حُب في سن المراهقة

part1

:يومية اكعد نفس الاسطوانة حتى حفظتها (ولج يمة كومي تريكي ماخستي من النوم كافي نوم حتى اهل الكهف منامو بكدج كومي خ*.. بأهلج)

:يي يمة كمت كمت هفف حتى ع النوم لاحكيني كمت لفيت شعري هف والله تعبني يعني شلون شطولة لازم اكصة رحت للمطبخ شفت حبيبتي واكفة تطبخ بستها وكلتلها صباح الخير ماماتي

:ظهر الخير حبيبتي جنج بومة تكعدين باليل وتنامين الصبح

:برطمت وكلتها شكرا امي اني بومة

:باستني وكالتي بومتي الاحبها وصديقتي وبنيتي الحلوة يلا ماما تعالي تريكي

:ماشتهي اتريك والله اكلج بابا وين اخواني وين

:ابوج واخوانج راحو لعمامج

:ليش شصاير اكيد مصيبة يخي شكد مليقين ويحمضون ع المعدة

:عيب ماما هذول اهلج عيب ميصير تحجين عليهم

: حاضر ماماتي

:عفية ببنيتي

: يلا امي اني اروح

:حترجعين تنامينن

:يي ماماتي والله مريضة

:ماشي قبل لترحين شوفي اختج اليوم كلش مريضة

: سودة علية شبيها  رحت اركض شفتها كاعدة سودة علية من صحتي ع صحتج يروح اختج

اعرفكم علية
اني اسمي سارة
عمري 15 سنة
اكبر وحدة بأخواني
عندي ثنين اخوان واخت
إبراهيم أصغر مني بسنة
وسالي اصغر مني بخمس سنوات
وحسين اصغر مني بسبع سنوات
اختي سالي عدها مرض بالقلب سفرناها لتركيا
وعالجناها ونجحت العملية بس المشكلة طلع بيها ضمور وهذا يسبب تأخر بالنمو وهيه مو عبالك عمرها 10 عبالك عمرها 3 سنين
المهم نرجع الي
اني طولي 150 شعري بني غامق
يوصل لحد ركباتي شفتي ممتلئة
عيوني حادة خشمي يعني مقبول بنسبة لوجهي يعني مو جبير
وزني 50 جسمي يشبه الساعة الرملية بشرتي حنطية
يعني اني قابلة بشكلي الحمد لله
_____________________________________
"في مكان اخر"
الساعة 7:00 صباحًا
ولك كوم عندك شغل يلا يمعود
:يي كمت صباح الخير

:صباح النور

:كمت سبحت وبدلت وطلعت من البيت

اعرفكم علية
اسمي كمال
عمري 18
طولي 187
(طبعا مادري شبيهم ابطالنا عمرهم يشبه اول رقمين من طولهم 😭😂😂💖)
_____________________________________
*سارة
سارة:اميييييي يمةةةةةة مامييييييي ماماااااااا

ام سارة:وجع شكو تصيحين عبالك هايشة

سارة:مامييييي اني هايشةة اكلج حبيبتي اريد اطلع

ام سارة: وينن؟!!

سارة: ماما ضايجة فكلت خلي اروح لسمسم

ام سارة : ماشي يلا روحي لتتأخرين وخلي ابن خالتج يوصلج