نكمل القصه ....
وصار يوم العرس صبو العشاء للناس وبعدها زفونه احساس حلو مشاعر مخربطه عِنـ.̷̷̸̷̐ـديّ يعني ما اعرف شلون اوصفه وخلص العرس وهوسه العرس ومر شهر ع زواجي حياتي نقلبت م̷ـــِْن بشهر واحد اباوع الزوجي ما يطيقني ولا يعبرني يكره وجودي ينام بره الغرفه بالدوانيه اخاف انام وحدي بقت اخت زوجي بعمري هيه تنام يمي شهر شهرين تلاثه نفس معاناتي يوم عن يوم ما يطيقني وبس يصيح راسي ويصرخ م̷ـــِْن يشوفني راحو اهله ساده شيوخ وين ميروحون يكلوله الولد مسواله سحر يردون يفرقونه عن مرته يعني بالاصح مسويلنه عمل تفرقه تحملت كلشي بحيث ما اعوفه صبرت وصبرت وما فاد شي وكله وكلت ميخالف
ما خلينه سيد ما رحنه اله الناصريه النجف البصره همين ما فاد العلاج الي يسوو الساده وهوه زوجي ما يؤمن بهاي سوالف جان يستهزاء م̷ـــِْن نكله دوه سيد وسوي ما يحب هاي ومر ع ه̷̷َـَْـُذآ الحجي 8 اشهر واني متحمله كلشي منه جان ما يعرفني ولا يطيقني احساس كلش صعب عليه بقت ناس تلوم بيهم بت ناس خطيه ضلمتوها وكلت ميخالف اتحمل ومر سنه واني كاعده دخلت امي عليه كالت ماما لمي هدومج وامشي ويانه حماتج خابرت اليه وكالت اخويه ميريدها بجيت صرخت ما فاد شي اخذتني امي وياها وكعدت عند اهلي ومرت فتره حيل صعبه عليه اربع شهر مرت وصلي خط طلاكي نهاريت بوقتها وصار خط طلاكي شرعا وقانونن مرت فتره عليه حيل صعبه تاثرت صرت اكرها اليل اختنگ ابجي اذكر ماساتي بي ومرت فتره وره قرر اخويه يشتريلي جهاز لان شافني نفسيتي تُعباُنٌهْـ كالي تونسي بي شوي بلكي تريحين بالج الجايات افضل الج
وصدك ثاني يوم راح اشترالي تليفون سنه 2017 بنهايتها كلش اشتريته نزلت برامج بي جان نازل برنامج جديد اسمه انستا .... ونزلته وبقيت يوميه اتصفح بي وانشر يومياتي وانشر عام جانو هوايه عِنـ.̷̷̸̷̐ـديّ اصدقاء م̷ـــِْن ضمن منهو عِنـ.̷̷̸̷̐ـديّ صديق دائما يعلقلي ع منشوراتي دخلي خاص وتعرفنه وبقينه نحجي يوميه اني وياه جنت اعتبره صديق اليه احجيلي كلشي الي يصير ويايه وهوه همين يحجيلي كلشي اني جنت ضامه عنه موضوع طلاكي ولا يوم فتحت موضوع وياه ....
يتبع .....
