فيليكس: هو الكوتشي الابيض اللي ع الباب ده بتاع مين
سونغمين: لينو ليه؟
فيليكس: يا نهار ازرق
لينو: انطق عملت ايه في الكوتشي بتاعي
فيليكس: زقلت بيه القطة الصفرة اللي تحت البيت
لينو: يا نهار ابوك اسود
فيليكس: انا في حمايتك يا تشان
تشان: اللي هيقرب من ابني هتطلع مصرينه من بطنه
ايان: شامم ريحة فراخ مشوية
تشان: انت ببتوحم يلا
هان: تصدق نفسي فيها
سونغمين: متيجوا نطلب فرخة وكل واحد يدفع خمستاشر جنيه
تشانغبين: ادعم
تشان: الساعة مجتش 6 الصبح روحوا ناموا نامت عليكوا حيطة
فيليكس: انا عايز فراخ مشوية
تشان: يبقى نطلب فراخ مشوية
هيونجين: هتصل انا ع الراجل
هان: تعالوا نلعب لعبة الصراحة عقبال اما الفرخة توصل
ايان: اشطا مين اللي هيبدأ
هان: انا هبدأ اسأل
هان: السؤال موجه للينو انت ليه بتكره البشر؟
لينو: ببساطة عشان هما بشر
تشان: تصدق اقنعتني
تشان: السؤال موجه لفيليكس بتحبني قد ايه
فيليكس: قد الشعر اللي في دماغ تشانغبين
تشانغبين: بتدخل دماغي في الموضوع ليه يسطا
تشانغبين: سؤالي موجه لسونغمين هو انت ايه علاقتك بالبيض؟
سونغمين: بص يبني البيض ده بالنسبالي اغلى من الدهب ومتسألش ليه
تشانغبين: ده على كده لو كان لينو بنت كان زمانك بتواعده دلوقتي
غادر لينو المجموعة
تشانغبين: عيل قموص اوي
ايان: المهم يلا نكمل لعب
هيونجين: الفرخة وصلت يجدعان
ايان: احلف
هيونجين: والله
تشان: ده لو الفرخة جاية تجري مش هتوصل بالسرعة دي
سونغمين: يلا بقى قسمها بسرعة رحيتها خرمت مناخيري
تشان: من هياخد صدر ومين هياخد ورك؟
هيونجين: انا عايز صدر فرخة
ايان: انت عارف انا مبكلش غير صدر الفرخة
تشانغبين: صدر طبعا
هان: الورك بيبقى طعمه معفن انا هاخد صدر
سونغمين: وانا اكيد مش هاخد ورك
تشان: ده ايه ده لن شاء الله وانا اجيبلكوا منين فرخة بسبع صدور
تشان: وانت عايز ايه يا فيليكس
فيليكس: اي حاجة م كلها فراخ
تشان: تعالى ابوسك يلا هو ده اللي فاهم الدنيا صح
تشانغبين: يعني ايه برده هنقسم الفرخة ازاي
تشان: م الاخر كده لينو مبيطفحش معانا عشان كاريزمته فهنستبعده من التقسيمة ولو اديناله فراخ هيأكلها للقطط بتاعته
تشان: وفيليكس هنديله ورك عشان هو بياكل اي حاجة
تشان: وايان هياخد الورك التاني غصب
ايان: لييههه انا عايز صدر
تشان: حط الشبشب في بوقك واقعد ساكت
تشان: المهم الصدر الأول هيتقسم اربع قطع
قطعة لهيونجين وقطعة لتشانغبين وقطعة لهان وقطعة لسونغمين
هيونجين: والصدر التاني هيروح فين بقى ياخويا؟
تشان: انا الكبير يبقى انا هاخد صدر لوحدي
تشانغبين: وده في قانون اي ده أن شاء الله
تشان: اطفح وانت ساكت منك ليه
تشان: هو مين اللي استلم الاوردر؟
هيونجين: فيليكس
تشان: يا نهار اسود ومنيل فين باقي ال200 جنيه
