البارت الرابع
( أبي )
الدكتور : انا لله وانا اليه راجعون ساعة الوفاء .....
البراء : نهااااااااال
فتح البراء عيونه لقا روحه علي سريره قعد في الحوش نهال مماتتش قعد يضحك ويبكي في نفس الوقت شاف الساعه لقاها 2:30 ناض توضى وصلى وطلع من داره لقا خوه ابراهيم امقعمز علي تلفونه
البراء بصوت مخنوق : تمشي معاي لنهال ( البراء كان خايف يمشي بروحه ويتحقق حلمه 💔)
إبراهيم: توا في هالوقت وعلاش متمشيش بروحك
البراء : مشيتلها ماتت
ابراهيم: انت راقد من المغرب امتى مشيتلها وكيف ماتت. سكت اشويه بعدها قال : حلمت بيها
البراء هز راسه ايه وهو ساكت
ابراهيم شد يده وطلع هو وياه لنهال
خش البراء وابراهيم لدار نهال
البراء : خليني معاها شويه
طلع ابراهيم وسكر وراه الباب
البراء جبد الكرسي وقعمز بجنبها ومقدرش يتكلم قعد ضاغط علي يده ويتكلم في خاطره وتمنى تضغط حتى علي يده
أرجوكي لا تموتي لا تذهبي وتتركيني فأنتي سبب هذه الحياة الذي أعيشها خذيني معك إن كنت تنوين الذهاب لا تتركيني في هذه الحياة الموحشه فماذا سأفعل إن لم تكوني أنتي فيها ها أنا أمسك بيدك فتمسكي بي انتي أيضا ولا تخذليني
حط راسه في حجرها ورقد
بعد ساعتين
حس ابراهيم ان البراء طول مشى فتح باب الدار شاف منظر البراء كيف راقد علي نهال ❤ ابتسم وطلع روح رقد
فاتن 3 ايام مفيش شيء جديد
البراء اغلب الوقت عند نهال
ابراهيم ابراهيم بدا يتواصل مع رؤوم ديما من لما رفع ولدها ابان للعياده ووقف علي راسه للصبح
صقر يحاول ان ميفكرش بإيناس
إيناس بتموت صقر يتجاهل فيها ونهال مش معاها
جهاد معش يضحك مرض اخته دمره
عبدو وجهاد أجرو بيت لشهد وهاجر ويستنو في نهال تنوض وبيكلمو العيله
هاجر وشهد عايشات بحزن ويدعن علي عمهن يلي خلاهن يعيشن هالمهزله والذل
تسنيم وايهاب مشغولين يضحكو في العيله
الجد معش يطلع من داره وزاد كرض هلبا
اليوم يلي ناضت فيه نهال
عند جهاد كان مقعمز هو وايهاب وكالعاده خشت عليهم ايناس وتسنيم وقعمزو
تسنيم : شني جو عندكم قداش لينا نعش جينا
جهاد هز راسه : عادي جو
ايهاب : ياريت تنوض نهال من يوم مرضت والحوش كله كساد
ناض جهاد طلع وخلاهم معش يحب حد يتكلم عن اخته يحس انه بيفقدها حتى هيا
تسنيم حذفت عليه المداس : مبردك علاش كلمته ضروري تذكره
ايهاب قلب عيونه : على اساس ناسيها هو
تسنيم : حتى ولو كان ضميت فمك راهو كلمته اني بهدوء ورفعني للمحلات اني وياسمين
ايهاب : واني استغربت كيف تفكر بجهاد وهي تفكر بالمحلات وين خوك علاش ميرفعكش
ايناس : حق وين صقر ليه فتره مش باين
تسنيم استغربت سؤالها : مع مهاب وخالي عبدو قالو عندهم مشكله
ايهاب : ذكرتيني الله ينسيك كل خير
تسنبم : مصحك ياحقير علاش ينسيني الخير
إيهاب هو وطالع : فعلا استغفر الله مانتي اصلا معمرك درتي خير في حياتك معندك ماتنسي
