{رواية اولاد عمي}
[الحلقه الاولى1️⃣💗 ]
(للكاتبه نور الاسلام 🧘🏼♀️)
في خيمه العزاء💔
اني وميرال قاعدين بجنب بعض ✨
ميرال:لابسه وشاح اسود لابساته باهمال و شاده تليفونها" خاطري نعزي ونسمع صوته والله💔
انا: قربت منها بصوت واطي،لا لا ردي بالك ميرال انتي مخطوبه راه عرسك قريب ردي بالك تفسدي ع روحك
ميرال: شبحت فيا بنظره حزن،،لا اني بندير الواجب بس بنعزي
انا: فكري بعقلك العلاقه متعكم فاتت ليها اكثر من سنتين علاش تنوضي في المواجع تو
ميرال: ايه صح علاقتنا فاتت ليها هلبا لكن والله قاعده نحبه زي قبل واكثر والله مش قادره ننساه🔥💔
انا: تنهدت الله يهديك بس خودي برايي وخيتك وردي بالك انتي مخطوبه ولو يعرف خطيبك حتصير مشكله اني نبهتك ره
ميرال: شبحت في رقمه في التليفون وخدت نفس عميق💔
انا: شبحت في تليفونها، ميرال حتي رقمه مزال مخزن عندك علاش ماحدفتيش
ميرال: شبحت فيا،لو حدفته من تليفوني كيف بنخدفه من دماغي بلاه عليك 💔
انا: وقفت،ميرال ديري رايك اني كلمتك وعقلك في راسك
حليمه: امي/ شروق شروق
انا: شبحت فيها،نعم ماما
حليمه: شيرلتي بايدها،،تعالي
انا: وقفت عندها،نعم ماما
حليمه: بري ساعدي البنات في المطبخ نشبح فيهم لاهين بلغدي سلم بنتي حطي معاهم عاونيهم
انا: حاضر ماما
حليمه: نادي حتى ميرال نشبحه فيها من بكري مطبستلي ع التليفون وعيب الكلام الجانبي انتي وياها في العزي كل وحده تشد سبحتها وتستغفر
انا: شبحت في ميرال يلي قاعده في اخر الخيمه واضح ان في شي مقلقها ،حاضر ماما تو اناديها
(للكاتبه نور الاسلام 🧘🏼♀)
انا: خشيت المطبخ ولقيت بنت عمي هناء تغسل في المواعين قربت منها، خلاص بري ارتاحي الناس جايه تعزي ونتي قاعده هني
هناء: بتعب،والله مضايقه مش قادره نقعد في الخيمه
انا: شمرت ايدا الزوز،، لا عيب والله تو اني نكملهم بري ارتاحي
هناء: غسلت ايدها وشبحت فيا بنظره حزن ،بارك الله فيك يابنت عمي.
انا: حطيت ايدي ع كتفها وابتسمت،ولو هاده واجبي
ميرال: خشت المطبخ "وين الثانيات
انا: عاطيتها بظهري،،ماهو تشبحي فيهم في الخيمه
