Park Royal International (PRI) လေကြောင်းလိုင်း၏ CEO ဖြစ်သူ ပတ်ချန်းယောလ် နှင့် Star Alliance ဆေးရုံ ဥက္ကဌကြီး၏ မြေးဖြစ်သူ ဒေါက်တာ ဗြောင်ဘတ်ဟျွန်းတို့ လက်ထပ်ထိမ်းမြားခြင်း။
တောင်ကိုရီးယားနိုင်ငံ၏ နိုင်ငံပိုင် မီဒီယာများ၌သာမက ဆိုရှယ်မီဒီယာများ၌ပါ နာမည်အကြီးဆုံး သတင်းတစ်ပုဒ်အဖြစ် ရပ်တည်နေသည့် ထိပ်သီး အမျိုးသားနှစ်ဦး၏ လက်ထပ်ထိမ်းမြားမှု။ နဂိုကတည်းက သက်ဆိုင်ရာ စီးပွားရေး နယ်မြေအသီးသီး၌ အင်အား အကြီးဆုံး အဖြစ် ရပ်တည်နေသည့် PRI နှင့် Star Alliance ဆိုသည့် နာမည်ကြီး ဆေးရုံတို့ ပူးပေါင်းလိုက်ခြင်းက သက်ဆိုင်ရာ စီးပွားရေးနယ်မြေရှိ ပြိုင်ဘက်များကို တုန်လှုပ်ခြောက်ခြားစေသည်။ နှလုံးသားကို ချနင်းပစ်သည့် စီးပွားရေးဆန်ဆန် ထိမ်းမြားမှုတစ်ခုဟု ဆိုနိုင်သော်လည်း အကျိုးအမြတ်သည် သိပ်များလွန်း၏။ လက်ထပ်ပွဲ သတင်း ကြေညာ၍ အပြီး မိနစ်ပိုင်းမှာပဲ PRI နှင့် Star Alliance တို့၏ ကုမ္ပဏီ ရှယ်ယာများသည် ခြောက်ရာခိုင်နှုန်းကျော်အထိ မြင့်တက်သွားခဲ့သည်။
တချို့က မေတ္တာကို အရင်းခံသည့် မင်္ဂလာပွဲဟုဆိုသည်။ တချို့ကတော့ စီးပွားရေးဆန်သည့် လက်ထပ်ပွဲဟု ထင်ကြေးပေးကြ၏။ မည်သို့ပင်ဆိုစေကာမူ အင်အားကြီး ကုမ္ပဏီနှစ်ခု၏ ပူးပေါင်းမှုကြောင့် ရှယ်ယာဈေးများ မြင့်တက်လာခြင်းသည် ပြိုင်ဘက် ကုမ္ပဏီများကိုတော့ အံ့ဩ၊ထိတ်လန့်သွားစေမည်မှာ အသေအချာ။
The Palace Of Versailles, France
ပြစ်သစ်နိုင်ငံ, ဗာဆိုင်းနန်းတော်
ပြင်သစ်နိုင်ငံ ဗာဆိုင်းနန်းတော်၏ တော်ဝန်ခန်းမ တစ်ခု၌ ဖြစ်သည်။ ခမ်းနားစွာ ဆင်မြန်းထားသော ရွှေဝါရောင် မီးဆိုင်းတို့မှ ဂန္တဝင်ဆန်သော အငွေ့အသက်များသည် ခန်းမအတွင်းသို့ ဖြာကျနေလျက်။ အနောက်တိုင်းဆန်စွာ ဝတ်ဆင်ထားသော ဧည့်ပရိတ်သတ်တို့ ကြားမှ ငြိမ့်ညောင်းလှသည့် တေးဂီတသံစဉ်တို့သည် ဖြည်းညင်းစွာ ဖြတ်သန်းလျက်ရှိသည်။ တန်ဖိုးမြင့်သည့် အဝတ်အစား၊ အဖိုးထိုက်တန်သည့် ဆင်ယင်ထုံးဖွဲ့မှု၊ အထက်တန်းဆန်သည့် လူတန်းစားအလွှာ။ ထိုကဲ့သို့သော ကောင်းခြင်းများဖြင့် စုစည်းနေခြင်း၏ အကြောင်းသည်ကား PRI စီအီးအို ဖြစ်သူ ပတ်ချန်းယောလ်နှင့် Star Alliance ၏ ဆက်ခံသူ ဗြောင်ဘတ်ဟျွန်းတို့၏ မင်္ဂလာညစာ ဂုဏ်ပြုပွဲ ကြောင့် ဖြစ်သည်။
YOU ARE READING
𝙈𝘼𝙍𝙍𝙄𝙀𝘿 𝙏𝙊 𝙋𝙍𝙄'𝙨 𝘾𝙀𝙊
Fanfiction𝘉𝘙𝘌𝘈𝘒𝘐𝘕𝘎 𝘕𝘌𝘞𝘚 ; 𝘋𝘳 𝘉𝘠𝘜𝘕 𝘉𝘈𝘌𝘒𝘏𝘠𝘜𝘕 𝘐𝘴 𝘔𝘢𝘳𝘳𝘪𝘦𝘥 𝘛𝘰 𝘗𝘙𝘐'𝘴 𝘊𝘌𝘖 𝘗𝘈𝘙𝘒 𝘊𝘏𝘈𝘕𝘠𝘌𝘖𝘓 ! 𝚃𝚑𝚒𝚜 𝚂𝚝𝚘𝚛𝚢 𝚒𝚜 𝚊 𝚜𝚙𝚎𝚌𝚒𝚊𝚕 𝙶𝚒𝚏𝚝 𝚏𝚘𝚛 𝚖𝚢 𝙻𝚘𝚟𝚎𝚕𝚢 @ 𝙾𝚑𝙷𝚒𝚕𝚕𝚊𝚛𝚢 ♡
