اسيره الوحش

الحقيقه

اسيره الوحش

البارت الثالث والعشرون

بعد مرور اسبوع

البنات خلصو الامتحانات

وعشق قاعده بتذاكر في الجنيه
حوريه كانت خارجه الجنينه ومعاه صنيه عليه كيكه وشاي
حوريه: اتفضلي يا ماما اتسلي كدا وانتي بتذاكري لحد ما الغدا يجهز
عشق: تسلميلي يا حبيبتي.. فين حلا
حوريه: مع لينا مش بتسيبه خالص
عشق: ابتسمت
حوريه: و تيتا فاطمه اخدت العلاج وطلعتها اوضته ترتاح شويه
عشق: ضمتها لحضنه وقالت تعرفي اني مش بعتبرك بنتي لا انتي بنتي فعلا وحته مني
حوريه: ببتسامه وانا بحبك اوووي يا ماما
عشق: ربنا يديمك ليا يا قلب ماما
حوريه: هروح العب مع لينا وحلا واسيبك تركزي
عشق: ههههه ماشي
حوريه دخلت القصر
وعشق رجعت تذاكر
❤❤❤❤❤❤
في شركه الوحش

في مكتب ليث

دخل حازم وهو باين عليه التعب والارهاق
ليث: حازم مالك فيك ايه وليه كل ما برن عليك مبتردش
حازم: طلقت رحيق
ليث: انت اتجننت يا حازم
حازم: تعبت مني واترجتني اطلقه كنت عايزني اعمل ايه
ليث: انت غبي
حازم: غبي اووي ضيعتها من ايدي كنت فاكر نفسي مش بحبها معرفتش قيمتها غير لما سبتني لوحدي
ليث: رجعها
حازم: هترفض ومش بلومها هيا معاه حق انا عذبتها اووي يا ليث خلاص كرهتني
طلبت السماح كتير وهيا كانت بتسامح بس انا كنت غبي وبوجعها اكتر
ليث اتنهد بضيق وساكت مش عارف يعمل ايه
حازم: لحد دلوقتي محدش يعرف اخوتها ورحيم فكرينها مع مراتك خوفت اقولهم علشان الامتحانات
ليث: هيا عرفت الحقيقه
حازم: الحقيقه مش هتغير حاجه
ليث: روح مكتبك يا حازم وركز في شغلك يلا
حازم قام علي مكتبه
ليث اخد مفاتيح عربيته وساب الشركه وراح لشقه رحيق
وصل وخبط علي الباب
رحيق فتحت واستغربت
ليث: انا مش هدخل علشان انتي لوحدك انزلي هنقعد في مكان عام عايزك في موضوع مهم
رحيق: حاضر دخلت جهزت ونزلت
كان هو واقف مستنياه
دخلو مطعم في نفس الشارع اللي موجوده فيه الشقه
رحيق: خير حضرتك
ليث: تشربي ايه
رحيق: مش جايه اشرب
ليث: طلب ليه لمون وبدا يتكلم انا جاي اكلمك بخصوص حازم
رحيق: لسه هتقوم
ليث: اقعدي واسمعيني للاخر مش هتخسري حاجه
رحيق: فعلا يعني هخسر ايه اكتر من اللي خسرتو
الكرسون حط العصير قدامه
ليث  : اشربي واهدي
رحيق: شربت
ليث: انا هتكلم معاكي علي انك اختي الصغيره مش موظفه عندي
رحيق: اتفضل حضرتك
ليث: انتي متعرفيش حازم مر ب ايه
او ليه مش عارف يتنساه هند
رحيق: ههههه ااااه هو بعتك ليا بقي علشان اديلو فرصه كمان علشان يدوس علي قلبي ويوجعني تاني صح.. اول مره كان بيضحك عليا واتعرف عليا ومثل انو بيحبني لحد ما وقعت وحبيته وخطبني وشغلني في الشركه وبدا بعدهاا يبان علي حقيقته وانا كنت هبله مفهمتش.. اتفأجت بعدها اني شبه مراته وانو خطبني علشان الشبهه ده بعدت عنو جه وطلب فرسه تاني وهيعوضني وافقت واتجوزنا
واتفاجات تاني انو عمله اوضه مليانها بصورها
طيب عارف انو بعد اول ليله صحيت بدال ما القيه جمبي لاقيته واقف قبال صورها بعت عنو ف جه واطلب مني اسامحه وسمحتو وقلي هيعوضني
لاقيت صورتها علي شاشه الموابيل
هههههه ولسه جاي تقولي مبررات عنو
بتقولي اني زي اختك الصغيره
توافق اختك تعيش اللي عشته دموعها بدات تنزل
انا تعبت ومش هقدر اتوجع تاني
ليث: هو موجوع اضعافك هند ماتت مدبوحه قدامه وهو معرفش يساعده
رحيق: بصتلو بصدمه
ليث: بدا يحكيله.. من تلت سنين كنت بدات اعمل في شركه خاصه بيا وهو كان واقف جمبي وبيساعدني وقدرنا ناكل السوق في مده قليله ودا كون لينا عداء كتير بس مكناش بنهتم بحد كنا دايما نعافر ونتعب ونعمل المستحيل علشان نوصل للي احنا عايزينه لحد ما جالي مره شكري الراوي صاحب شركات الراوي جالي وطلب مني اتنازل عن صفقه مهمه بالنسبه لينا وليه كانت هتنقلنا لفوق اووي واحنا كشركه مبتدئه كانت فرصه دهبيه لينا مستحيل نضيعها.. طبعا رفضت اتنازل عنها وقولتله مستحيل
راح لحازم وكمان رفض لان كبريائنا وكرامتنا تمنعنا اننا نتنازل لمجرد تهديد منو
واحنا اشتغلنا علي الصفقه وكسبناه ورفعتنا لفوق
وبقيت شركتي اكبر شركه في الشرق الاوسط
شكري علشان ينتقم قتل هند
في يوم حازم حب يتحتفل بعيد جوازو مع هند
واخدها وسافرو شرم
سابو معايا رحيم
وهما في الطريق شكري وعيالو ورجالتهم اتعرضو لحازم وهند
ونزلوهم من العربيه ضربو حازم وكتفو
وشكري مسك هند
حازم كان بيصرخ علشان هند
شكري دبحها ورمها قدامه وقاله ده اخره اللي يقف قصاد شكري  الراوي
شكري بعدين رن عليا وقلي في هديه علي الصحراوي هتعجبك يا ابن الدمنهوري وقفل
رنيت كتير بحازم بس مكنش بيرد
لما وصلتلو لاقيتو باصص لهند بصدمه ومش مستوعب اللي حصل
ودخل بعدها في صدمه عصبيه
فهمتي هو ليه لحد دلوقتي مش عارف ينساه هند
رحيق: كانت دموعها بتنزل
ليث: خدي وقتك ي رحيق انا مش بقولك ارجعيلو دلوقتي لا انا جاي افهمك ليه تعبان وتاعبك معاه..ويوم ما شفتيه واقف قصاد الصور كان وقته هياخد حقه واخدو وقتلنا اللي قتلوها
يلا علشان اوصلك شقتك
رحيق قامت معاه
❤❤❤❤❤❤❤❤
في قصر الوحش