الساعه ١٢ الظهر :
الجد : قوم يعيال لا صلاه لا عباده قومو
هُمام : جدي بس شوي
الجد : قوم !! وين سعود ؟
عزوز : مدري عنه
الجد: لاحول الله ياذا الولد
محمد :سعود قام من الصباح و راح يجيب فطور تعالو
ف الصاله :
سعود : قام الاذان هيا نصلي ع بال م تسوون شاهي و تصحونهم
فاطمه : بعد م تصلي تعال ع طول انتبه له يامحمد
سعود : بزر انا ؟
الجده : لا بس عشان م تروح مكان بدونهم بخليهم طول الوقت معاك
صقر : ياهُمام ! باقي م قام !
فاتن : شفيك على الولد !
الجده : خلاص قام قام
صقر :و ايلين وينها ؟
ايلين : انا هنا
صقر : انفداك بنتي مو مثل ذاك
سعود : يلا عمي م بتروح معنا ؟
صقر : الا بس باخذ هُمام
زينه : صاحي من بدري سعُودي
سعود : سوي شاهي
زينه : عيب تطلب عمتك ! شوف ايلين ف المطبخ خلها تسوي
ايلين : ليه انا شوفي ملاك مشاءالله عليها اليوم مصحصحه ازعجتنا
ملاك : شدخلني
الجده : الشاهي حقك ياايلين احلى
ايلين : عشانك بس
زينه : بس عشانها ؟
سعود وهو يدقها : مصحصحه اليوم
زينه: روح الصلاه م تنتظر
سعود : يالله هُمام و عزوز هيا
الجد : ياسعود تعال شوف من شفت عند الباب
سعود : هلا برقيه هلا وش مطلعك بذا الشموس
رقيه : اوف ازعجتني سوير كلشوي ترسلني لايلين و صرت رايحه و جايه
سعود : افا اسحبي عليهم روحي العبي مع البزارين
رقيه : وينها ايلين ؟
سعود: ب المطبخ
ف المسجد
ابو فهد : هلا بسعود و عياله
صقر : هلا فيك
ابو فهد : اذا م عليكم امر بعد الصلاه ابي هُمام و سعود و عبدالعزيز يروحون مع فهد
سعود ؛ وين نروح
ابو فهد : تجيبون غنم زينه للعزيمه
الجد : عيالنا عيالك اللي تبيه خذه بدون م تسألهم
هُمام :خذلك صرنا غنم يبايعون فينا
سعود : لو م تسكت بتصير عشاء الليله
ف بيت الجده فالمطبخ
زينه : ايلين
ايلين : هلا
زينه : ترا سعود يحب الشاهي
ايلين : ادري
زينه : شدراك !
ايلين : دايم اشوفه يشربه
زينه : اها وش تسوون امس
ايلين : م نسوي شي
زينه : الا من الفرحه م اتوقع نام الولد
ايلين : انقلعي
ملاك وهو داخل المطبخ : بنات
البنات : هلا
ملاك : ام خماس بتجي العزيمه ؟
بعدها صار ضحك مو طبيعي
الجده : م نسيتي السالفه للحين ؟
ساره : سالفت ايش ؟ ليه تضحكون
فاتن : ملاك و ام خماس م يطيقون بعض من عرفوا بعض و صارت سالفه و امس حماس ضربت ملاك و ملاك م تحبها للحين
ساره : وش سويتي عشان اضربك !
ملاك : كنت بزره و كنا نلعب انا و البنات و كبيت المويه و قلت بسوي فيها مقلب لان قاهرتني و قعدت اناديها و اقول ولدك طاح و جات ركض و م نشوف لك الا ام خماس طايحه
ايلين : م بعد العداوه الا المحبه
ملاك : وجع
ساره : طلعتي من انتي و بزره مب هينه
زينه : هيا جيبوا الفطور اكيد خلصو
هُمام :ماشاءالله تاكلون بدوني
غزل : ماشاءالله عاد انت لو تاكلنا م تشبع
فاتن : بسم الله على وليدي !
غزل : من زينه قلنا ماشاءالله
عزوز : قصرت ياسعود
سعود ؛ افا ليه
زينه ف المطبخ : روحي ودي الشاهي جنب سعود
ايلين : ليه جنبه ؟
زينه : كيفي !
