#قبيله_تابوت
By:Black Moon
عام 2011
في يوم الجمعه في احدا منازل السودان تتجمعه اسره في الحوش في وقت المساء وبينما كان الجو مليئ بالفرح والضحكات كانت تتجمعه الاطفال حول الجده(فاطمه)
تقول جنى:حبوبه ممكن تحكي لينا قصه،ترد عليها حبوبه فاطمه وتقول ليها :امم تقريبا انا حكيت ليكم كل القصص يا عيالي😂،وبينما يضحك الجميع تتدخل ام جنى وتقول:بس يا امي ما حكيتي ليهم قصه حبوبه ام محمد،ترد عليها حبوبه وتقول :اي صح طيب كان يا مكان ...
في عام 1985
كانت في عجوز في عمر 60 (حبوبه ام محمد او حبوبه زهور) كانت مسافره لي ولدها محمد في تشاد بناتها وصلوها لي المحطه وركبت الباص وبدات رحلتها التي دامت ساعات لي ما وصلو محطه استراحه وكل الركاب نزلو وهي كمان مشت الاستراحة بس قبل ما تدخل ناداها راجل كان بتاع الباص ،قال ليها يا حبوبه نحنا هنتحرك يلا،قالت ليهو لاكن يا ولدي نحنا بتين نزلنا ،قال ليها معليش عشان نوصل بدري وبعدين نحنا وقفنا قبيل لاكن انتي الما نزلتي بدري،ما كان عندها خيار فمشيت معاهو وركبت العربيه بس ما كان في زول ،بعد شويه العربيه اتحركت ،وحبوبه زهور بتتسال وين باقي الركاب قامت سالت السواق وين الناس الباقيين،ما رد ليها وبقى سايق حوالي نص ساعه ،بعدين وقف في مكان شبه قريه بيوتها من قش وما فيها نور قام قال ليها انزلي،قالت ليهو يا ولدي انزل وين هنا ،قالت ليها يا حجه انزلي عليك الله ما تعزبينا معاك ،فانطرت نزلت وهو نزل وراها قام قال ليها تعالي معي،مشت وراهو قام لقى باب بيت جى فتحو الباب وكانو تلاته رجال واشكالهم ابدا ما بتطمن ،قام السواق قال ليهوم جبت ليكم شي،ولفت على حبوبه زهور،شويه كدا قال ليهو اقل شي ٥٠٠ ،واحد من الرجال قال ليهو لي ٥٠٠ جايب لينا حصان انت ما هي عجوز ولا عنها لحم زاتو،هنا حبوبه زهور خافت بس ما كانت عارفه تعمل شنو ما بتقدر تجري لانو حتى لو جرت هيحصلوها،المهم بقى يتكلمو بعدين ادو السواق قروش شالهم ومشى ركب العربيه ،وحبوبه زهور بتنادي فيهو وبتقول ليهو يا ولدي ماشي تخليني هنا وين يا ولد... مشى ركب العربيه ولا كانو سامع وبخ مشى بالعربيه وما بقى ليهو اثر،قام واحد من الرجال دلاك قال ليها تعالي خشي،قلت ليهو اخش وين،قال ليها تخشي البيت ،والراجل التاني قال ليها احسن تخشي بالحسنه،ولو حاولتي تصرخي مافي زول هيسمعك ولا هيشتغل بيك،قام الراجل التالت عمل ليها حركه براسو بمعنى خوشي،فعلا دخلت ،كان البيت كلو ما مفهوم سكاكين معلقه ريحه ما مفهومه ،قامو قعدو وقالو ليها اقعدي في الارض دي،ما قعدت وفضلت واقفه،قام واحد قال ليها بتعرفي نحنا هنعمل فيكي شنو،قالت ليهو قبل ما تقتلوني او تعملو لي اي حاجه خلوني اصلي ،واحد قال لي الباقين شوف عليك الله دي بنقول ليها هناكل وبتقول ليك خلوني اصلي،التاني قال ليهو مافي ليكي اي صله،التالت قال ليهم ياخي خلوها تمشي تصلي عجوز كمان شنو هتهرب يعني ،واحد تاني قال ليها طيب صلي قدامنا هنا،قالت ليهم بس لازم اقدي غرض بالاول،قال ليها شايفه القش دا وراهو بس ابعد من كدا ماف ،فعلا مشت ورا القش داك بس هي ما كانت ديره تقدي غرض كانت ناويه تهرب قامت شالت حجرين ورمتو بجه في البيت فاضيه قامو كلهم مشو على صوت الحجر وهي مشت طلعت بالباب(ما تستغرب اي عجوز في عمر 60 لاكن المخ شغال)بعد ما طلعت بقت بتجري وكانسانه كبيره في العمر ما كان عندها حيل كافي يخليها تجري بسرعه وفي نفس الوقت ما لابسه شي في رجلها ،بقت جاريه وشويه كدا حست لبهم وسامعه اصواتهم قامت شالت حجر تاني ورمتو بجه ومشت عكس ،وبسبب انو الدنيا ليل وما كان في انوار هناك وما كان معاهم كشافات فما قدرو يشوفوها،وفضلت في الحاله دي تلاته ساعات كل ما تسمع صوتهم ترمي حجر وتمشي عكسو بس المشكله انو الدنيا ضلام ما قادره تعرف هي ماشه وين ولا باي اتجاه ،لمن حست انو صوت الرجال بقى قريب شديد منها بس مافي حجر جنبها وهي ما قادره تشوفهم بسبب الضلام ولا هم قادرين يشوفوها ،فبقت تتراجع لوره شويه شويه عشان ما يسمعو صوت خطواته،ولما حست انو قربو شديد عليهو وقفت وبقيت تشهد الله في سرها والرجال جو جنبها بس ما شافوها ومشت كملو الطريق ...
