الساعه ٧ ص
كانو يتجهزون لدواماتهم واشغالهم
رغد : عنوددد يلااا بنتأخر
العنود ؛ تنزل ركض من الدرج و في تلبس البلوڤر جيت جيت
ناصر معا السلامه يمه
الجده : درب السلامه
عبدالرحمن : وين نجد
ميهاف في الصاله : هنا
كانت ميهاف تسوي شعر نجد كيرلي
ميهاف : يلا حبيبي روحي الحضانه
راحت نجد لابوها ركض و راح سيارته
ركان : يمه ترا انا بسافر كم يوم عندي شغل
الجده : طيب يا امي انتبه على نفسك
ركان و وهو يبوس راسها : سمي
ميهاف لركان : انتبه لنفسك و كلمني
راح ركان و فيصل و الجد لشركه
و رغد الي اخذت العنود المدرسه و راحت
ما بقى في البيت الا ميهاف و ود كانت محاضراتهم متأخره
ميهاف : برقى البس
في غرفه ميهاف لبست بنطلون ابيض و بلوزه بيضه رقبتها طويله و لبست فوقها جكيت ازرق و ابيض و جزمه نايك و حزام معا شنطه من براده
بعدها راحت اسوي و يڤي و تحط ميكب خفيف
و نزلت تدور ود
ميهاف : ود يا ود
العامله : مدام ود راحت جامعه
ميهاف : اها تمام شكرا
طلعت ميهاف من البيت و راحت للجامعه
دخلت المحاضره و كانت ماسكه جوالها لان الدكتور ما جا لاحظت ولد دخل و كان اول مرا تشوفه في الكلاس
الولد دخل و ما كان في مكان الا جنب ميهاف راح و جلس كان لابس بلوفر ازرق و لابس سمعات
جلس جنب ميهاف دخل الدكتور و بدا يشرح المحاضره و ميهاف كانت مفهيه اما الولد كان يكتب كل شيء يقولها الدكتور لما طلع الدكتور اخذ دفتره دفه جهت ميهاف و قال ترا ذا مهم بيجي في الكوز بكرا
ميهاف : ها ايه شكرا
الولد مد يده و هو يقول انا محمد
مدت يدها ميهاف :ميهاف تشرفت
ابتسم الولد و قال انا استأذن و خلي الدفتر معك
ميهاف : شكرا
طلعت ميهاف و خلصت كذا محاضره
طلعت و ركبت سيارتها و تفاجات من اتصال من مدرسه العنود
ميهاف : الو
المديره : اهلا وليه امر العنود
ميهاف : ايه امري وش فيه
المديره : يا ليت تجين المدرسه
سكرت ميهاف و هي تقول الله يستر بس
مشت ميهاف و وقفت عند مدرسه العنود و نزلت دخلت المدرسه و راحت مكتب المديره و شافت العنود جالسه و جنبها بنت كان خشمها ينزف و العنود بلوزه مريولها مشقوق
ميهاف : سلام عليكم
المديره اهلا تفضلي
جلست ميهاف و في تقول : عساه خير وش السالفه
المديره : ابدا بس العنود ضربت راس البنت في الطاوله
ميهاف و هي تطالع عنود و تقول : ليش
العنود : هي بدات
ميهاف : انطمي لا اسمع صوتك
سكتت عنود و قالت المديره
معا الاسف انا موقعتها علو تعهد و فصلتها ٣ ايام
طلعت ميهاف معا العنود و ركبو السياره ميهاف و حاولت تهدي نفسها خصوص انا عنود كانت تبكي شربت ماء و قالت : ليه وش سوت
العنود: لعنه ماما و هي تشهق حضنتها ميهاف و هدتها و بعدها مشت و رن جوالها رفعت جوالها
ميهاف: الو
ركان: ميهاف وينك ما جيتي
ميهاف : اجي وين
ركان : تستعبطين كلنا في المطار عميمه بترجع اليوم
ميهاف : يوههههه نسيت يلا يلا بجي
و سكرت
ميهاف : بنروح البيت بدلي عشان نروح نجيب عميمه من المطار بسرعه
نزلت عنود و رقت و لبست جنز معا بلوفر واسع و جوردن
و رجعت ركبت و مشت و راحو المطار و نزلو
ناصر : اهلا
ميهاف هلا ما وصلت
ركان لا لا تخافين
وصلت العمه مريم الي كانت تتلفت تدور عيال اخوانها و اول وحده انتبهت لها ود الي راحت تركض و حضنت عمتها و ركضو كلهم وراها يسلمون علو عمتهم الي انهارت بكاء في حضنهم و حضن امها و بعد ما سلمو عليها كلهم ركبو سياره لموزين عشان تكفيهم
و مشو
مريم: يا ربي اشتقت لكم
رغد : عميمه جبتي لي هديه
مريم و هي تضحك : جبت لا تخافين
رغد : ايه اهم شيء
ضحكو كلهم على رغد
فيصل : اقول شرايكم ننام في السطح نفس قبل
ميهاف: ايههههه رجعت عميمه خلونا نسويها
عبدالرحمن: تم
و وصلو بيتهم و رقو كلهم السطح و شب ركان و ناصر النار و فيصل و عبدالرحمن كانو يرقون شاشه البروجكتر
و البنات يجهزون مكان النوم حطو فرش على عددهم و ميثى و ود كانو في المطبخ يسون سناك فشار و عصاير و وقوهم فوق و انسدحو كلهم و شغلو فلم و كانو يضحكون و فرحانين اما العمه مريم الي حست انها فعلا في البيت اما شافت عيال اخوها فرحانين نامو كلهم
قام فيصل من النوم على صوت و شاف ميهاف جالسه جنب النار و تسوي شاهي و انتبهت له ميهاف و قالت اهلا
تبي شاهي
فيصل : ايه عادي
و جلسو يسولفون و حس فيصل ان ميهاف بردانه و فصخ فروته و لبسها
ميهاف بابتسامه : شكرا
ورجع فيصل ينام
