بغيتو تركي ❤️مكتملة❤️

الجزء الرئيسي ❤️

             🚫🚫   الجزء الرئيسي 🚫🚫

وقف الطاكسي قدام اوطيل متوسط فنواحي اسطنبول نزلات منو واخيرا بعد السفر الشاق لي دام لساعات حطات رجليها بجوج برا وهو يقبصها لبرد ورجعاتهم لطاكسي تتولول غا وحدها

نسيمة تتشوف فمول طاكسي لي حل عليها لباب تيتسنا فيها تنزل وهي تجر تاني لباب لعندها سداتو: لالاالاالااااا لبرد لبرد اصميقلي خليتو فخنيفة باش نلقا ولد عمو الگص هنا ايي لالاااا

مول الطاكسي مفهمها گاع اش تتقول وتكلم بالتركية: انسة راه وصلنا لفندق لي بغيتي

نسيمة جامعا رجليها عندها ومزيرة على لباب تتهضر معاه من بين الزاج: وا لااا والااااا تسنا نلبس تقاشريييييي

مول الطاكسي بقا غير تيشوف فيها فلخر طلع لطاكسي يتسناها تا تنزل على خاطرها

نسيمة دارت لساك لي حداها وهي تحلو ولاحت الغطا لي عامر برودويات وشامبان تاع فانتيكا وصابون لبلدي صابون لحجرة ومحكة والكيس حتا من لاسير جايباه طلعات عينيها فالمري تيبان ليها مول الطاكسي تيشوف فيها وهي تبتاسم ليه وكملات تقلابها تا لقات شي تقاشر ميفكروك عا فالمنتخب الوطني كان بحالهم عند حجي وامرابط غا هوما مزوقين تيطلعو تالركبة لبساتهم وهي تجبد وهوما يتجبدو هي تجبد وهوما يتجبدو تا وصلتهم تالفخاض بعدت شعر على عينيها وجمعات صاكها وهي تنزل تتهبط فكسوتها مسكينة تتشوف التواركة مقزبين فالتلج تيحساب ليها عندهم بارد وسخون امولاي عقوب
مول الطاكسي هبط ليها الفاليزا خلصاتو وهي تجرها وغاديا ونيفها حمار والتلج طاح ليها فوق حجبانها وشفارها بقا ليها غا لبولات لملونين وهاهي ماما نويل النسخة المغربية
  
      [[   نعرفكم بالبطلة   ]]
نسيمة لمزغب كينيتها معقداها وعندها منها فوبيا لدرجة بغات تدعي باها وتفك منها 27 عام سالات قراتها وخدمات وبغات تحقق احلام الطفلة لي فيها وتجول لعالم
بقات ليها غا تركيا وكانت خاصاها غا دفيعة حتا تلاقات ب بوراك فمواقع التواصل الاجتماعي  ولاو قراب من بعضياتهم بزاف واعتارف ليها بحبو وحتا هي
قررات تجي لتركيا على قبلو باش تلاقا مع حب حياتها الالكتروني لي دام ل3سنوات عبر النت
●فواش غادي تلاقا بيه ؟؟
●واش غادي يكون كيف تخايلاتو ؟؟
●اشنو غادي تعيش من احدات كمغربية حطت رحالها  فتوركيا وحلفات حتا تديه تركي ؟؟