السلام عليكم وجمعة طيبة احبابي اوكفو لحظة اندعو للإمام صاحب الزمان قبل لا ادخلون اللهم عجل لوليك الفرج
طبعاً الواتباد راح يطردني جلاليق من البرنامج هلكد ما اسوي كتب وامسحهن😁
كلت اسوي كتاب نسولف بي سويه بما انو غايبة عنكم من زمان والليلة جمعة وعطلة خل انسخت 😅
المهم شلونكم شخباركم فتحت هالكتاب حتى ندردش سوية كل فترة واكتبلكم تفاصيل مواقفي انه والاشرس شاهين(زوجي😁 للمايعرف)
وعالغلاف صورة نيغان يشبه زوجي تماماً خاصاً من يلبس رسمي ترا زوجي شايب مو عبالكم من جيل هسة 🤣
والله لو يقرأ الكتاب 😅 اروح فدوة في سبيل الله اكول عنه شايب
كلش يشبهه بس مايلبس نظارة شوهين وهيج لحيته صايرة اغلبها بيضة 😅
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اعرف اعرف سؤال يدور ابالكم شلون اساور ويمته ازوجتو وليش اكبر منج 😁
خياتي الله يسلمكم خطفني من اهلي وصار اكشن وعشاير وجيب ودي كال مارجعها لو يجي الحمزة
والعباس جذب اخذني الواهس بسبب الروايات والأكشن 🤣 بعد روائية وحسبو حساب خيالها وااااااااسع
على ذكر الاكشن تدرون اعشق عشق الأكشن والمغامرات والغموض 😍 ماحب العشقيات والرومنسيات الا بالأكشن لذلك راح تشوفون اغلب رواياتي الخيالية مغامرات واكشن وجنون واموت على شخصية البطل المخبل 😅
اي نسيت انجرفت عن الموضوع انه وزوجي شلون ازوجته وليش؟؟ شوفو ازوجت بعمر ال15 سنة زواج تقليدي والله بس انكلب لحب حقيقي 😍 المعنى الحقيقي تربيت يمه وهو صارلي اكثر من أب رغم صغر سني وتصرفاتي المراهقة والعناد والعصبية بس تحملني وكلشي اعرفه اليوم واحسه هو علمني اياه
