اميرة قلبي ♥

سلام سلام شونكم حبايب اليوم نبدي البارت الثاني للقصه اتمنى يعجبكم ♥

بسم الله الرحمن الرحيم ♥

صباح الخير علحلوين شونكم اني غزل طبعا نسيت اكلكم عن محافضتي ومن هسوالف اني من من البصره  بس عايشين بغداد  تمام واما عائله كيان من البصره بس عايشين بغداد يعني مثلنه انتقلنه من البصره من جان عمي 9 سنوات تقريبا بسبب شغل بابا اما عن عائله كيان فه ويه القصه راح اتعرفون تمام يله نبدي وها قبل مانبدي راح تطلع شخصيات جديده بلقصه اوك

غزل: صباح الخير والسعادة والعافية والسرور يارب
رعد: صباح الورد والياسمين حبيبتي تعاي باباتي كعدي يمي تريكي
غزل: لا بابا خاف ماما تغار عليك
فاطمه: ولج غزيله ماتگعدين وتسكتين
غزل: يله خلص ماحجيت شي فديت زهوري وفديت رعودي اوك هسه تمام
فاطمه: والله عليج سوالف گعدي يله
غزل: لحضه خل ابوسكم رحت بست ماما وبست بابا وگعدت اتريك وبعدين گلت اكلكم جا وين غيوثي
فاطمه: غيث نايم كملي ريوكج وصيحيله خل يويدج للمدرسه ويروح للشغل
غزل: تمام ماماتي كملت ريوك ورحت اصيحله صعدت شوي شوي تعدمت اسوي هيج حته اخرعه طبيت للغرفه على كيفي ورحت يمه طبعا غيث نومه ثگيل المهم رحت يمه گلت شون افززه شلون بعدين اذكرت يموت ولا احد يلمس اغارضه وخصوصا الشمعه مالته رحت للشمعه وشغلتها واجيت يم خشمه وحطيتها ضلت تفوح الريحه تخبلت عليها تجنننن تموتت الريحه شوي وگام يتحرك عفتها وشردت طلعت من الغرفه وگفت يم الدرج جان اسمع صرخه غيث يصيح ويكول ولجج غزللل انا اعلمجج انا الجج انا من يمي فطست ضحك 😂 جان يطلع وهو لابس الشورت والفانيله وشعره مكفش واجه يركض وراي وانا دكيته ركضه وانا ميته ضحك عليه ورحت ركض وره بابا جان يكول بابا
رعد: هاي شبيكم
غزل: بابا رحت اگعده واجه يريد يكتلني 🥺😉
غيث: بابا والله جذابه اجتلي وشغلت شمعتي وانتو تدرون كلش زين انا مااحب احد يلمس اغراضي وخصوصا الشمعه
رعد: اي واذا شغلت شمعتك اشتريلك غيرها
غيث: بابا غاليه ماموجوده بكل محل اله محلات خاصه
رعد: عادي انا اروح اشتريلك
غيث: هاهيه بس انا الج غزل
رعد: اياك غيث اياك تلمسها او تضربها
غيث: لا بابا شسالفه بحياتك شايفني ضارب غزل انا رايح
رعد: يله بابا غزل روحي بدلي خل يوديج اخوج
غزل: تمام رحت بدلت وكملت وسويت شعري ضفيره حطيت واقي شمس وفازلين لشفتي وشلت جنطتي ونزلت شفت غيث مكمل وگاعد ينتضرني
غزل: يله غيوثي امشي
غيث: يله
طلعنه وصعدت بلسياره شغل وحرك بعدين كلت خل اعتذر منه
غزل: غيوثي اني اسفه بس حبيت اشاقه وياك
غيث: لا عادي غزاله كلشي فدوه الج شعندي غيرج ولا يهمج اجيبلي واجيبلج بعد من عدهن تمام
غزل: بفرحح اي تمام جيبلي انواع اوك 😙🫶🏻
غيث: ههههه تمام من عيوني
المهم وصلنه للمدرسه نزلت ولكيت عبير توها جايه لمحت اخوها بلسياره يمهه يجنن بگلبي طبعا هسه دگولون كل هلمده وانتن صديقات معقوله مشفتي اخوها لا ماشفته اخوها جان مسافر يكمل دراسه وجانت مسجله خط فهاي اول مره اشوفه
عبير: ها ولجج غزللل وين صافنه صافنه بأخويه 😉
غزل: انجبي عبير
عبير: اكلج هاذ الوياج بلسياره اخوج
غزل: اي ليش تسألين 😉
عبير: لا هيج
طبينه جوه

يتبعع....