مـُـنـقـذي مــن الـجـحـيـم

part 2

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

- لـجـُـيـن : رحت اگعد بابا
دگيت باب غرفته اكثر من مره وسمعته صاح ؛

- صالح : فوت

- لـجـُـيـن : ها بابا صح النوم

- صالح : هلا بويه

- لـجـُـيـن : بابا حباب يلا گوم اگعد اريد اروح اشوف هديتي

- صالح : تمام بويه هسه گايم روحي حضري روحچ

- لـجـُـيـن : تمام
رحت حضرت نفسي ولبست اشلون مچان من الحماس ونزلت لگيت بابا وعلي ينتضروني

- علي : يا الله يلا نطلع

- لـجـُـيـن : طلعنا من البيت ورگبه السياره ورحنه لمكان بي مجمعات طبيه وهاي الاشياء

- علي : يلا نزلو وصلنه

- لـجـُـيـن : شنو وين وصلنه لعد الهديه

- علي : اي شبيج نزلي وتعرفين

- لـجـُـيـن : نزلت واني مثل الغبيه لحد هسه مفاهمه
وشفت علي راح لصيدليه فارغه و طلع مفاتيح من جبيه وفتحه يلا فهمت الموضوع

- علي : يلا فوتو .

- لـجـُـيـن : فات بابا واني فتت وراه واني لحد هسه ممستوعبه الي جاي اشوفه

- علي : ها لولو شنو رأيج ؟

- لـجـُـيـن : هوه گال هيج واني انفجرت ابچي من الفرحه بس بابا وعلي ميدرون ابچي من الفرحه وگبل اجويه عليه

- صالح : شبيچ بابا ليش تبچين ؟؟

- علي : لولو شبيچ شكوو ؟؟

- لـجـُـيـن : لا هاي بس چم دمعه مال فرح

- علي : بربج هاي هم چم دمعه هاي بوريي مال دموع

- لـجـُـيـن : واني بنص بچي گمت اضحك وبابا وعلي يضحكون عليه وع شكلي ههههه

- علي : يلا گومي شوفي صيدليتچ

- لـجـُـيـن : يعني صدگ هاي الي اني

- صالح : اي بويه طبعاً الج ليش اني چم لـجـُـيـن عندي

- لـجـُـيـن : رحت وحضنت بابا وهم گمت ابچي
وبابا گال

- صالح : هسه ليش البچي ياعيوني ؟

- لـجـُـيـن : بابا اريد ماما اني محتاچتها
وزدت بالبچي وصدگ چنت اتمنى امي وياي بهيچ يوم بس للأسف ماتت واني عمري 17 سنه

- صالح : اهخخ يا بابا كلنا اشتاقينه لمچ مو بس
انت ِ محتاچتها بس يا بابا البچي ميفيد اترحمي الها هيه راحت يم ربها الكريم بمكان احسن من هنا

- لـجـُـيـن : الله يرحمها ؛ علي چان ساكت ومحچه شي وبابا گال اله

- صالح : ها علاوي انت َ هم اتريد تبچي