دموع الليالي

الجزء 1

بقلم. همسه ال عبيدي

مانسينا بس تناسينه
الدينا كلهة غربة بلياك
صفت العيون دموع
وصفة الگلب نار بغيابك
...............

سلسبيلا. فزيت من نومي على شركت الشمس البعيني وصوت العصافير الشتاء نفضت الحاف من عندي وكمت صحت على امي. يووم ماما وينج وآني افتر بالبيت
فريدة. ولج ها يمه شبيج تصيحين شكم مرة اعلمج لا هيج اصيحين اتفززين الواحد بصياحج
سلسبيلا. وعليش مامكعدتني من ابوية رايح
فريدة. والله يمه ردت اكعدج بس ابوج ما خلاني اكعدج كال عوفيهة تعبانة هو اسبوع زمان وآني نازل مااطول
سلسبيلا. بنضرة ماعجبني الحجي.. وشوكت كال يجي غير عشرين يوم مادري عشرة ايام
فريدة. كال عشرة ايام وينزل وهو قريب يعني مو خارج المحافضة..بقضاء ال ......
سلسبيلا. هزيت راسي وضجت حيل رحت غسلت وجهي وكعدت اتريك
خل اعرفكم بنفسي
اسمي سلسبيلا عمري 16سنة
عايشة وية عائلتي المتكونة من حبيبي ابوية ..روحي من الدنيا ابوية متعلقة بي بشكل
وامي..وعندي اخ اصغر مني اسمة همام
ابوي يشتغل مقاول بناء ..هواي يروح خارج محافظتنة بسبب شغلة ..لهذا السبب اليوم ضجت لمن امي ما كعدتني اودعة لان يتأخر بشغلة هواية مرات اشهر يطول شغلة ..حسب المشروع الي يستلمة.. كملت ريوك وصرت اغسل المواعين

وابوية ماراح من بالي وگلبي مامرتاح
وآني اغسل بالمواعين شفت شريط حياتي كله
من يوم النولدت بي لحد ما.....
اتسعت اعيوني على احد المشاهد عبالك داخلة بفلم

مشهد كلش مروع تمنيته مايصير ولكن من يجي القدر بعد وجايب أجل احد الاعزاز بذاك الوكت ماتعرف شسوي وين تضمهم وشلون تنقذهم هذا المشهد ابد مانسيته ولاتناسيته الله لايشوفه لااحد ولايفجع گلب أحد بعزيز گلبه جان هذا المشهد هو موت ابوية وكدام عيني صار مجتفيني ومخلين ابوية كدامي معذبينة مامخلين جزء من جسد ابوية يعتب عليهم....
جانوا هواي زلم واكفين بالزي العسكري
اسود ولثام على وجوهم ...واسلحتهم بأيديهم
واحد منهم جان واكف يم ابوية مبين من النجمات الي على جتافة رتبتة كلش عالية شايل المسدس وخلاه براس ابوية وآني اصيح واتوسل بي بأن مايكتلوا ولكن مع الاسف هذا جان اجل احد اعزاز گلبي يموت بهذي الطريقة..
حسيت على دموعي نزلن فزيت وعيوني على وسعهن مفتوحات من الصدمة كمت اتلفت بالمطبخ مثل الخبلة هيج وهيج جسمي كل يرتعش من الخوف والصدمة والمشهد الشفتة احس شي صعد على گلبي شيي نار صارت بصدري نفسي صرت كوة اخذة يربي
كمت وآني افرك بصدري أريد هاي الحرارة تروح مسحت دموعي وكمت بساع خفت لاامي شوفني رحت غسلت وجهي رجعت لغرفتي وآني افرك بصدري وركَبتي سمعت صوت امي مسحت وجهي
بساع وغيرت نبرت صوتي واتحمحمت.. احمم.. احمم.. هاي يمه شنو .. بنضرات ارتباك وخوف
فريدة. يمه شبيج اشو مو على بعضج.. وهيه اتحط ايده على جبين سلسبيلا
سلسبيلا. وخرت راسي من أيد امي .. لا يمه مابيه شي بس اشويه تعبانه من القرايه
فريدة. لعد يمه بس لميلي الفراش وآني اكمل الباقي بس ليما اكمل الشغل الخارجي
سلسبيلا. هزيت راسي بمعنى ايي ...
سويت الي امي كالت علي كملت الساعة ب9 كعدت اقرة وهذا الشريط المر عليه ابد مايروح من بالي
طفرت ورحت اصيح على امي"يوم يوم ..خابري ابوية هسة وصل"
::ولج يوم شبيج اليوم ..قابل أول مرة ابوج يروح
::يلا يوم خابري فدوة ...خابري
صاحت::امشي ولي من وجهي .. روحي اقري
دخلت للبيت وآني ادردم ...كعدت اقرة بس يا قراية
بالي يم ابويه وهذا الاحساس الخبلني اخبال وكأنُ واحد ديحجي وياي الصوت بين اذني يتردد بكلمه "ابويه مات" وبس.... انوب افز مالكي روحي غير كايمه لحيلي بدون مااحسن على روحي
وارد اكعد ألهي روحي بالقرايه وبس هذا الصوت ابد مايروح موتني فزيت على صياح امي..
تناديني ركضت عليهة واصيح 'هااه ..هاا جيت يوم جيت'
فريدة. وج يمه وينج مو ساعه اندهلج وين جنتي ماتكوليلي .
سلسبيلا. غير جنت بالغرفه يعني وين وماسمعتج