راحت زينه جلسة جنب سعود : اشتقت لك
هُمام : م ورا المحبه ذي الا مصلحه
الجد ؛ عيب تقول لا عمتك كذا !
عزوز ؛ وهو صادق
زينه : اعوذبالله ياعيال اخواني
الجد : عاد سعود محشوم
سعود وهو يبوس راس جده : ياحبي لك
هُمام : وحنا عيال البطه السوده ؟
سعود : لا تكون تغار مني
عزوز ؛ امحق غيره
زينه : ايلين تعالي اجلسي هنا
صقر : اجلسي عندك جنب زينه
سعود وهو يمد يده لها : هات الشاهي
ايلين : لا عادي
و م هي الا دقايق و تنحرق يدها
سعود ؛ قايل لك هاتيه
ايلين وهو تتوجع : يمه وين اروح ؟
سعود : تعالي هنا في ثلج
الجده : سعود م يحتاج لثلج
سعود: الا الا
ايلين : يحرق !
سعود : شوي و يروح
الجد من شاف سعود معاها م عجبه الوضع : قوم هُمام شوف اختك تعال ياسعود
سعود : اقعد هُمام خلاص خلصت تعالي كلي شوي و يروح
زينه : حطي كريم
ايلين : م ابي و طلعت الغرفه
فاتن : يصقر اطلع لها تاكل !
نوال : الله يسعدك ياسعود ع الاكل
سعود ؛ عافيه
عزوز : كان قومتنا
عزيزه : انت فالح بنوم بس
عزوز : يمه شفيك علي !
هُمام وهو يضحك : وهي صادقه
فاتن ؛ منت بعيد عنه لا تضحك
هُمام : ابشري
فاطمه : كل ياسعود
سعود ؛ لا والله بس بشرب شي افطرنا انا وجده من اليوم
الجد : من متى صاحي انت !
سعود ؛ يمكن ٩او ٨
عزوز : وش مصحيك !
سعود ؛ ياخي م تعودت ع النوم ف ذا المكان دايم يصير كذا
محمد : لا والله راحه المكان
فاطمه ؛ سعود مشكلته يتعود ع مكان واحد بس
سعود :وش اسوي يمه
صقر : حتى انا م نمت زين كلشوي اصحي
الجد : الا وين نايف !
عزيزه و نوال : بعد م جاء من الصلاه نام م قعد
الجده: وش وراه ينام للعصر
سعود وهو يقوم : انا بروح
الجد ؛ على وين
سعود : المجلس
الجد : ليه
سعود : بنسدح
الجد ؛ على المجلس ها
زينه وهو تضحك ؛ م عليك يدله
سعود ؛ ابشر
دخل سعود غرفة البنات
ايلين : سعود !
سعود ؛ عيوني وريني يدك
ايلين : م فيها شي اطلع قبل يجي احد
سعود : كلهم يفطرون لا تخافين
ايلين : م نمت صح ؟
سعود : نمت ساعتين او ثلاث و قمت
ايلين : ليه
سعود: م تعودت على المكان
ايلين : بتنام ؟
سعود ؛ لا جاني نوم نمت يدك تعورك ؟
ايلين : لا
سعود : افطري طيب
ايلين : اساساً م ابيه
سعود : افا انا جبت عشان م تطبخين و م اكلتي !
ايلين : ياكذاب جبته لي ؟
سعود : والله لك روحي يلا
ايلين : عشانك ترا
سعود : ياحبي لك
ايلين : سعود
سعود : عيوني
ايلين : في قهوه هنا ؟
سعود : ف الديره و تبين قهوه !
ايلين : تمام
سعود : اذا امداني جبت لك بروح للغنم انا
ايلين : جرحك يعورك ؟
سعود : لا
ايلين : وريني
سعود: م يحتاج
ايلين : يطلع دم صح ؟
سعود : اي خلصنا اسأله ايلين ؟
ايلين : تمام اخر مره اسال عنك
سعود : وراك تتهربين مني ؟
زينه : تدل المجلس اشوفك
سعود : اص
زينه ؛ وانتي شفيك تتغلين تراني من اول برا
سعود : ادري عنك بنزل قبل احد يجي
زينه ؛ لا جبت لها جيب لي
سعود ؛ من عيوني
