဲ့ပဲ Tong Yao က Jiang Jinyue နှင့် အခန်းတူတာ သုံးနှစ်နီးပါးရှိခဲ့ပေမဲ့ သူ့ကို တစ်စုံတစ်ခုပြောဖို့ တစ်ကြိမ်မှ အစမပြုနိုင်ခဲ့ဘူး။
မဟုတ်ဘူး! စကားပြောဖို့ အသာထား! Tong Yao က Jiang Jinyue ကိုကြည့်ဖို့တောင် ရှက်လွန်းနေတယ်!
YOU ARE READING
ကျောင်းမင်းသားလေးနဲ့စုံတွဲဝတ်စုံတွေကိုမတော်တဆဝတ်မိခဲ့တဲ့ ရှက်စရာနေ့ရက်များ
RomanceTitle - The embarrassing days of accidentally wearing the same clothes as the campus prince (和校草撞衫的日子) Author - 迟小爷 (Master Chi) Status in COO - 10 Chapters (Completed) I don't own this story at all.
