يوم الثاني > الصبح
ف بيت بو سالم
نشت غايه و خذت لها شور و طلعت اتسوي شعرها ستريت و فير من تحت و حطت لها مكيب خفيف و ولبست مخوره زرقه و لبست الشيله تناسب المخوره و يلست تتبخر
و عند سلطان اتغتر و راح غرفه غايوه دق الباب
غايوه : منوه ؟
سلطان : انا
غايوه : انا اونه دش دش
دخل و شل المبخره سلطان : شو هالزيننن ؟
غايوه مستحيه : تحس شكلي مرتب ؟
سلطان : فديت اختي المزيونه والله
غايوه : احم احم فداك
سلطان : اقولج شي م بتزعلين ؟
غايوه بخوف : شوه ؟
سلطان : تخوفين يع
غايوه : اجلب ويهك يلا ويعهههه
طلع سلطان و هو يضحك عليها نزل تحت ويا المبخره و غايوه نزلت وياه و شلت عنه البخور تمت تبخره و بخرت الصاله
سالم : بخريني
غايوه تمت اتبخره
بو سالم : كلكم جاهزين عيل ؟
ام سالم : وين حمداني ؟
بو سالم : تلقينه برع يلعب سيكل
ام سالم : غايوه انا بسير ويا ابوجج و انتي خذي حمداني و سيرو بيت يدج بني لكم عقب
غايوه : زين حبيبتي
ظهرت ام سالم ويا بو سالم
سالم : ها سلطان نسير بموتري؟
سلطان : لا تعرف بعد ما احب اركب الا الرنج
غايوه : خذ موتريه و عطني موترك
سلطان : مرسديس مب جوي طبعا
غايوه : ويعهههه اصلا تتمناه بس م عندك مجال ههههه
سالم : يلا شلي حمداني و سيري وديه دكان بعد لانه امس قالي و ما وديته
غايوه : زين
سالم و سلطان ظهرو
و غايوه صعدت عشان تلبس عبايتها و عقبها ظهرت ويا حمداني و سارت الدكان و عقبها سارت الكوفي خذت حق البنات جوفي و حركات
ف بيت بو سيف
زايد :يلا انا بظهر بروحي ما بشل حد وياي لاني عقب بسير البر
سيف : ابويه انا وانته بنروح
بو سيف : زين يلا نظهر
ام سيف : بي وياكم
و ظهرو
و شوق كانت مسويه استريت و حاطه ميكب خفيف ويا قلوز وردي و لابسه مخوره عنابيه و تبخرت و تعطرت و لبست كعب و شلت شنطتها. شيلتها و اغراضها عشان يباتون و تمت تتريا حصه فالسيارتها
حصه بعدها كانت تتجهز و كانو لابسه مخوره حمره وشيله بيضه و حطت ميكب خفيف و لبست دلاغ احمر قصير لانها تبرد بسرعه و لبست فلات و شلت اغراضها و سارت تركب الموتر
شوق : جان ما ييتي
حصه : شغلي اغنيه عبدالمجيد بسرعه
شوق : يلا بحرك و بشغل لج
حصه : مودي حلو ترا
شوق : بشغل اغنيه اخذت القلب عيل
تمو يسولفون و يغنون لين ما وصلو بيت يدهم
شوق : ببركن اهني صوب ظبيه
حصه : يارب م تدعمينا هههههه
شوق : يلا جب نزلي بركنت عدل جوفي
حصه : سويقه طلعتي
شوق : و هي نازله جافت سلطان
حصه : سلام عليكم
سلطان : عليكم السلام شحالكم
حصه : بخير الحمدالله
سلطان : وانتي شوق ؟
شوق : انا بخير
و سارت و لحقتها حصه
دخلو داخل و الكل كان موجود
طبعا شيما كانت اتبخر البيت
