: صباححح الخير
بو سالم : صباح النور
ام سالم : بسم لله تخوفين ويا هالكشه
غايه : اميه يعني ناشه من رقاد كيف تبين تشوفيني؟
ام سالم : زين شو بغيتي
غايه : يايه اخذ ملابسي و برد اصعد فوق
بو سالم : يلا زين تزهبي حق الجامعه
غايه : ان شاءالله ابويه
سارت خذت ملابسها و ردت صعدت فوق و دخلت تاخذ شور
ف بيت بو سيف
زايد : ابويه باجر ما اقدر اسير بيت يدي
بو سيف : جيه م تقدر ؟
زايد : باجر بسير البر ويا ربعي
ام سيف: م تعرف تحدد يوم ثاني غير يوم اليمعه ؟ تعرف يدك يحب الكل يكون موجود عنده يوم الجمعه
زايد : امييه بظهر العصر يعني الصبح بسير له و بتم عنده عالغدا
بو سيف : زين خلاص اهم شي تزوره الصبح
شوق : اميه امس غايوه رمستني و قالت باجر بنبات ف بيت يدي
ام سيف : والله الشور شور ابوج
بو سيف : باتي عندهم حبيبتي
حصه : شو رايكم نسوي موفي نايت عيل ؟
شوق : كتبي فالقروب عيل عشان يعرفون
حصه : تمام
ف بيت بو سعود
ام سعود : ظبيه قومي وديني الجمعيه باخذ لي كم من شي
ظبيه : اميه الساعه تسع و نص توه الناس يعني
ام سعود : لو حمد اهني جان وداني خ يرد العصر بخليه يوديني انتي ما منج فايده كله تتحرطمين فوق راسي
ظبيه : بتجهز و بوديج
ام سعود : بعد شو ان شاءالله ؟
ظبيه : اميه م قلت شي بس خليني اتجهز و انزل لج الحين
مرت نص ساعه و الاخت توها نازله
ام سعود : ماشاءالله ليش ييتي ؟ جان رقدتي بعد
سعود و هو نازل : شوفيج ليش مزعله حبيبت قلبي؟
و سار يبوس راس امه
ظبيه :اميه يلا تعالي السياره
ظهرو و سارو الجمعيه و سعود ظهر راح الكافيه
ف بيت اليد
شريفه : اميه يعني ليش معصبه ؟
اليده ( امنه ) : من سنه يدي مطرشتنها تولع لي الفحم لين الحين ضايعه ويا راسها
اليد (سعيد) : توها سايره
بو ذياب : اشعنه الكل معصب اهني
ام ذياب يايه و يايبه وياها الدخون حق اليده
