صقري اللطيف

(حزن)

الفصل /السادس عشر

رواية /صقري اللطيف

بقلم/فاطمة حجازي

♕16♕

أية:-
_لا لا مستحيل لا ارجع علي البيت بسرعه نسيت تليفوني في البيت واكيد ضحي بترن عليا يابابا بقي.

السواق:-
_قوليلي هو فين وانا هروح اجيبه من البيت واجي.

أية:-
هتلقيه في الصالون علي بجانب الفازة الزرقه.

السواق:-
_اتفضلي حضرتك وانا 10 دقايق وهكون جبته لحضرتك  اتفضلي.

أية:-
_طب بسرعه متتأخرش.

_وذهب السائق لاحضار الهاتف ودخلت أيه الحفله
واستقبلها الوزير وجميع زملائها بالعمل وكانت سعيدة جدا لان تلك الحفله لعودتها اليهم بخير وهم في منتصف الحفله  جاء السائق واعطاها الهاتف ورحل.

_جاءت سيارة فخمة سوداء اللون ونزل منها طه أبن وزير الدخلية وهو يعدل جاكتته وينزل الهاتف من أذنه ويضعه في جيبه ويذهب إلي أية ويصفق بيده في الهواء وتأتي طائرة من فوقهم لتمطر علي أية الورود الحمراء ونظرت للسماء مكتوب عليها هل تقبلين الزواج مني بالضوء الاصفر وكأنها لوحه هوليود وضعت يدها علي فمها من الزهول وحين نظرت له رأته جالس علي ركبتيه قائلاً.

طه:-
_تتجوزيني ياأية بجد هبقي اسعد انسان في الكون كله لو قبلتي تكوني شريكتي في الحياة وبيده خاتم ماس لامع بريقه متوهج

أية:-
_شاردت بعقلها وقالت بداخلها طب صقر اعمل ايه دلوقتي ياربي لو رفضت هيبقي في عداوة بيني وبين الوزير علشان رفضت ابنه ولو قبلت هبقي خسرت صقر طول حياتي بس هو يستاهل مش هو الي خاني مع البت السليه الي شبه عود القصب دي بس ليه عمل كدا ودموعها نزلت من خدها هو اصلا خلاص خسرني الموضوع منتهي،
_مسحت دموعها ومدت يدها له انا موافقه موافقه.

طة:-
_انا مش مصدق بجد اخيراً وقبل يدها والبسها الخاتم.

وزير:-
_الف الف مبروك ياولاد وقبل رأس أية إن شاء الله الفرح هيبقي بعد..

أية:-
_قاطعته لو سمحتي يااونكل بس منستعجلش لاني بردو مريت بفترة صعبه ولسه محتاجه وقت علشان ارجع أيه الي كنت عليها ارجوك يااونكل مش عايزة حضرتك تزعل مني يعني علي الاقل...

طه:-
_قاطعها قائلاً وبعدين ياحببتي اية الي هيخلينا نأجل بس او نتأخر طب بصي علشان متزعليش ولا بابا يضايق قدامك 3 شهور واظن وقت كافي تظبطي أمورك وتفكري وتخدي قرارك ساعتها.. 

الوزير:-
_قاطعه وقال حلو دا ياطه خلاص كتب الكتاب والفرح بعد ثلاث شهور من النهاردة وهيبقي يوم ميلاد أية مبروك ياولاد تتهنو دلوقتي احتفلو بخطبتكم  .

طة:-
_تعالي يلا اعرفك علي ماما واخواتي البنات هيفرحو اوي بخطيبه ابنهم القمر.

أية:_
_ببتسامة حزينه يلا بينا وانا هبقي سعيدة بيهم وامسكت بذرعه الذي كان ممدود لها.

ضحي:-
_ اوقفتهم الف الف مليون مبروك ياحببتي والله فرحتلك اوي ايوا بقي هي دي الجوزات ولا بلاش انا قولت هتتجوزي الغلس طه بتا من أيام الاكاديميه وهو عينه عليكي وبيرخم عليكي.

طه:-
_قلبك اسود اوي حرام عليكي ياشريرة داانا طيب والله.

ضحي:-
_ياحنين تصدق اتأثرت بس مش معني انك هتبقي جوز اختي وصحبتي انك تفكر تزعلها داانا هموتك.

طه:-
_انا اقدر والله داانا بحبها من زمان من اول يوم شوفتها في الاكاديميه الشرطه وانا عشقتها وحولت كتير لكن هي الي كانت بتبعد عملت المستحيل علشان ارجعها ومكنتش بنام كانت أيام غيبها وفقدانها عذاب بالنسبالي دا حبي الاول والاخير محدش دخل قلبي غيرها ياضحي.

ضحي:-
_الله يسهلك ياست أيه البيه بيلحنلك اهو وطلع بيقول شعر رومانسي اهو هتخلوني اغير علي سنجلتي البأسه
اه يااني سبوني في قاع احزاني.

أية:-
_ضحكت بس بس ايه مكبره الموضوع ليه مش هتبقي سنجوله يااختي هيجيلك نصيبك متقلقيش ان شاءلله ربنا هيرزقك بزوج جميل وقمر شبهك ياسكر انتي اكتر حد وحشني بجد في الفترة دي وحضنتها.

ضحي:_انتي عارفه لو كنتي لبستي الشبكه من غيري والله كنت هزعل بجد.

أية:-
_مقدرش ياقلبي ايه دا المصور اهو يلا ناخد
صورة للذكري.

طه:-
_بابا يااونكل يلا اجمعو هنا علشان الصورة الجماعية

_وهو واضع يده علي كتف أيه وضحي بجوارها وسيادة اللواء ومعالي الوزير وزوجته وابناءه واتخذ المصور لأية وطه وحدهم بدبل خطبتهم وهم ينظرون لبعضهم وصور لاية وضحي مع بعضهم وانتهت الحفله واوصلها طه للمنزل وقبل يدها وهي نزلت ولوحت له وثم رحل وهي طلعت للبيت وثم دخلت غرفتها واخذت حماماً وارتدت ثياب النوم وسحبت غطائها عليها ونامت.

في صباح اليوم التالي __

النمر:-
_ياصقر انت ياعم حرام عليك نفسك بتعذب نفسك كدا ليع
انت ياابني صقر صقر مبتردش ليه قوم.
يارحمه الحقيني مالك مش بينطق ايه الي ماسكه دا.

_وامسك هاتف صقر ووجد صورة من جرنال الصباح صورة لأيه ومكتوب تهنئه لخطبه السيد طه العمراوي نجل السيد محمد العمراوي وزير الدخلية بخطبته علي الرائدة أية سليم دويدار  وزير البيئة السابق.

رحمة:-
_صرخت بشدة اخوك  حجازي اخوك اطلب الاسعاف بسرعه ياللهوووووي.....

يتابع.........

بقلم/فاطمة ♕حجازي ♕

رواية /صقري♕اللطيف♕