محمد :ساره كعدي يله سويلي ريوك
ساره :محمد شبيك من شوكت اني اسويلك ريوك
اجه يمي وباسني كالي
محمد :يله كومي بعد انتي مرتي ولج مرتين اخذتج وعترفتلج بحبي شتردين بعد
ضليت صافنه اني اكوله هم احبك لو بعد خاف يغدرني مجنت اكدر اثق بي كمت و راسي يوجعني ونفسي لعبانه نزلت سويت ريوك نزل محمد تريك وهوا مبتسم ما اعرف شبي
محمد : تعالي اكلي وياي
ساره : لا ماريد راح ازوع
محمد : ليش خاف حامل
ساره : اهو انته شبيك من الصبح اني احبل منك ويع
طبعت كلمته بالي وجنت حيل خايفه خاف صدك واني بعدني صغيره واصلن ماريد هذا الطفل يجي ويعرف امه جانت فصليه انقهرت حيل
مرت عمي : ساره شبيج اليوم
ساره : ما اعرف والله شبيه بس نفسي تلعب ودايخه
مرت عمي محجت شي عافتني وراحت واني كملت شغلي وصعدت للغرفه نمت مكعدت اله اجه محمد حط يده ع شعري
محمد : ساره كومي تعشي شبيج اليوم مو عوايدج تنامين هيج
ساره : محمد عوفني تعبانه
محمد نزل ع مرت عمي وكاللها
محمد : يمه ساره مدري شبيها نوديها للمستشفى
اخذوني ع المستشفى سوولي سئلوني شنو بيه وسوولي تحاليل
الطبيب : نص ساعه التحليل يكمل
جنت خايفه وادعي ما اطلع حامل صح كمت احب محمد و هوا صار زين ويايه بس مو معناها احبل منه
الطبيب : ساره
محمد : اي دكتور كول شبيهن التحاليل
الطبيب : مبروك حامل
محمد : يمه سمعتي شكال يالله اني راح اصير اب
مرت عمي : صلوات يمه مبروك
ظليت ساكته ودموعي تنزل ما اعرف شسوي افرح لو احزن لو شسوي كل الي ديصير وياي غلط وتعبت من هذا الشي
رجعنه للبيت وكالو العمي
عمي : بيها الخير واخيرا محمد راح يصير اب بس لازم نكول العمكم ونصالح لان راح يصير بينه حفيد
محمد : بس يابه شلون انسه الي سوا سلام
عمي : يابه محمد ميصير اضل هيج الحادث صارله 10 اشهر وسلام راح يصير خال ابنك يعني لازم تتصالحون كافي زعل
اني مجنت واعيه ع الي يحجو بس ابجي عبالك حكموني اعدام مو طلعت حامل
