اميرة قلبي ♥

هلاووو شونكمم اخباركم

صح البارتات جاي اتصير قصيره بس داسويلكم بارتين بليوم لان عندي دراسه يعني اكتب بارت بلنهار وبارت بليل تمام حبايب قلبي

بسم الله الرحمن الرحيم ♥

غزل: مرن اليومين بسلام واجه يوم السفر گعدني كيان بدلت وتريگت واخذنا الجنط ودعنه الاهل وانطلقنه
لبسي

حبيت يكون رياضي لان مريح والطريق كلش طويلل
وصلنه للمطار وكملنه كل الاجراءات وگعدنه ننتضر
كيان: حبيبي اذا تردين الحمامات فه هنا هناك واذا تردين تشوفين المحلات فه ذنيج گدامج
غزل: ماشي حبيبي گعدنه مرت كم ساعه واجه موعد السياره اشترينه حلويات كومههه صعدنه بلطياره جنت انه يم الشباك وكيان بصفي وبصفنه جانت بنيه شابه تجي بعمري تقريبا گمت اصور واحط ستوريات وحالات واتس حركت الطياره وانه متحمسه فوللل مرت ساعه واحنه بلطياره نعست نمت على جتف كيان هوه لازم ايدي جان
كيان: نامت غزل على جتفي شويه وحاجتني البنيه الي بصفي
البنيه: هاي اختك
كيان: عفوا
البنيه: هاي اختك
كيان: لا زوجتي
البنيه: انتو متزوجين جداد
كيان: اعتقد مو خصج بلموضوع بس راح اجاوبج اي احنه متزوجين جداد وهاذ شهر العسل
البنيه: وين رايحين
كيان: ياليل لكوريا
البنيه: الله حتى انه راح اروح الها انطيني رقمك حتى نتقابل هناك كلش حبيتك
كيان: نعم انتي تحجين صدگ گعدت غزل على حجينا
غزل: گعدت لگيته يحجي ويه البنيه الي بصفنه متت شون يحجي وياها
البنيه: هلاوو شونج انتي زوجته مو
كيان: مو گتلج اي زوجتي
غزل: انتي شعليج بينه
البنيه: المهم نرجع لحجينه انطيني رقمك حتى ادليني انه هناك كلشي ماندل وانته رجال وانه بنيه حتى اتساعدني بليزز
غزل: احترمي نفسج زوجته يمه وتحجين ويا بهلطريقه ماكو احترام
البنيه: انتي شدخلج ماحجيت وياج
غزل: لا والله تحجين ويه زوجي وطلبين رقمه وادگليلي شعليج شهلجرائه لعندج او لا هاي مايسمونها جرائه هاي قله ادب وقله احترام
البنيه: اوفف اسكتي كيان گلها خل تسكت
غزل: لا وبعد دگول اسمه تردين اگوملج اموتجج
كيان: بسس سكتي انتي منو وتحجين هيج ويه زوجتي وماسمحلج تگولين اسمي وبعدين شون عرفتي اسمي
البنيه: هاي البصفك جانت تصيحلك بسمك
كيان: اکلج احترمي نفسج صحت للمضيفه لو سمحتي
المضيفه: نعم استاذ محتاج شي
كيان: ممكن توخرين هاي من يمنه
المضيفه: ليش اكو مشكله
كيان: اي اكو تحاول تاخذ رقمي وتحجي على زوجتي اتمنه تلگيلها مكان
المضيفه: اسفه والله استاذ ماكو اماكن فارغه
كيان: استغفرالله
البنيه: هه
كيان: ماشي شكرا الج
المضيفه: من عيوني
غزل: حبيبي گوم اگعد بمكاني
كيان: ماشي درت بمكان غزل وغزل طول الطريق تبسمر البنيه وتطيها نضرات الي بس تكلمي وانه اراويج انه بداخلي ميت ضحك عليها وعلى غيرتها وكلساع وگالت حبيبي حبي عشقي ومن هلكلام وانه اكمل وياها بردي حتى تعرف هلبنيه اني مستحيل انطيها وجه
غزل: كياني حبيبي
كيان: ها يروحي
غزل: حبيبي شوف هاذ المكان بسيول يجننن خل اروحله حباب
كيان: شو خل اشوفه شفت المكان وصدگ طلع حلو گتلها ماشي حبيبي اروحله عدنه وقت كلشش طويل هناك
غزل: صدگ شگد بله
كيان: 3 اسابيع
غزل: واو يعني عدنه وقت انروح اي مكان
كيان: اي حياتي شكم غزاله عندي انه
غزل: لزمت ايده ونمت على چتفه باوعت للبنيه بنضره نصر وخرت نضري عنها المهم هيه واضح گاعده على اعصابها وكلساع تباوع النه وتدور مرن الساعات والطريق جان كلشش طويل وصلنه بعد عناء طويل نزلنه للمطار كملنه كلشي واخذنه تكسي ورحنه للبيت جنه نحجي ويه السايق عن طريق گوگل انه اعرف احجي بس قليل بس جنت تعبانه فه ماحجيت شي وصلنه للفندق وجان فخممم كلش خمس نجوم اخذنه المفتاح ورحنه لغرفتنه او بلاحرى للجناح جان يجننن طبينه سد الباب كيان ارتاحينه شوي بعدين دخلت اسبح سبحت ولبست فستان نوم ورحت مددت على الجربايه حتى مانشفت شعري راح كيان سبح وخلص واجه يمي تمدد سحبني لحضنه وگال
كيان: خل انام ونشبع نوم وشوكت ماگعدنه ناكل ونطلع تمام حبيبي
غزل: تمام عمري طبعا جان الوقت ليل نمنه والنومه نومه ماگعدنا اله الساعه 11 گعدت انه رحت بدلت ومشطت شعري وگعدت كيان كياني حبيبي يله گوم ماشبعت نوم
كيان: لا
غزل: اي حتلو يله گوم البوفيه راح يسدونه
كيان: عادي ناكل بغير مطعم
غزل: يعني ماراح نطلع هسه (بززعل)
كيان: گعدت على حيلي وگتلها معقوله ازعل هلعيون الحلوه يله بس ابدل وننزل رحت غسلت وبدلت ومشطت وطلعنه
لبس غزل