طلع يجري قبل متحذف فيه الشبشب
ابتسم وهو طالع تسنيم البنت الوحيدة اللي ياخد منها في القوة الفترة هذي مضطر يخلي معنويات الكل مرتفعه ويضحك الكل تعبان بكل لكن بمجرد مانابش تسنيم كل شي رجع لوضعه
في العيادة عند الجد والبراء مقعمزين بجنب نهال يستنو في النساوين نازلات يصلن
الجد يكلم في البراء ويشوف في نهال راقدة وكلها أجهزة : يتعب فيا منظرها هكي كانت بنت حبوبة متبطل لعب الحوش كله مظلم وفاقد بعضه من غيرها
البراء ابتسم : بتنوض بتنوض هي نوض نروحها تعبت نبي نرقد
الجد: تبيني انصدق الكذبة هذي أن انت من يوم رقدت في هذا السرير وانت معاها لا ترقد ولا تاكل طول اليوم مع قلبك
انحرج البراء: قلب شني ياجد مع بنت عمي اني
الجد يقلد في صوت البراء : ( ايه البراء اني هنا ياقلبي) البراء نزل عينة وسكت
الجد : خيرك سكتت
البراء: نحبها ياجد ( مؤشرات قلب نهال زادت لكن مالاحضوهم )
الجد: خليها اتنوض بس كان ماطلعت قلبك وخلاته قلاية
قبل مايرد البراء فتحت نهال عيونها وقالت : خلوه قلبه في حاله هو ليا وبس وغمضت عيونها
الجد والبراء شافوا بصدمة : نهال نهال ناضت
طلع البراء كلم الدكتور وجاء
البراء : ها شني يادكتور بالله ماتقولش انهيار ولا غيبوبة
الدكتور: لالا مافيهاش شي بس راقدة من التعب بننقلوها لغرفة عادية وطلع
الجد: اما تعب من شني تعبانة وهي ليها 5 ايام راقدة تاعبة من النوم بترجع ترقد مرة ثانية
بعد 3 ساعات
رفعوا نهال لغرفة عادية وكان الكل معاها ويهدرز لكن هيا مرة مرة تشبح لكرسي فاضي واتكلم
الجد : تحبي القلايا قلتي
البراء: هههههههههههه تموت فيها القلايا لكن حتى القلايا اتحبها
نهال وجهها قعد احمممررر حذفت عليه المخدة وسكتت والبراء والجد يضحكوا ومحد فاهم حاجه فيهم
عبدوا شاف لمهاب وتكلم : توا ياعيلة نبي انخبركم حاجه
الجد : شن فيه
عبدو : اني ومهاب بنتزوجوا
العيلة كلها تشوفلة بصدمة وكلهم فهموا غلط
ايهاب: هههههههه من العروس فيكم
جهاد : اكيدة خوك مهاب
إيهاب بيموت من الضحك
جهاد : خيرك تضحك هكي
ايهاب: جت صورة مهاب في بالي لابس فيلوا ومتوتر في الدار يستنى في عبدوا في ليلة الدخلة
عبدوا ومهاب ناضوا بيضربوهم قعمز بيهم البراء
إيهاب: جديات مش هكي شني اني و مهاب بنتجوزوا وتسكت وين باقي الجملة
مهاب: يمكن مش عارفين شن انقولوا من التوتر
جهاد : بذات انتي ياعروسة معاك الحق تتوتري
تسنيم : ضموا فمكم ها مني بتتجوزوا
مهاب : زوز خوات اسمهم هاجر وشهد
الجد : من عيلة مني كيف تعرفوهم انتوا
عبدوا : بوهم ميت ويعيشوا مع عمهم ضروري نتجوزوا بكري
الجد : وعلاش
عبدوا : لان عمهم ببيعهم
الجد : كيف
عبدوا يذكر في كلامهم في العبادة
هاجر: تتجوزونا
عبدوا ومهاب يشوفوا بصدمة
هاجر: نعرف توا اتقول كيف تعرضوا روحكم هكي واكيد شن امدايرات وهذا علاش ضاربكم عمكم
