تشان: هو مين اللي استلم الاوردر؟
هيونجين: فيليكس
تشان: يا نهار اسود ومنيل فين باقي ال200 جنيه
فيليكس: باقي ايه؟
تشان: باقي ال200 جنيه يا حبيبي الفرخة ب 120 جنيه
فيليكس: يبقى كده مفيش باقي
تشان: ازاي مفيش باقي انت متخلف يلا
فيليكس: مش انت بتقول الفرخة ب120 ؟
تشان: اه ياحبيبي وانت اديت الدليفري 200 جنيه يبقى فاضل 80 جنيه باقي
فيليكس: مين دليفيري ده؟ انا اديت الفلوس للراجل اللي جاب الفرخة
تشان: يادي النيلة من الاخر كده فين ال80 جنيه
فيليكس: يا غبي الفرخة ب120 لو بدلنا الواحد والاتنين هتبقى 210 يبقى كده الراجل اللي ليه فلوس مش احنا
سونغمين: دماغ قلقاسة
تشان: انا يئست خلاص
تمت اضافة لينو إلى المجموعة بواسطة تشان
تشان: اله تنستر دنيا وآخرة ذاكر رياضة لفيليكس وانا هديك فلوس وهشتري شامبو للقطط بتاعتك كمان وهدعيلك ليل ونهار
فيليكس: ايه رياضة دي هو مش اسمه حساب
لينو: تشتري اي لقططتي يا اخويا؟
تشان: شامبو
لينو: ليه هما معفنين ومبيستحموش زي هيونجين
هيونجين: لم نفسك ومتغلطش انا مستحمي العيد اللي فات
تشان: هجبلهم 3 علب تونة
لينو: اذا كان كده ماشي بس قططتي مبتكلش غير التونة امو 45 جنيه
تشان: علطلاق احنا ن عايشين دانا باكل ام عشرة جنيه
لينو: وانت هتقارن نفسك بقططي
تشان: انت صح، خد فلوس وهاتلهم اللي انت عايزه بس تخلي الواد فيليكس يعرف يجمع ويطرح
لينو: خلصانة
فيليكس: انا جاهز يلا نبدأ الحصة
تشانغبين: ولا يا ايان اجري اعملنا فشار عشان شكلنا هنفطس ضحك النهاردة
لينو: بسم الله بص يبني لو قعدنا ايان جنبك انت وتشان ع الكنبة هيبقى كام واحد قاعد؟
فيليكس: 2
لينو: ده ازاي ده؟
فيليكس: انا وتشان نعتبر شخص واحد
تشانغبين: الواد فيليكس ده حوار
لينو: ميتين العته هبسطهالك
لينو: دلوقتي انت بني آدم واقف اهوه لو وقفنا جنبك جاموسة هتبقوا كام
فيليكس: 1 عشان الجاموسة مش بني آدم اصلا
تشان: ركز يا فيليكس عشان بيحفلوا عليك
لينو: هي 1 صح بس مش عشان الجاموسة مش بني آدم لا ده عشان انت والجاموسة واحد
لينو: قسما بالله اللي هيدخلني الجروب ده تاني هشقهه
غادر لينو المجموعة
فيليكس: هو بيتكلم معايا كده ليه
تشان: دول محروقين منك يحبيبي عندك مثلا الواد تشانغبين ده كان جايب في الثاناوية 5 من 50 في الرياضة وطبيعي يتغاظ لأنك جبت 50 من 50
هان: جاب 50 من 50 امتى ده؟ ده لو حصل يبقى القيامة قربت
سونغمين: جاب _٥ من ٥٠ بس هو مقتنع انها ٥٠
هان: اه قول كده
تشان: بس ياض منك ليه
تشان: بص يا فيليكس يا حبيبي انا عارف انت هتفهم الرياضة ازاي
فيليكس: ازاي
تشان: هغنيلك اغنية جميلة وانت ابقى أحفظها
فيليكس: هييي
تشان: بسم الله
تشان: واحد وواحد اتنين، فيليكس راح على فين
اتنين واتنين أربعة، فيليكس راح ع المطبعة
تلاتة وتلاتة ستة، فيليكس ماشي ع السكة
أربعة واربعة تمانية، فيليكس بياكل البامية
خمسة وخمسة عشرة، فيليكس شبه البقرة
