قبل راس السنه بيوم اجوي بيت رحمه خطار ع بيت عمي جنه منضفين البيت اني ونور مخلي يلمع وغيرنا شويه بلديكور علمود راس السنه و تفاجئت ام رحمه من بيت عمي
ام رحمه : شنو هاي ام محمد بيتكم صاير يخبل
مرت عمي : اي خطيه نور وساره ممخليات شي نقص خطيه ساره 24ساعه تشتغل
رحمه :ادري يا خاله هوا منو ميعرف ينظف
نور : بس ساره ادقق بالتنظيف
نور ومرت عمي يعرفن بعلاقه رحمه ومحمد بس رحمه جان هواي عدها علاقات ومرت عمي مرادتها اني ونور سوينه الغده اجه محمد شافهم سلم ع خالته ورجلها ورحمه جانت يمنه بالمطبخ اجه عليه
محمد : ساره تعاي للغرفه شويه محتاجج بشغله
رحت ورا وصعدنه للغرفه اني مردت اروح بس بعناد رحمه رحت
ساره : ها محمد شكو
محمد: شعجب جيتي بسرعه
ساره :بعناد هاي الصخله جيت
محمد : راح امدد بلغرفه ومن صبون غده جيبيلي انتي الغده بلغرفه ماريد انزل
رجعت للمطبخ ورحمه تباوع عليه
رحمه : نور مطورين صايرين الخدم من اهل البيت
نور : بس احنه ماعدنا خدم
اني ضحكت ورجعت اكمل شغلي صبينه غدا وكلت النور خلي اودي لمحمد غده واخذت الصينيه وصعدت
محمد : ع كيفج شبيج
ساره : مابيه من وراك صرت خدامه
محمد :شكو
محجيت ويا شي ونزلت حتى اكمل ويا نور ورا مراحو وكملنه كولشي
محمد : نور شبيها ساره شو ضايجه
نور : مابيها بس رحمه كالت الخدم صايرين من ا اهل البيت
محمد : اني اعلمج يا رحمه
صعدت اني للغرفه محمد سئلني ع رحمه شكالتلي محجيت ويا شي كال شوفي شراح اسوي بيها
محمد :الو رحمه انتي منو سمحلج تحجين ويا ساره والله اذا حجيتي وياها بعد اطيح حضج واكول لاخوج اختك ادك عليه نص اليل
ما اعرف ليش هيج سوا بس رتاحيت من هيج حجه لان هاي حيل ضغطتني
كعدنه الصبح اني ونور بدينا نحضر بصاله وحطينه الشجره وزيناها ورتبنا الصاله قتيبه حجز الكيك وحامد ديسوي بلنفاخ و طفينه لاضويه صارت الصاله اجنن
نور : ساره عليج الله لاترحين تدرين اني ماعندي احد حته صديقات واختي مزوجه تعلمت عليج
مجنت اعرف شسوي اني هم تعلمت عليهم وتعودت ع العرايك وضحك وسوالف كل هذا الروتين تعودت عليه حتى محمد صار وجوده بحياتي شي حلو
قتيبه جاب الكيكه
محمد وعمي جوي : الله هاي شمسوين اول مره اشوف بيتنه حلو وبي لمه
مرت عمي :هذا بفضل ساره
ساره : لاعمه اني شعليه
نور : احم احم شنو نسيتوني
الكل : هههه لا انتي شمعه البيت
