مـُـنـقـذي مــن الـجـحـيـم

Part 9

- لـجـُـيـن : رحنا عقدنا واني هيچ ما فاهمه كلشي صار بسرعه بس كلش عجبني موقف ابو گمره من تمسك بيه لو غير واحد چان گال اني شلي بهاي السالفه اكو 100 بنيه غيرها بس هو تمسك بيه وهذا الشي كلش عجبني المهم عقدنا حتى بدون ما نسوي التحاليل حچه ويه واحد چان موجود بالمحكمه المهم طلعنا من المحكمه وهو گال ل ابويه ؛

- ابو گمره : عمي من رخصتك بس حاب احچي شويه ويه لـجـُـيـن

- صالح : مرخوص بويه احچي وياها

- لـجـُـيـن : اجه لناحيتي وگال ؛

- ابو گمره : بس تعاي شويه احجي وياچ

- لـجـُـيـن : اي تمام اجيت

- ابو گمره : اسمعيني لـجـُـيـن بدون مقاطعه باعي ادري كلشي صار بسرعه وصار ضغط عليچ وانت ِ كلشي مافاهمه بس والله انجبرنا علمود من ادافعلچ گدام عمچ وابن عمچ بصفتي زوجچ لانو اذا اني مو زوجچ بصفتي منو ادافعلچ مو صح ؟؟

- لـجـُـيـن : صح

- ابو گمره : المهم اريد اسئلچ سؤال واريد تجاوبيني بكل صراحه وبدون خوف تمام ؟؟

- لـجـُـيـن : تمام

- ابو گمره : خوما متندمه او حسيتي نفسچ مسرعه ترا عادي تگدرين تنسحبين بعدنا ع البر واني ما اريد اضغط عليچ الچ حريه القرار
ها شگلتي ؟؟

- لـجـُـيـن : لا اني فكرت كلش زين وما احس نفسي متندمه بالعكس احس قراري چان كلش صحيح

- ابو گمره : خوش يابه ؛ صدگ الف مبروك

- لـجـُـيـن : الله يبارك بيك

- ابو گمره : يلا امشينه نروح الهم منتضرين

- لـجـُـيـن : يلا امشي ؛ احنه رحنا للبيت وابو گمره راح لشغله

- اسماعيل : مسيم احنه بعد خل نروح لامي باوعت ع ساره ومهيمن ومريم و ازاد وگلت ؛ ليش ما تجون ويانه ؟؟

- مهيمن : لا عمي شنجي البنات عدهم التزامات و دوام واحنه كذلك

- ازاد : انا ماعندي ليش ادخلني بالموضوع
عمي انا جاي وياكم
باوعت ع مريم وابتسمت ابتسامه خبث وغمزت الها
كملت كلام وگلت ؛ وخلي مريم تروح ويه مهيمن وساره

- اسماعيل : اي خوش

- مريم : يابه انا هم اريد اجي اذا تقبل

- اسماعيل : بتي انت ِ تعاي وانا اعوفچ ع راسي من فوگ

- ازاد : موعندچ دوام ؟؟

- اسماعيل : ازاد معليك بأختك

- مريم : لا بويه عوفه باوعت على ازاد وگلت ؛ اي عادي هسه اخابر واخذ اجازه ابتسمت ابتسامه خبث وغمزت اله

- اسماعيل : باوع ل مهيمن وساره ؛ شنو بويه انتو ما راح تغيرون قراركم ؟

- ساره : لا بابا اني اعتذر منك بس ما اگدر عندي هواي شغل