السلام عليكم لا تنسون الصلاة على محمد وآل محمد وعجل فرجهم
انتم طلبتم اكوللكم قصتي انه وزوجي وشلون ازوجنه وليش بهالعمر ازوجته وليش اهلي قبلو وشلون هو قبلها
اول شي جيبو فستق حب حبشكلات ببسي اجباس كهوة اي شي تحبوه 🤭 وراح احط بالكلام ايموجيات يعبر عن شعوري 🤭
ياسادة ياكرام قصتي مثل اي بشر ومثل اي انسان بهالحياة اول شي لازم تعرفون قصة شاهين قبل مايزوجني جان مزوج قبلي وتوفت زوجته تركتله طفلين رباهم لوحده بس هي ماجانت الشخص الي يحبه الله يرحمها جان هواي مشاكل بحياتهم لأن هي ماراضية بحياتها تريد قصور وعيشة امراء وهو جان انسان على كد حاله ماريد احجي بيها واسوي نفسي مثالية
المهم بعد وفاتها قرر مايزوج اي اي مثل كل الروايات 🤭 عبالكم هالحالة كذب والله اغلبية يكرهون شي اسمه زواج يجزعون ومايزوجون وشاهين واحد منهم جزع من الزواج
الالحاح انو يزوج من اهله مو طبيعي انته تكبر ماتزغر ومدري شنو وهالحجي مال الأهل ونريد نفرح بيك وجيب ودي اقتنع بعد سنوات بس خلص كلب امه وابوه
فرحوله طبعاً كالوله شنو مولصفات الي تريدها كال ماعندي اي مواصفات المهم بنية مستورة وبت ناس خيره وتحفظ بيتها وزوجها وماريدها خدامة للجهال الله شاهد كال مازوجت علمود الجهال كال مايهمني مطلقة ارملة او بعمري
انه جنت مبطلة من المدرسة بسبب الخجل والانعزال الي جان مغلفني وبسبب الظروف المادية جانت كيل صعبة على اهلي انو يتحملون مسؤلية دراسته لدرجة اجرة سيارة مايكدرون عليها
لحد هسة احترك حرك على دراستي العفتها جنت من الشطار مكله تسعينات وتوصل للميات بس تركت رغماً عني انعزلت بهالفترة
صار عندي انواع الوسواس القهري بكد ما تتخيلون بحيث اكره شي اسمه ولد والله واخاف منهم بشكل هستيري واكرهم قبيحين بعيني قبح استغفر الله امي جانت تعتقد بيه مرض نفسي وهو فعلاً مرض نفسي😂💔
ماعرف اسبابه يمكن بسبب الظروف والحياة الصعبة ومواقف الصعبة للطفولة تنمر بكل اشكال جنت هواي يضايقوني الولد بمنطقتنه بحيث جان اكو واحد اكرهه ماطيقه يتغزلني وانقرف منه جنت اروح اشتكي عليه عد اهله انو هو يتحارش بيه 😂 عمه يكتله كتل ومايتوب
المهم بطلت مدرسة وبقيت حبيسة البيت بعد ماشفت خلقته الزفره هسة كبر وازوج من يشوفني يرحب بيه عبالك اصدقاء😂😂💔
مرة حجيت عنه يم شاهين جااا غير الرجال زعل زعلة شكبرها وين شفتي وشلون تباوعين من الجامه مال السيارة اغطي عيوني كلولي بالله شلون صار صدفة كبالي ورحت حجيتله لشاهين💔😂
اتعلمن بنات لا تعيدن غلطي 😂💔
اي نكمل قصتنه صار عمري 15 وانه بالبيت أكل شرب نوم وشغل بيت هواياتي ارسم وألف قصص بس ماكتب بعقلي باقيات لهسة اذكر مرة ألفت قصة انه صرت رئيسة العراق ومن اريد احجي تطلع شاشة خيالية بكل سماء لكل الناس😂😂😂
