الوشم

part 21

يامن قاعد بيتكلم في التليفون وكان باين عليه الانفعال
يامن : انا عايز كل تسجيلات المكالمات ، تتصرف وتجيبها مفهوم

ساره دخلت الاوضه

يامن : طيب سلام دلوقتي ، تعالي يا ساره

ساره : عملتلك لمون عشان يساعدك شويه ، في حاجه ولا اي

يامن : مكنتيش تعبتي نفسك طيب ، لا مفيش حاجه حابب اتاكد من حاجه بس

ساره : لا ولا تعب ولا حاجه ، حاجه اي اللي تتاكد منها

يامن : اولا شكرا يا ساره ، تاني حاجه حابب اتاكد من كلام جيسيكا

ساره :شكرا علي اي ؟

يامن : علي كل حاجه

ساره لنفسها انا معملتش حاجه لكل الشكر ده ، للدرجه دي الاهتمام حاجه غريبه عليه ، هيا مراتو مكنتش بتعمل كدا معاه ، شخص غريب اوي بجد والهدوء اللي هوه في ده مش طبيعي مع ان في مشاكل كتير حوليه وهيتاكد ازاي من كلام جيسيكا

يامن : ساره لو عايزه تقولي حاجه قوليها متفكريش كتير

ساره : انا مستغربه بصراحه بس مش عارفه اسالك ازاي

يامن : قولي اللي انتي بتفكري بي وانا هجاوبك

ساره : هتتاكد ازاي من كلام جيسيكا ، ولي كل شويه بتشكرني علي حاجه بسيطه

يامن : متعودتش ان حد يكون جنبي وانا عيان ، ولسه مش عارف بس بدور علي طريقه اعرف بيها

ساره : طيب ومراتك مكنتش بتعمل معاك كدا يعني

يامن : مفتكرش مره سهرت عشان انا تعبان ممكن كانت تكلملي الدكتور او ترن علي امجد ومصطفي او تجيبلي العلاج بتاعي بس

ساره : بس انت شايف انو صح تدور وراها بعد ما ماتت

يامن : انتي عيزاني اسمع انها كانت بتخوني واسكت

ساره : لا بس هيا ماتت فا خلاص

يامن : بس انا فضلت فتره بعد ما ماتت زعلان عليها ومش قادر انساها

ساره : فاهمه

يامن : بصي يا ساره انا مش من النوع اللي بيخلي حاجه تحصل حوالي من غير ما يكون عارف ، لكن ان جيسيكا تقول كدا فا اكيد كان في حاجه بتحصل من ورايا

ساره : ماشي بس انت بتدور علي حاجه بعد ما متت

يامن : مش من حقي اعرف ؟

ساره : لا من حقك بس انت بتتعب نفسك علي الفاضي

يامن : سيبك انتي من كل ده مش هنخرج زي ما اتفقنا الجو حلو النهارده

ساره : طيب هروح البس واستناك بس خد ادويتك قبل ما ننزل

يامن : ماشي متتاخريش