و قالت الساحرة عمرها ما راح تفرح بالضنى وعطتني شي وقالت انثريه على مكان تدخل منه وتخرج وعطتني شي احطه بالأكل.
في يوم عزمتها وقلت لها احنا مثل الأخوات وابيك تتعشين عندي وناديت زميلة الشر للعشاء معنا، رشيت السحر على المدخل اللي بتدخل منه ضرتي والثاني حطيته بالقهوة. كنت احس بالسعادة وانا أشوفها تتقهوى منه كأني ملكت الدنيا ما دريت انها خسارة ديني ودنياي واخرتي
بعد فترة صار لها نزيف شديد استمر معها 3 اسابيع إلى شهر وبدأت حالتها تسوء بسبب النزيف كان زوجي يعلمني مستغرب من حالتها انها إذا بتصلي تصيح
وفي الحمام تصيح ومرات يغمى عليها إذا جت تقوم الليل تصلي، كنت أقوله إيه من النزيف واسوي نفسي اني متألمه علشانها.
ساءت حالتها النفسية والصحية وقرروا الأطباء استئصال الرحم بسبب أورام سرطانية فيه لكنها رفضت العملية
وسبب رفضها للعملية انها شافت رؤية كلب أسود ينهش رحمها وان المفسر أخبرها أنها مسحورة وعليها ان تمسح بزيت الزيتون علي بطنها وترقي نفسها.
حطيت السحر في الأكل للمره الثانية وزاد سوء حالة ضرتي اجبرها زوجي تسوي العملية وتم استئصال الرحم
وزاد غيظي لما شفت زوجي حزين على حالتها
خلاص اريدها الحين تتطلق أريد أكمل انتصاري
تشاورت مع زميلة الشر أني اتهم ضرتي بالسحر علشان يطلقها
كانت بنتي متزوجة لها سنة فخططت أنا وابنتي وزميلة الشر نروح للساحرة مرة أخرى و تسحر زوجي وإني ادفن العمل في المدخل وفعلا سويت هالشي. يتبع
