ف بيت الجد
ثامر : يلا هيا
زينه : اذا وصلنا بتعلمني شفيك
ثامر : ابشري
منيره : ثامر بتجون بكره ؟
ثامر : ايه ياعيوني بجي ونروح بيتنا
زينه : خلها تجي معنا الحين
ثامر : ابوك رافض ولا انا باخذها
زينه : ايه رافض ؟
ثامر : يقول لين تروحون بيتكم خذها
.
.
.
.
غزل : منيره تعالي
منيره : وين ؟
غزل : عندنا جلسه برا هيا عندها
منيره : وين ملاك ؟
غزل : نامت تعبانه
منيره : كلهم ناموا ؟
غزل : اتوقع
منيره : ماشاءالله
غزل : اجلسي بعلمك سوالف عننا دامك قاعده معانا عشان تتعودين
منيره : م راح اطول بس علمي
غزل : جدي عنده قانون الكل ينام بعد العشاء بس محد ينام حتى جدتي م تنام بس هو يعاندنا و يصحينا الصباح يعني اذا شفتني نفسيتنا تعبانه ف الصباح اعرفي انها من جدي
منيره : ابوك اي واحد من اعمامك؟
غزل : ابوي الثالث قبل نواف
منيره : يعني صقر الاول ؟
غزل : لا عمي محمد اول بعدين صقر
منيره :وينه
غزل :متوفي ابو ملاك وسعود
منيره : اها ! الله يرحمه كيف
غزل : مات بحادث بس من زمان قبل ثلاث سنوات يمكن
منيره : ايوه كملي
عبدالعزيز وهو يصد عنهم : غزل تعالي
منيره : نسيت شالي بالمطبخ هيا ندخل معليش والله مب قصدي
غزل : م عليك بكلمه الحين
.
.
.
عبدالعزيز: ليه قاعدين برا ؟ وبدون شال
غزل : م فيه احد !
عبدالعزيز: هي ! م تقرب لنا ولا حنا من محارمه
غزل : عيب عزوز ! تكلم بشويش هي نسيت شالها هنا شوفه
عبدالعزيز : ادخلوا داخل البيت هاذا كبره برا ليه ؟
غزل : خلاص روح الحين
عبدالعزيز: رايح
غزل : تعالي
منيره : شقال لك ؟
غزل : م عليك بس يقول ادخلوا هيا
منيره : انا رايحه غرفة زينه
غزل : تمام
فيصل :غزل
غزل : يمه من وين جيت ؟
فيصل : من غرفتي
غزل : تستهبل ؟ ليه م نمت
فيصل : م جاني نوم و سمعت صوتك وش جابك هنا ؟
غزل : كنت مع منيره
فيصل : راحت ؟ولا بترجع
غزل : ايه راحت
فيصل : احسن وش تسوين انتي
غزل: سويت شاهي وبروح غرفتي
فيصل : خلنا نقعد هنا شوي
غزل : لا عزوز صاحي بيطلع علينا
فيصل : ذا كل الاوقات صاحي يليل
غزل وهي رايحه : روح نام احسن
فيصل وهو يكلم نفسه :ياحظ سعود صدق يعني قعد سنين كذا ؟ نفسي ولا
الجد : نفسك واكثر منك
فيصل : أعوذ بالله
الجد : انتم مب نفسه سعود تعب و سنين و كلنا رافضينه بس اصراره هو اللي خلنا نزوجه ولا في واحد يقعد ينتظر من يومها صغير و عايشه معه و فجأه تفترق عنه ثلاث سنين ؟ وهو للحين صامل ياخذها مع انها اغلى حفيده عندي وعطيته وانا مرتاح
فيصل : حتى انا تعبت
الجد : مب نفس سعود
فيصل : سعود عمي يحبه
الجد : وكيف خلاه يحبه ؟ تعلم نفسه مو يتهاوشون قدام الله وخلقه وتباه يعطيك بنته ؟ سعود اقنعه بطريقته لا تقول عشاني انا موجود ؟ انا غبت عنهم م تغير سعود عن صقر
فيصل : بتقنعني سعود اقنعه باسلوبه ؟ مستحيل
الجد: عمرك م راح تفهم يافيصل بس اقول لك خلك مصّر على قرارك لا تقعد تغيره كلشوي وبيعرف نايف انك قدها مو كل هوشه قلبت وغيرت رأيك
فيصل : نشوف بس لو م طلع كلامك صح ولا اقنعته انت اللي بتزوجني هي حتى لو غصب عنه
الجد : مو غصب عنه ! نايف رجال و بيعطيك اياها بدون غصب لو شافك قدها ذي بنته الوحيده ولا بيفرط فيها
