{روايه اولاد عمي}
[الحلقه الثانيه 2️⃣💗]
(للكاتبه نور الاسلام 🧘🏼♀️)
#حقيقه🔥
تغريد: شبحت فيا ،متاكده ان هاذه حسام كان ماهر راهو كلماته بحدانه
انا: طرمت شاربي،، الله اعلم احنى يلي علينه درانا هيا عقلها في راسها وتعرف خلاصها
تغريد: تغطت وعطيني بظهرها،، تصبحي ع خير نرقد احسن مانقتلها اختك اهيا
انا: ههههههه تصبحي حتى اني بنرقد
-----------------------------------------------
ميرال: اسمعني بس انت تو انفهمك
حسام : مانبيش نفهم يا ميرال مانبيش ديري رايك بسرعه راه والله لمنخبر العيله كلها وتعرفيني نديرها
ميرال: شبحت في بحب "يعني مزال تحبني ياحسام
حسام: ابتسم وحط ايدا ع خدها،، حبك محفور في قلبي ومستحيل ننساه قاعد نحبك زي قبل واكثر
ميرال: عيونها دمعت من الفرحه،، حتى اني مزال انحبك والله وديمه قاعد في بالي رغم السنين يلي مرت
حسام: تنهد ،،عمومآ فكري ف الموضوع متعنا وتو تشبحي قداش اني نحبك وشاريك
ميرال: سرحت شوي، به تمام اعطيني كم يوم ثانيات وتو نرد عليك
حسام: وخر وخش السياره، تمام بيناتنا تليفون
ميرال:بتردد،، تمام
__________________________
الصبح ✨
(للكاتبه نور الاسلام 🧘🏼♀️)
فقت بدري لقيت روند وميرال راقدات وتغريد شكلها فاقت قبلي خشيت الحمام (اكرمكم الله) توضيت وصليت وغيرت حوايجي ونزلت
سعاد: مرت عمي المرحوم/ تعالي يابنتي جاي
انا: قربت منها ،،نعم عمتي
سعاد: بلا عليك بري لي مراد وخودي منا الشكاير
انا: تمام شوي نلبس وشاحي بس،،
خشيت لبست وطلعت لبرا الجو كان مغيم وفي نسمه بارده شوي قربت من مراد " صباح الخير
مراد: مطبس ع تليفونه شبح فيا بستغراب صباح النور
انا: عمتي سعاد بعتتني
مراد: ابتسم،، ااه
انا: مديت ايدي ،عظم الله اجرك
مراد: شبح فيا من فوق لي لوطه ومد ايدا،،البقاء لي الله سبحانه وتعالي
انا: ايه والله ونعم بالله
مراد:عطاني بظهرها وفتح باب السياره، بنت عمي انتي ولا
انا: في داخلي عساس اول مره تشبحني،،ايه ياولد عمي
مراد: رجع شبح فيا من فوق لي لوطه وابتسم مليح بكل ،،مدلي الشكاير،، لو في حاجه ناقصه خلي امي تكلمني