مهاب: انتن ديما هكي اتقرروا عن الناس
شهد: بلا كذب زايد أكيدة هكي فكرتوا
مهاب: اولا اني انكلم في اختك ثانيا المفروض هكي انفكروا ولكن اني تكلمت معاك ومن كلامك واضح انك مش هكي وانت ياعبدوا
عبدوا: اني شن دخلي نفكر عن الناس كل واحد يفكر بروحه اني لقيتهم يبوا مساعده ساعدتهم
شهد وهاجر ابتسموا
مهاب : لكن تقدرن تحكن القصة لانه فيها زواج مش لعبة عندنا اهل بيسألونا
هاجر حضنت اختها اللي قعدت تبكي : احنا زوز بنات بوهم ميت ام بوس من المانيا وحتى طول حياتنا عايشين في ألمانيا امي ماتت من يوم شهد عمرها 9 سنين وعشنا مع بوي لين توفى لما توفى كلمنا عمي يلي كان نعرفوا اسمه بس من لما جينا هانا لليبيا وهو كل يوم يضرب فينا وحتى منباتوش في البيت نباتو في الدار يلي في الجنان وكان مش مرت عمي رانا ميتين من الجوع وحتى قرايتنا وقفناها وحني معندناش حد اهنايا ابتسمت بألم ديما كن نسألو في بعض علاش هكي يدير لبنات خوه في النهايه اسمعناه يقول لمرت عمي ان جدي وحناي يحبو بوي وهو لا مع ان هو الكبير ديما يفضلو في بوي عليه وخلو بوي معاهم وهو بعتوه لليبيا والورث كاين باسم بوي وحتى المرا يلي يحبها اتزوجها بوي فهو على اساس بينتقم منهم وحني كنه متحملين لكن كان رجعنا بيبيعنا لرجاله في المانيا ويخلينا عاهرات لما قلنا لا ضربنا مرت عمي هربتنا فحني مضطرين وسكتت وقعدت تبكي
عبدو : نوعدك وعد يابنت ان عمك الكلب معش يقدر يمسكم وان نتزوجوكم وتعيشن مرتاحات والقصه تندفن اهنايا ولا عاد نفتحوها ونذلوكم بيها
مهاب : باذن الله بس اسمحولنا بنت عمي في العنايه تبيلها فتره وتنوض ونديرو عرس كبير
شهد : اين عرس احني اجبرناكم ومزال بنتشرطو حتى كان زواج ورق وبتتزوجو عادي
مهاب : شني النكد هوه لاورقي لاحديدي اني واحد نبي مرا وحده ونبي حقوقي منها كامله ولا شني ياعم عندك كلام ثاني
عبدو يضحك ويشوف لشهد وهاجر المنحرجات : لالا والله صدقت هي مع السلامه يازوجاتنا العزيزات نتكلمو بعدين
مهاب غمز لشهد وطلع قبل ماتوصل فيه المخده ...
( طبعا الجزئيه الاخيره محكوهاش )
الجد بتأثر : الله غالب كيف هكي ناس ادير لبناتها لكن امهاتكم
نهال : اني نكلمهم عادي حبيتهم اني البنات
ايهاب : نهال بتحب اي حد بوه ميت
فنص فيه ابراهيم واستغرب ان نهال معلقتش
الجد : وانتم امتى بتتزوجو
ايهاب : قريب انشالله
تسنيم نزلت راسها وسكتت
جهاد ابتسم لانه سعرف تسنيم : اني وجهاد بنتزوجو خوات وبنخلو ايناس تتزوج خو يلي بنتزوجوهن
طبعا محد فهم الا نهال : ههههههه ايه هكي كويس
وقعدو يهدرزو قريب 3 ساعات الا نهال
اول ماطلعو شافت نهال للكرسي الفاضي : ها يابوي علاش ماشاركتش في الكلام تعبان ولا شني
البو شد يدها : لالا..............❤❤
يتبععععععععععععع 💔
