_كابوس ملاحقني من سنين كابوس راح يبقئ وراي يركض ابد مراح يتركني .
_سببه اليه شخص المفروض يكون حضنه امان ووطن
_لجج عار كومي كومي سويلنه زقنبوت .
_فجر بحسره::-كمت يابه كمت سمعت صوت خطواته الي رايحه.
_فجر::-فتت للحمام غسلت و لميت شعري ورحت للمطبخ داسوي الريوك.
_فجر::-هسه صار وكت اعرفكم عليه اني فجر من بغداد عمري 17 سنه اني الوحيده لـ اهلي امي توفت ماعرف شنو سبب وفاتهه ابويه ميحجي بيها.
_فجر بصياح::-يابه كملت الريوك يلا تعال ناكل.
_ ابو فجر::-اجيتت لجج حضري نفسج اليوم العصر يجون عليج عالم اريدج تبيضين وجهي مو تصيرين جنج هبله وتفضحيني.
_فجر::- يابه ع شنو يجون العالم شيريدون.
_ابو فجر::-نفس ماريد اسمع تسوين الي كلتلج عليه ترا احرك البيت ع راسج.
_فجر وعيونها مليانه دموع::-حاضر يابه.
_فجر::-خلصنه الريوك وغسلت الاماعين نضفت البيت وعطرته وسويت غدته سمعت اذان الظهر توضيت ورحت داصلي.
الاب بصياح::-جيبيلي كلاص مي بت الك*....
_فجر::-يابه بس اصلي توضيت.
_الاب بصياح::-لججج كممم مممره كتلجج كلمتي ما اثنيهها بت الخ*...
_فجر بدموع::-ضربني راشدي وكعت بالكاع حسيت شي حار ينزل من شفايفي لزمتهن شفت بيهن دم اصلا عادي مو اول مره.
_فجر::-هاهيه يابه حاضر
_جبتله كلاص مي ورحت للغرفه صليت واني كلي تفكير الي راح يجون العصر شنو يريدون.
_صارت الساعه 1 ونص ابويه كام يعيط يريد غده رحت صبيت وكعدنه ناكل كال الساعه 4 العصر يجون العالم حضري نفسج ومثل ماكتلج.
_فجر::-اي يابه .
_صبيتله الجاي ورحت للغرفه تمددت واحس ضهري راح يطك من الوجع
_صارت الساعه 3 وربع نزلت داحضر ضيافه للخطار الي راح يجون.
_فتت من يم غرفه ابويه سمعته يحجي ويكول يمعود كلي انطيك 10 ملايين اذا بنتك تعجبني
_يعني شنو هذا الحجي عليه ابويه راح يبيعني بـ 10 ملايين دموعيي كامت تنزل بغزاره ورحت للمطبخ مدنكه راسي وابجي عالم تتمنئ تصير عدهم اطفال و ابويه هيج يسوي ماعرف شكول بس حسبي الله ماعندي غير حيله اسويها.
_فزيت ع صوت ابويه هاي شنو بت الخ*... هاي شنو بعدج مامحضره نفسج اني شكلت .
_فجر بخوف::-يابه نزلت داسوي الضيافه والله هسه راح اصعد احضر نفسي .
_الاب بعياط::- يلااا بسرعهههه يلااا .
_فجر::-صعدت ركض واني ارجف اباوع ع الكنتور شلبس واني كل عيد اشتري ملابس حتئ ملابس مثل الاوادم ماعندي .
أنت تقرأ
فــجَر بغـــٖداد
Short Storyتدور هذه الروايه عن فتاه وقعت ضحيه بيد الارهابين سنه 2014 لنفتح الابواب ونسلط الاضواء علئ هذه الفتاه . 🤍🫀.