عند الرجال:واحد قال ياخي بالطريقه دي ما هنلاقيها احسن نرجع نفتش بكره الصباح بس هي كدا كدا عجوز وما هتعرف تمشي بعيد،وفعلا هم رجعو بيتهم وحبوبه زهور بقت جاريه بكل طاقتها لمن الشمس خلاص عايزه تشرق،ولما الضوى شويه طلع لقت انها في اراضي زراعيه بس ما كان في زول كان في بس بطيخ مزروع قامت شالت بطيختيين ومشت عن شجره ،كانت نوع الشجر البكون ناشفه وبتكسر بسهوله قامت كسرتو افراع منو وعملت ليهو مكان زي الراكبون صغير بيشيلها وقعدت جواهو وكانت بتاكل من البطيخ ديك،ومره جو الرجال دلاك عادين من جنبها بس ما شافوها ،وعدا يوم وهي تحت الشجره ديك وبتاكل بس بطيخ قامت اليوم التاني بليل طلعت وبقت ماشه وماشه ،طبعا الدنيا ضلام ما شايفه شي بس ماشه على حسها وبقت تمشي ولما الصباح يصبح بتستخبه في في الكرنك البتصنعو جنب اي شجره قريب ليها وبقت في الحاله دي يومين وما كانت بتشرب ولا تاكل لانها طلعت من الارض الزراعيه ديك
من جه اخره:-
ساميه انتي امي دي ما تاخرت في الطريق دا امبارح مشيت المحطه على اساس استقبلها بس ما لقيتها ،قالت ليهو اجي يا محمد معقوله ما وصلت ليها اربع يوم من اتحركت،قال ليها كيف يعني اصلا المسافه بتاخد يومين وبالكتير تلاته ايام ، قالت ليهو سجم خشمي انت اتاكدت انو الباص الهي فيهو ما وصل،قال ليها دقيقه هتصل واشوف،فعلا اتصل لي ناس المحطه وسال عن الباص الجاي من السودان وقالو ليهو انو وصل ولمن رجع،هنا محمد خاف قام سالو ما شفتو مره عجوز كانت هناك ،قال ليهو في اليوم بنشوف ١٠٠ عجوز نعرفها من وين نحنا،قام قفل الخط ومشى المحطه وبقى يفتش ويسال ويوريهم صوره حبوبه زهور بس ما كان في فايده قام كلم الشرطه ونشر في الاذاعه انو الزول الهيلاقيها ليهو مكلف (ما متزكره عدد القروش بس كانت المكافاة كبيره )وفعلا الناس بقت تفتش والشرطه كمان .....
من جه اخره:-
بليل وهي ما قادره تمشي يلا وامين بتاخد انفاسها وهي بتجر في رجلينها وبتتشهد شافت نور عربيه العربيه جات عندها ووقفت جى نازل منها راجل جرى جى مسكها وقال لي الناس الفي عربيه بسرعه جيبو لبن ،فعلا شربوها اللبن وبعدين قدرت تصحصح ،وهم في العربيه متجهين للمدينه سالوها هي جايه من وين قامت حكت ليهم كل شي قامو عرفوها انو دي ام محمد القاعد يفتش فيها ،قامو ودوها ليها وهي حالتها منتهية على اخر وبعدين محمد ادا المكافأة لي الراجل وساق امو ورجعو البيت....
جنى:يا حبوبه ومصاصين الدماء دلاك عملو ليهم شنو
حبوبه:ضحكت وقالت ليها حبوبه زهور ما كانت بتعرفي مكانهم فللاسف ما قدرو يوصلو ليهم
مجد :طيب والسواق الوداها ليهم
حبوبه:لا داك مسكو وسجنوها
جنى:حبوبه القصه دي حقيقيه
حبوبه:يا بتي القاعده احكي ليكي عنها دي عمتي يعني القصه حقيقيه
مجد:هاا!!كيف لاكن في ناس بياكلو ناس زيهم
ام جنى ومجد:يا عيالي ديل ناس بيسموهم مريضين نفسيين ومتوحشين ...
*النهايه*
طبعا القصه دي حقيقيه والناس البتاكل بشر زيها موجودين بس دا كان زمان في منكم ما هيصدق كيف عجوز قدرت تهرب من تلاته رجال ولا قبيله كامله،دا اسمو الشغف اسمو الشجاعه يعني حبوبه زهور عندها شجاعه انها تهرب من بلد كامله ...
اما بالنسبه لي اسم *قبيله تابوت *دا الناس البتاكل بشر زيها هم قبيله بس ما كلهم ،وعندهم اسم بس عشان العنصريه واحترام الجميع سميت الروايه #قبيله تابوت ...🤍