لبس كيان

اول مره نحط لبس كيان بس الضاهر كيان غار وقرر حتى اهوه يطلع لبسه 😂♥
شعر غزل

كملنه لزمت ايده وطلعنه سد الباب ورحنه للبوفيه اتريگنه وطلعنه نفتر افترينه الاماكن القريبه والحدائق وكلشش جان المكان حلو وحتى تعامل الناس جان حلو صار وقت الغده رحنه لمطعم وطلبنه اكل اكلنه قليل لان جنه شبعانين جان الاكل حلو يعني ماگول واو بس حلو كملنه ورحنه گعدنه بلحديقه اشترالي شعر بنات ورحنه المحلات القريبه واشتريت كم شغله هدايا طبعا لاهلي زعبير ولين وزينب جانن موصياتني على غراض مالگيتهن كلهن بس اشتريت الي لگيته مارجعنه ضلينه نفتر جان اكو بحيره قريبه رحنه گعدنه يمها وضلينه نسولف ونشاقه صار المغرب قررنه نرجع للفندق رجعنه طبينه للغرفه حطينا الغراض مابدلنه لان جنه انريد نطلع بليل لمكان حلوو گعدت ارتب الملابس بلكنتور والغراض شويه وواندگ الباب راح كيان فتح الباب ودخل الاكل شكرهم وسد الباب گال
كيان: حبيبي تعاي عوفي كلشي تعاي خل نتعشى اكيد جعتي يلهه قبل لايبرد
غزل: تمام عفت كلشي ورحت گعدت جان اكو طاوله صغيره بيها كرسيين گعدنه ناكل كل شوي يوكلني وانه اوكله لحد ماخصنا عشه گمنا غسلنه وفرشنا اسنانه رحت رتبت السفره وذبيت الزباله اما الاكل الي زاد ضميته بلثلاجه خاف نجوع اخر اليل والبوفيه والمطاعم مزدوده المهم گال كيان
كيان: يله حبيبي امشي انروح للمكان
غزل: يله رحنه للمكان وتونسنه وناسه ماصايره

مرن كم يوم على سفرتنه كل يوم مكان وشراء اغراض واغلبهم هدايا كل يوم اتصل على البنات واهلي ونحجي سوه

يتبععع.............

احبكممم حبايب قلبي ♥

بايي 🖐🏻🫶🏻

أُريـدگ…ربّـما تُـجيب هـذه الكلمة …عن تسـاؤلاتـگ…♥♥”

لا سلطـة لنـا على قلوبنـا هى تنبـض لمـن أرادت …!”