فريدة.يمه اصفطي الفراش وعزلي الاغراف وعود آني اكنسهن وامسحهن افتهمتي يمه.

سلسبيلا. هزيتي راسي 'بمعنى ايي ' طبيت وجان الجو كلش حلو بس مال واحد مو مهموم ونفسيته تعبانه مالت واحد نفسيته مرتاحه لاابعد الحدود يكعد يگابل هذا الجو طبيت واني محصورة ونفسي صعب اخذه.. طبيت على غرفه اهلي عزلته وآني اشيل الهدوم ومن بين الهدوم هدوم لاابويه خليتهن على صدري وشميت عطرهن " يبوو شحلاته مليان حنان بسته وخليت مرة ثانيه على صدري دموعي نزلت وكأنُ من صدك راح افاركه بمجرده تفكير هيج صار بيه فكيف ' لو حقيقه شيصير '
عزلت البيت ب9 الساعه صارت كعدت اقرة بس مااستوعب من الاقرا ....
بعده صارت الساعه 11 كمت توضيت وصليت ضحى
بعده بدلت ماتغديت لان مالي نفس لميت كتبي وخليتهن بالجنطه لبست الجواريب وكعدت انتضر بنات عمي يجن اجه أخويه الصغير  همام يمشي بأتجاهي والضحكه شاگه حلگه عمره مايتجاوز الاربعة سنين يمشي بتجاهي ويردد.. .اسه اساا. ... يعني (سلسبيلا).
بعده مو كلش ينطق ..الافتهمتة من كلامة اجن البنات ..شلت الجنطة ومشيت سلمت عليهن ومشينة
طول الطريق يحجن ويضحكن وآني احس نفسي بغير عالم ..مثل الجسد الي بلايا روح
وصلنة المدرسة وجان يومي عادي بشكل ...خلص الدوام واني اصلآ ما اعرف شأخذنة واجبات رجعنة بالطريق جانت الدنيا شتة بعدها الساعة ب4:30 بس الشمس غوربت..وبس الغسق باقي متناثر على الغيوم الي محملة المطر...دخلنة فرعنة وآني نفسيتي زفت شلون راح ادخل لبيتتة وابوية مموجود بي ..رفعت عيني وجان اشوف سيارة سودة مضللة واكفة بباب بيتنة ..اسرعت بخطواتي حتى اعرف شصار ..البنات صاحن وراي شكو
ما اهتميت كملت طريقي بسرعة ... بس السيارة
أول ما. قربت اوصل شخطت بسرعة وراحت
.
.
.
.
.
للحكاية بقايا

تحياتي: بسمة آل ساير

دمتم في آمان الله وحفضه ☺️

لا تنسون التصويت 🌟